’جو کوئی نہیں کر سکتا وہ مہران کرتی ہے‘، مہران گاڑی سے کھیتوں میں ہل چلانے کی ویڈیو وائرل
اشاعت کی تاریخ: 17th, February 2025 GMT
پاکستان میں سوزوکی مہران کا نام کسی تعارف کا محتاج نہیں۔ اسے پاکستان میں سب سے زیادہ پسند کی جانے والی اور سب سے زیادہ فروخت ہونے والی گاڑی قرار دیا جاتا ہے۔ اردو کے عظیم مزاح نگار مشتاق احمد یوسفی کے مطابق اسلام میں سب سے زیادہ قربانیاں بکروں نے دیں اسی استعاراتی پیرائے میں دیکھا جائے تو پاکستانیوں کے لیے سب سے زیادہ قربانیاں سوزوکی مہران نے دی ہیں۔
سوزوکی مہران کی غیر معمولی شہرت کے پیچھے بہت سے عوامل کارفرما ہیں جن میں کم قیمت، ایندھن کی بچت، پرزوں کی آسان دستیابی اور دیکھ بھال میں آسانی بھی شامل ہیں۔ یہاں تک کے ڈرائیونگ سیکھنی ہو تو یہ کار پہلا انتخاب ہوتی ہے۔
لیکن جیسے جیسے مارکیٹ میں نئی طرز کی گاڑیاں آ رہی ہیں مہران گاڑی جیسے اپنی اہمیت کھوتی جا رہی ہے۔ اس کا اندازہ اس بات سے لگایا جا سکتا ہے کہ سوشل میڈیا پر ایک ویڈیو خوب وائرل ہو رہی ہے جس میں مہران کار میں بیٹھے دو افراد کو کھیتوں میں ہل جوتتے دیکھا جاسکتا ہے۔
ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ انس نامی صارف لکھتے ہیں کہ انسانی تاریخ میں مہران کار کی قربانیاں ہمیشہ سنہرے حروف میں یاد رکھی جائیں گی۔
انسانی تاریخ میں مہران کار کی قربانیاں ہمیشہ سنہرے حروف میں یاد رکھی جائے گی ???????????? pic.
— Ans (@PakForeverIA) February 16, 2025
حامد نامی صارف لکھتے ہیں کہ یہ دنیا کی سب سے زیادہ ورسٹائل کار ہے۔
It’s the most versatile car in the world ????????
— Hamid (@HMahmoodPK) February 16, 2025
خرم شہزاد نے لکھا کہ جو کوئی نہیں کر سکتا وہ مہران کار کرتی ہے۔
جو کوئی نہیں کر سکتا وہ مہران کار کرتی ہے ???? https://t.co/H3cX8eRvdm
— Khurrram Shahzad (@KhurramShahzPK) February 17, 2025
ایک صارف نے مہران گاڑی سے کھیتوں میں ہل چلانے کی ویڈیو شیئر کرتے ہوئے مزاحیہ انداز میں لکھا کہ جب پنجاب ٹریکٹر سکیم میں آپ کا نام نہ نکلے۔
جب پنجاب ٹریکٹر سکیم میں آپ کا نام نہ نکلے https://t.co/rDRpsrXGLa
— ROCK® TнЗ Ãℓîεท ????معصوم (@Pak2Rock) February 17, 2025
عاصمہ خان لکھتی ہیں کہ سب سے معصوم اور استعمال میں آنے والی گاڑی مہران ہی ہے اسی لیے لوگ اس پر ہاتھ صارف کرتے ہیں۔
سب سے معصوم اور یوز فل یہی ہے سب اس بیچارہ پر ہی ہاتھ صاف کرتے ہیں ۔????????????
— Asma Khan (@khan791270) February 16, 2025
ایک ایکس صارف نے لکھا کہ مہران کو قومی کار بنانا چاہیے تھا۔
اس کو قومی کار بنانا چاہیے تھا
— TQ (@TariqQuddusi) February 16, 2025
vvvv
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سوزوکی مہران مہران گاڑیذریعہ: WE News
کلیدی لفظ: سوزوکی مہران مہران گاڑی سوزوکی مہران سب سے زیادہ مہران گاڑی مہران کار مہران کا
پڑھیں:
پاکستان میں 2025 میں کس کمپنی کی گاڑیاں زیادہ فروخت ہوئیں؟
پاکستان میں ٹویوٹا کاروں کی فروخت میں اچانک اضافہ دیکھنے میں آیا ہے۔
پاکستان آٹو موبائل مینوفیکچرنگ آرگنائزیشن (پاما) کی رپورٹ کے مطابق پاکستان میں ٹویوٹا کاروں کی فروخت مارچ 2025 میں 11 ہزار 98 یونٹس تک پہنچ گئی، جوکہ سالانہ 18 فیصد اضافہ ہے، جبکہ یہ ماہانہ وار 8 فیصد کمی کو ظاہر کرتی ہے۔
یہ بھی پڑھیں: ٹویوٹا پاکستان کا مختصر وقت کے لیے گاڑیوں کی پروڈکشن بند کرنے کا فیصلہ، وجہ کیا بنی؟
رواں سال ٹویوٹا گاڑیوں کی فروخت ایک لاکھ 868 یونٹس تک پہنچ گئی جو کہ 2024 میں 69 ہزار 81 یونٹس کے مقابلے میں سالانہ 46 فیصد اضافہ ہے۔
کس کمپنی کی گاڑیاں زیادہ فروخت ہوئیں؟
سازگار اینجنیئرنگ نے مارچ 2025 میں 943 یونٹس کی فروخت ریکارڈ کی، جو کہ 87 فیصد سالانہ اور 7 فیصد ماہانہ اضافہ ہے، مارچ 2025 میں فروخت مجموعی طور پر 153 فیصد سالانہ اضافے سے 8ہزار 27 یونٹس تک پہنچ گئی، جو کہ مارچ 2024 میں 3 ہزار 172 یونٹس تھی۔
پاک سوزوکی موٹر کمپنی (PSMC) کی گاڑیوں کی فروخت میں 2025 میں 11 اضافہ ہوا ہے،جبکہ 2025 میں ماہانہ بنیادوں پر فروخت 15 فیصد کم ہوئیں،آلٹو، راوی، سوئفٹ اور ایوری جیسے ماڈلز کی زیادہ مانگ رہی۔
یہ بھی پڑھیں: بجٹ کے بعد ٹویوٹا یارِس کی قیمت میں کتنا اضافہ متوقع ہے؟
انڈس موٹر کمپنی (INDU) کی گاڑیوں کی فروخت میں سالانہ 84 فیصد اضافہ جبکہ ماہانہ 20 فیصد اضافہ ریکارڈ کیا گیا، جو بنیادی طور پر کرولا اور یارِس ماڈلز کی پائیدار کارکردگی کی وجہ سے ہے۔
ہنڈائی نشاط کی گاڑیوں کی فروخت میں سالانہ 19 فیصد اضافہ ہوا، جبکہ ماہانہ 10 فیصد کمی ہوئی، ہنڈا اٹلس کار (HCAR) کی فروخت میں سالانہ 35 فیصد جبکہ ماہانہ 30 فیصد کمی ہوئی۔
موٹرسائیکل اور رکشوں کی فروخت میں سالانہ 34 اضافہ ہوا لیکن مارچ 2025 میں 3 فیصد کمی ہوئی، 2025 کی فروخت 1,089,922 یونٹس تک گئی، جو کہ 31 فیصد سالانہ اضافہ ہے۔
یہ بھی پڑھیں: ٹیسلا ٹرکس میں تکنیکی خرابی، کمپنی نے گاڑیاں واپس منگوالیں
ٹریکٹر انڈسٹری نے 1,538 یونٹس کی فروخت ریکارڈ کی، جو کہ 67 فیصد سالانہ گراوٹ ہے،2025 میں ٹریکٹرز کی فروخت کو 23,230 یونٹس ہوئی، جو کہ 34 فیصد سالانہ کمی ہے۔
مارچ 2025 میں ٹرکوں اور بسوں کی فروخت سالانہ 47 فیصد زیادہ تھی جبکہ ماہانہ 5 فیصد کم ہو کر 460 یونٹس تک پہنچ گئی، سال 2025 میں ٹرکوں اور بسوں کی فروخت 3,365 یونٹس تک گئی جو کہ سال 2024 میں 1,869 یونٹس سے 80 فیصد زیادہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان ٹویوٹا گاڑیاں ہنڈا اٹلس ہنڈائی نشاط
اسلام آباد اور پنجاب بھر کےتمام تعلیمی اداروں میں آج سے تدریسی عمل کا آغاز ہوگیا۔