لیبیا کشتی حادثے میں ملوث بین الاقوامی گینگ کے 2 کارندے گرفتار
اشاعت کی تاریخ: 17th, February 2025 GMT
ویب ڈیسک: لیبیا کشتی حادثہ 2025 میں ملوث بین الاقوامی گینگ کے 2 کارندوں کو گرفتار کرلیا گیا۔
ایف آئی اے کوہاٹ زون نے بڑی کارروائیاں کرتے ہوئے رواں برس لیبیا کشتی حادثے میں ملوث بین الاقوامی گینگ کے 2 کارندوں کو گرفتار کرلیا، جن کی شناخت حبیب الرحمٰن اور نوید احمد کے نام سے ہوئی ہے۔
وفاقی وزیر داخلہ محسن نقوی کی ہدایات پر انسانی اسمگلنگ میں ملوث عناصر کے خلاف گھیرا تنگ کیا جا رہا ہے۔ اس سلسلے میں تازہ کارروائی کے دوران گرفتار ملزمان سے متعلق معلوم ہوا ہے کہ ان کے دیگر ساتھی اٹلی سے انسانی اسمگلنگ کا گینگ چلا رہے تھے۔
عمران خان اور بشریٰ بی بی کی صحت سے متعلق خدشات؛ وکیل کا ٹوئٹ
ملزمان کو چھاپا مار کارروائی میں پشت بازار باجوڑ سے گرفتار کیا گیا ہے۔ دونوں ملزمان رواں ماہ لیبیا میں ہونے والے کشتی حادثے میں ملوث ہیں۔
واضح رہے کہ مذکورہ کشتی حادثے میں کرم سے تعلق رکھنے والے 14 متاثرین جاں بحق ہو گئے تھے۔ ملزمان نے شہزاد حسین نامی شہری کو یورپ بھجوانے کے لیے 37 لاکھ روپے ہتھیائے جب کہ دیگر ساتھیوں کی ملی بھگت سے متعدد متاثرین سے بھاری رقوم وصول کیں۔
عالمی بینک کا اعلیٰ سطح کا وفد پاکستان پہنچ گیا
ملزمان کے دیگر ساتھی واجد علی اور شاہ فیصل اٹلی سے گینگ کو آپریٹ کر رہے تھے۔ کشتی حادثے میں متاثرہ شہری کی موت واقع ہوئی تھی۔
ملزمان کے قبضے سے 4 موبائل فون بھی برآمد کرلے گئے ہیں، جن میں سے ویڈیوز، تصاویر، میسیجز اور بینک ٹرانزیکشنز بھی برآمد کرلی گئی ہیں۔ حکام نے ملزمان کے زیر استعمال 3 بینک اکاونٹس منجمد کروا دیے۔
ایف آئی اے حکام کے مطابق لیبیا میں متاثرین کو سیف ہاؤسز میں رکھ کر تشدد کا نشانہ بھی بنایا جاتا رہا ہے۔ ملزمان نے بعد ازاں دیگر ساتھیوں کے ساتھ مل کر متاثرین کو کشتی کے ذریعے لیبیا سے یورپ بھجوانے کی کوشش کی جو کہ حادثے کا شکار ہو گئی۔
ماں کیساتھ گلی میں گزرنے والے بچے کے سر میں ملزم نے ایئر گن کا چھرا فائر کر دیا
ملزمان کو گرفتار کر کے باقاعدہ تفتیش کا آغاز کر دیا گیا ہے جب کہ انٹرپول کی مدد سے بیرون ملک انسانی اسمگلنگ میں ملوث ملزمان کی گرفتاری عمل میں لائی جا رہی ہے۔
ڈائریکٹر ایف آئی اے کوہاٹ زون کا کہنا ہے کہ کشتی حادثات میں ملوث عناصر کے خلاف کریک ڈاؤن جاری رہے گا۔ملزمان کی گرفتاری کے لیے تمام تر وسائل کو بروئے کار لایا جا رہا ہے۔ انٹیلی جنس بنیادوں پر انسانی اسمگلروں کے خلاف کارروائیاں جاری ہیں۔ کسی شخص کو بھی معصوم لوگوں کی زندگیوں سے کھیلنے کی اجازت نہیں۔ ٹھوس شواہد کی روشنی میں ملزمان کو قرار واقعی سزائیں دلوائیں گے۔
توشہ خانہ 2 کیس کی سماعت 27 فروری تک ملتوی
ذریعہ: City 42
کلیدی لفظ: کشتی حادثے میں میں ملوث
پڑھیں:
ایف آئی اے کا انسانی سمگلرز،حوالہ ہنڈی کا دھندہ کرنے والوں کے خلاف کریک ڈاون، درجنوں ملزمان گرفتار
