گورنر سندھ کا ڈمپر حادثات پر وزیراعلیٰ کو خط، کمیشن بنانے کا مشورہ
اشاعت کی تاریخ: 17th, February 2025 GMT
کراچی: گورنر سندھ کامران خان ٹیسوری نے شہر میں بڑھتے ہوئے ٹریفک حادثات کے حوالے سے وزیراعلیٰ سندھ مراد علی شاہ کو ایک خط ارسال کیا ہے۔
ترجمان کے مطابق گورنر سندھ نے ڈمپر، ٹرک اور واٹر ٹینکرز کے ڈرائیوروں کی لاپرواہ ڈرائیونگ پر تشویش کا اظہار کرتے ہوئے کہا کہ حالیہ چند ماہ میں ٹریفک قوانین کی خلاف ورزیوں اور حادثات میں خطرناک حد تک اضافہ ہوا ہے۔
گورنر سندھ نے کہا کہ ان حادثات کی بنیادی وجہ ان ڈرائیوروں کی غیر ذمہ دارانہ ڈرائیونگ ہے، جس کی وجہ سے شہریوں کی جان و مال کو سنگین خطرات لاحق ہیں، ایسے حادثات کی روک تھام کے لیے فوری اور مؤثر حکمت عملی کی ضرورت ہے تاکہ شہریوں کی قیمتی جانوں کا تحفظ ممکن بنایا جا سکے۔
کامران ٹیسوری نے وزیراعلیٰ سندھ کو چیف سیکریٹری کی زیر نگرانی ایک اعلیٰ سطحی کمیشن تشکیل دینے کی تجویز دی ہے، جس کا مقصد حادثات کی وجوہات کی تفصیلی جانچ پڑتال اور ذمہ دار عناصر کا تعین کرنا ہو گا۔
انہوں نے مزید کہا کہ آئندہ ایسے واقعات سے بچنے کے لیے ایک مؤثر حکمت عملی وضع کرنا انتہائی ضروری ہے۔
گورنر سندھ نے اپنے خط میں یہ بھی لکھا کہ اس وقت عوام میں شدید بے چینی اور تحفظات پائے جا رہے ہیں، اور حکومت سے فوری طور پر مؤثر اقدامات کی اپیل کی ہے تاکہ شہریوں کی زندگیوں کا تحفظ یقینی بنایا جا سکے۔
.ذریعہ: Jasarat News
کلیدی لفظ: گورنر سندھ
پڑھیں:
آئی جی پنجاب کا پولیس سروسز کے تمام مراکز پر شہریوں کیلئے سہولیات مزید بہتر بنانے کا حکم
سٹی 42 : آئی جی پنجاب نے خدمات کی فراہمی کے شعبوں میں بہترین کارکردگی کے حامل سی پی اوز، ڈی پی اوز کو تعریفی لیٹرز دینے کا اعلان کردیا ۔
آئی جی پنجاب ڈاکٹر عثمان انور کی زیرصدارت ہونے والے اجلاس میں پولیس خدمت مراکز، ڈرائیونگ اینڈ لائسنسنگ سنٹرز کی کارکردگی، سپیشل انیشئیٹو پولیس سٹیشنز پروٹوکولز پر عملدرآمد کا جائزہ لیا گیا ۔
اجلاس میں ایڈیشنل آئی جی پنجاب سلطان احمد چوہدری، اے آئی جی فنانس ندا عمر چٹھہ، اے آئی جی ایڈمن اسد اعجاز ملہی، ڈائریکٹر آڈٹ سمیت دیگر افسران نے شرکت کی، جبکہ ایڈیشنل آئی جی ساؤتھ پنجاب، آر پی اوز، سی پی اوز اور ڈی پی اوز کی بذریعہ ویڈیو لنک شرکت کی۔
لاہور میں چوروں اور نقب زنوں کا راج برقرار، ہزاروں مقدمات درج
ترجمان پنجاب پولیس کے مطابق آئی جی پنجاب نے خدمات کی فراہمی کے شعبوں میں بہترین کارکردگی کے حامل سی پی اوز، ڈی پی اوز کو تعریفی لیٹرز دینے کا اعلان کردیا، سی پی او راولپنڈی سید خالد حمدانی، ڈی پی اوز جہلم طارق عزیز، مظفر گڑھ رضوان احمد خان کو تعریفی لیٹرز دیے جائیں گے۔ اس کے علاوہ ڈی پی اوز اوکاڑہ محمد راشد، ٹوبہ ٹیک سنگھ عبادت نثار، چنیوٹ عبداللہ احمد و دیگر ڈی پی اوز تعریفی لیٹرز حاصل کرنے والوں میں شامل ہیں ۔
شانگلہ: پولیس کی گاڑی کے قریب بم دھماکہ
آئی جی پنجاب نے پولیس سروسز کے تمام مراکز پر شہریوں کے لئے سہولیات مزید بہتر بنانے کا حکم دے دیا ۔ انہوں نے کہا کہ شہریوں کو پولیس سروسز سے زیادہ سے زیادہ استفادہ کے لیے سنٹرز پر خدمات کا معیار مزید بہتر بنائیں، پولیس خدمت مراکز پر زیادہ سے زیادہ شہریوں کو سہولیات فراہم کرنے کے لیے اقدامات عمل میں لائیں۔
آئی جی پنجاب ڈاکٹر عثمان انور نے کہا کہ سپیشل انشیٹو پولیس سٹیشنز کے بنیادی پروٹوکولز پر من و عن عملدرآمد یقینی بنایا جائے۔ انہوں نے کہا کہ شہدا پولیس کے بچوں، تعلیمی اداروں کے طلباوطالبات، مختلف شعبہ ہائے زندگی کے افراد کو خدمت مراکز کے وزٹ کروائے جائیں۔
وزیراعلیٰ پنجاب کا انا طولیہ ڈپلومیسی فورم کی تقریب میں پہنچنے پر شاندار استقبال
انہوں نے کہا کہ سمارٹ پولیس سٹیشنز اور سیف سٹیز پراجیکٹس مقررہ ٹائم لائن کے اندر مکمل کیے جائیں، فورس، شہداء پولیس کے اہلخانہ کی بہترین فلاح و بہبود کیلئے ویلفیئر پراجیکٹس کا دائرہ کار بڑھایا جائے، آر پی او، ڈی پی اوز پولیس خدمت مراکز، سپیشل انیشئیٹو پولیس سٹیشنز کی باقاعدگی سے انسپکشن کریں۔
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق