نیپرا کے اعلیٰ حکام نے اپنی تنخواہوں میں تین گنا تک اضافہ کر دیا
اشاعت کی تاریخ: 17th, February 2025 GMT
اسلام آباد (ڈیلی پاکستان آن لائن ) عوام پر ٹیکسوں کا بوجھ اور سخت پابندیاں عائد کرنے کے باوجود بھی معشیت ہچکولے کھا رہی ہیں جبکہ دوسری جانب نیپرا کے اعلیٰ حکام نے اپنی تنخواہوں میں کابینہ کی منظوری کے بغیر ہی تین گنا تک اضافہ کر لیاہے جس کے بعد افسران کا مجموعی پیکج 32 لاکھ 50 ہزار روپے تک پہنچ گیاہے اور وہ اب اعلیٰ عدالتوں کے ججز سے بھی زیادہ ماہانہ تنخواہ وصول کریں گے ۔
تفصلات کے مطابق چیئرمین نیپرا کی مجموعی تنخواہ 32 لاکھ 50 ہزار روپے ہے ، نیپرا عہدیداروں کی تنخواہ 29 لاکھ 50 ہزار روپے تک پہنچ گئی ہے ، نظر ثانی شدہ معاوضہ پیکج میں 7 لاکھ 73 ہزار روپے کی بنیادی تنخواہ شامل ہے ، نیپرا حکام نے ججز کے جوڈیشل الاونس کی طرز پر اپنے لیے الاؤنسز منظور کیئے ، الاؤنسز میں ماہانہ 6 لاکھ 31 ہزار سے 7 لاکھ روپے ریگولیٹری الاؤنس کی منظوری دی گئی ، نیپرا افسران نے 2024 کیلئے 5 لاکھ 87 ہزار سے 6 لاکھ 50 ہزار کا ایڈہاک ریلیف حاصل کر لیا۔ افسران 2023 کیلئے 5 لاکھ 44 ہزار سے 6 لاکھ روپے کی شرح سے ایڈہاک ریلیف کے اہل قرار دیدیے گئے ،2022 کیلئے ایک لاکھ 5 ہزار سے ایک لاکھ 16 ہزار روپے ماہانہ ، 2021 کیلئے 70 ہزار سے 77 ہزار 300 روپے ماہانہ ریلیف بطور گھر کا کرایہ الاونس ہو گا۔ دیگر مراعات میں 96 ہزار اور یوٹیلیٹی الاؤنس 32 ہزار سے 35 ہزار شامل، افسران کی مجموعی پیکج کا اب 29 لاکھ 50 ہزار سے 32 لاکھ 50 ہزار ہو گیا، نیپرا افسران اب اعلیٰ عدالتوں کے ججز سے بھی زیادہ تنخواہ اور مراعات لیں گے ، نیپرا افسران نے یہ ترامیم حکومت کی منظوری کے بغیر کیں۔
جسٹس یحییٰ آفریدی نے کیس مینجمنٹ کمیٹی کی تشکیل نو کردی
مزید :.ذریعہ: Daily Pakistan
کلیدی لفظ: لاکھ 50 ہزار ہزار روپے
پڑھیں:
پاکستان اسٹاک ایکسچینج: ہفتے بھر منفی رجحان رہا، 3938 پوائنٹس کی کمی
مارکیٹ کیپٹلائزیشن ہفتہ بھر میں 361 ارب روپے کم ہو کر 14 ہزار 114 ارب روپے ہے۔ اسلام ٹائمز۔ پاکستان اسٹاک ایکسچینج (پی ایس ایکس) میں گزشتہ کاروباری ہفتے کے دوران منفی رجحان رہا۔ 100 انڈیکس کاروباری ہفتے میں 3 ہزار 938 پوائنٹس کم ہو کر 1 لاکھ 14 ہزار 853 پر بند ہوا ہے۔ کاروباری ہفتے میں 100 انڈیکس 7 ہزار 497 پوائنٹس کے بینڈ میں رہا۔ 100 انڈیکس کی ہفتہ وار بلند ترین سطح 1 لاکھ 17 ہزار 601 اور کم ترین سطح 1 لاکھ 10 ہزار 103 رہی۔ بازار میں اس 1 ہفتے میں 2 ارب 78 کروڑ شیئرز کے سودے ہوئے اور شیئرز بازار کے ہفتہ وار کاروبار کی مالیت 171 ارب روپے رہی۔ مارکیٹ کیپٹلائزیشن ہفتہ بھر میں 361 ارب روپے کم ہو کر 14 ہزار 114 ارب روپے ہے۔
خلیل الرحمان ہنی ٹریپ کیس کی سماعت کل تک ملتوی