بدتہذیبی، بدتمیزی، بغض اور انتقام کو سیاست بنا دیا گیا، نواز شریف
اشاعت کی تاریخ: 17th, February 2025 GMT
لاہور(ڈیلی پاکستان آن لائن)سابق وزیر اعظم اور مسلم لیگ ن کے صدر نواز شریف نے کہا ہے کہ بدتہذیبی، بدتمیزی، بغض اور انتقام کو سیاست بنا دیا گیا۔ کرپشن، معاشی تباہی، مہنگائی اور بدتمیزی “تبدیلی” کی سوغاتیں تھیں۔
مسلم لیگ ن کے صدر نواز شریف اور وزیر اعلیٰ پنجاب مریم نواز سے پنجاب اسمبلی کے ارکان نے ملاقات کی۔ ملاقات میں ساہیوال، خانیوال، ملتان، لودھراں، وہاڑی اور بہاول نگر ڈویژن سے تعلق رکھنے والے ارکان اسمبلی شامل تھے۔
نواز شریف نے کہا کہ بدقسمتی ہے کہ ترقی کرتا ملک پٹڑی سے اتار دیا گیا۔ اور سیاست میں گند ڈال کر اسے تباہ کیا گیا۔ بدتہذیبی، بدتمیزی، بغض اور انتقام کو سیاست بنا دیا گیا۔ جبکہ معیشت اور اقدار تباہ کیں، جمہوریت کی پیٹھ میں خنجر گھونپا گیا۔
چیمپئنز ٹرافی، پاک انڈیا میچ کون جیتے گا؟ طوطے کی پیشنگوئی
انہوں نے کہا کہ پاکستان ڈیفالٹ کے منہ سے واپس آیا ہے۔ اور شہباز شریف کی محنت سے معاشی استحکام واپس آیا ہے۔ پالیسیوں کے تسلسل سے معاشی ترقی یقینی ہو گی۔
صدر مسلم لیگ ن نے کہا کہ کرپشن، معاشی تباہی، مہنگائی اور بدتمیزی “تبدیلی” کی سوغاتیں تھیں۔ تاہم ہم نے جو وعدے کیے تھے اللہ تعالی کے فضل وکرم سے وہ آج عوام کو پورے ہوتے نظر آ رہے ہیں۔
آئی ایم ایف سے متعلق گفتگو کرتے ہوئے انہوں نے کہا کہ ہم نے آئی ایم ایف کو خدا حافظ کہہ دیا تھا۔ ہمارا بیانیہ ملک کی ترقی اور عوام کو مہنگائی سے نجات دلاکر خوش حال بنانا ہے۔
سمندر کے راستے شہریوں کو یورپ بھجوانے میں ملوث منظم گینگ بے نقاب
ارکان اسمبلی نے کہا کہ نواز شریف اور شہباز شریف وعدوں کی تکمیل اور وطن سے وفا کے نام ہیں۔ انہوں نے ذاتی تکالیف بھلا کر ہمیشہ پاکستان اور عوام کی تکلیفیں دور کی ہیں۔ پاکستان کے چپے چپے پر نواز شریف اور شہباز شریف کی ترقی کے نشان موجود ہیں۔
انہوں نے کہا کہ وزیر اعظم شہباز شریف نے پاکستان کے معاشی استحکام کے لیے “شہباز سپیڈ” سے کام کیا۔ جبکہ شہباز شریف کی ذاتی کوششوں سے آئی ایم ایف پروگرام بحال ہوا اور ملک ڈیفالٹ سے بچ گیا۔ مریم نواز نے نواز شریف اور شہباز شریف کے دور کی یاد تازہ کر دی۔
نامور سندھی شاعر آکاش انصاری کے بیٹے نے والد کے قتل کا اعتراف کرلیا
مزید :.ذریعہ: Daily Pakistan
کلیدی لفظ: اور شہباز شریف نواز شریف اور نے کہا کہ انہوں نے دیا گیا
پڑھیں:
مخالفین کو حسد اور بدتمیزی کے سوا کچھ نہیں آتا، نوازشریف
لاہور:صدر مسلم لیگ ن نواز شریف اور وزیراعلیٰ مریم نواز کیساتھ ملاقات میں جنوبی پنجاب سے ارکان صوبائی اسمبلی نے مقامی بیوروکریٹس کے منفی رویہ کی شکایات جبکہ وزیراعلیٰ پنجاب کی کارکردگی کے گن گائے.
گزشتہ روز نواز شریف نے مریم نواز کے ہمراہ بہاولپور، رحیم یار خان، مظفر گڑھ، لیہ ، راجن پور اور ڈی جی خان کے ارکان صوبائی اسمبلی سے دو الگ الگ اجلاس کیے، جس کا مقصد نوجوان ارکان کو اپنے تحفظات اور شکایات سے پارٹی صدر کو آگاہ کرنے کا موقع دینا تھا مگر انھوں نے پارٹی صدر کو پنجاب حکومت کی کارکردگی سراہنے کے علاوہ کچھ نہ کیا.
ذرائع کے مطابق اجلاس کا آغاز پارٹی صدر کے خطاب سے ہواجس میں انھوں نے پارٹی کو درپیش سیاسی چیلنجز اور موجودہ صورتحال پرکھل کر بات کی جس کے بعد ایم پی ایز کو اپنے بات کہنے کا موقع دیا گیا.
تمام ایم پی ایز نے مریم نواز کی تعریفیں کرتے ہوئے نواز شریف کو بتایا کہ ان کے حلقوں میں حکومتی اقدامات کو خوب پذیرائی مل رہی ہے، رابطے پر ایک رکن صوبائی اسمبلی کہا کہ جب حکومت ایک افسر تعینات کرتی ہے وہی اس کی کارکردگی کی جواب دہ ہے.
ایک اور ایم پی اے نے کہا کہ نواز شریف کے بعد ایم پی ایز نے صوبائی صدر رانا ثنااللہ سے ملاقات کی جس میں انھوں نے ضلعی افسران کے خلاف شکایات کے انبار لگا دیے۔
رانا ثنااللہ نے انہیں یقین دہانی کرائی کہ وہ ان کی تشویش سے وزیراعلیٰ کو آگاہ کریں گے، نوازشریف نے کہاکہ معاشی صورتحال بہتر ہو رہی ہے، شرح سود میں کمی سے تاجر برادری کا اعتماد بحال ہوا ہے، مہنگائی کم ہو ئی ہے جس میں مزید کمی سے عوام کو زیادہ ریلیف ملے گا۔
عالمی مالیاتی ادارے وزیراعظم شہباز شریف کی محنت اور لگن کا اعتراف کر رہے ہیں،وقت نے ثابت کیا ہے کہ مخالفین کے پاس نفرت، حسد، گالیوں، گھمنڈ اور غیر شائستگی کے علاوہ کچھ نہیں۔ن لیگ سیاسی، دفاعی اور ترقی کے شعبوں میں ملک و قوم کی خدمت کا شاندار ریکارڈ رکھتی ہے، اگر ترقی کا تسلسل توڑا نہ گیا ہوتا، ملک خطے اور دنیا میں بہت آگے نکل چکا ہوتا، عوام مصائب کا سامنا نہ کر رہے ہوتے۔
نیوزی لینڈ نے پاکستان کو شکست دے کر سہ ملکی سیریز جیت لی