اسلام آباد (صغیر چوہدری )ایف آئی اے کی ملک بھر میں انسانی سمگلرز،حوالہ ہنڈی اور جعلی ویزوں کا دھندہ کرنے والوں کے خلاف کریک ڈاون درجنوں ملزمان گرفتار،ایف آئی اے این سی بی انٹرپول نے 16 سال سے مطلوب خطرناک اشتہاری ملزم کروشیا سے گرفتار کر لیا۔ ڈکیتی کے مقدمے میں مطلوب اشتہاری ملزم افتخار احمد کو کروشیا سے گرفتار کر کے اسلام آباد ائرپورٹ منتقل کیا گیاایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا۔ایف آئی اے کا کہنا ہے کہ جدید ٹیکنالوجی سے آراستہ این سی بی انٹرپول 24/7 پوری دنیا کے ساتھ رابطے میں ہے۔جبکہ ایف آئی اے فیصل آباد کمپوزٹ سرکل نے انسانی سمگلنگ میں ملوث بدنام زمانہ چنیوٹی گینگ کا اہم رکن گرفتار کرلیا ملزم کی شناخت محمد ظہیر بٹ کے نام سے ہوئی ہے ملزم کو گوجرانوالہ سے گرفتار کیا گیاچنیوٹی گینگ سادہ لوح شہریوں کو یورپ بھجوانے کے نام پر کروڑوں روپے ہتھیانے میں ملوث ہےاس سے قبل بھی چنیوٹی گینگ کے 7 کارندے گرفتار ہو چکے ہیں۔چنیوٹی گینگ 11 ارکان پر مشتمل ہے جس میں سے 8 سمگلرز گرفتار ہو چکے ہیں چنیوٹی گینگ کے 2 کارندے بیرون ملک سے گینگ کو آپریٹ کر رہے ہیں جن کی گرفتاری کے لئے انٹرپول سے رابطے کئے جا رہے ہیںملزمان نے مجموعی طور پر 31 متاثرین کو یورپ بھجوانے کے نام پر 4 کروڑ سے زائد وصول کئے۔ملزمان سادہ لوح شہریوں کو غیر قانونی طور بیرون ملک بھجوانے میں ملوث پائے گئےملزمان بھاری رقوم وصول کر کے شہریوں کو جعلی دستاویزات بھی دیتے تھےڈائریکٹر فیصل آباد زون سرفراز علی ورک کا کہنا ہے کہ ٹھوس شواہد کی روشنی میں ملزمان کو قرار واقعی سزائیں دلوائیں گے۔جبکہ بہاولپور سرکل نے *ویزہ فراڈ اور انسانی سمگلنگ میں ملوث اشتہاری ایجنٹ اور غیر قانونی ٹریول ایجنسی چلانے والا اشتہاری ملزم تنویر حسین کو گرفتار کرلیا ۔ملزم کو چھاپہ مار کارروائی میں ہارون آباد بہاولپور سے گرفتار کیا گیا ملزم نے شہریوں سے فراڈ کے ذریعے مجموعی طور پر 38 لاکھ روپے سے زائد کی رقم وصول کی تھی جبکہ ملزم انسانی سمگلروں کے نیٹ ورک سے رابطے میں تھاایف آئی اے کمپوزٹ سرکل ایبٹ آباد نے حوالہ ہنڈی اور انسانی سمگلنگ میں ملوث اشتہاری سمیت 2 ملزمان گرفتار کرلئے۔ملزمان کی شناخت محمد دانیال صالح اور محمد امین کے نام سے ہوئی ہے ملزمان کو ہری پور اور ایبٹ آباد کے مختلف علاقوں سے گرفتار کیا گیا ملزم سادہ لوح شہریوں کو بیرون ملک ملازمت کا جھانسہ دے کر لاکھوں روپے بٹورنے میں ملوث پایا گیا ملزم نے شہری کو قطر کا ورک ویزہ فراہم کرنے کے لیے 5 لاکھ روپے سے زائد وصول کئے اور سال 2023 سے روپوش تھے جبکہ ایک اور کاروائی میں حوالہ ہنڈی میں ملوث ملزم محمد امین کو گرفتار کر لیا گیا ملزم کو چھاپہ مار کاروائی میں شیراں والا گیٹ مین بازار ہری پور سے گرفتار کیا گیا ۔چھاپہ مار کاروائی میں ملزم سے 7 لاکھ 20 ہزار روپے موبائل فون اور حوالہ ہنڈی سے متعلق ریکارڈ بھی برآمد کرلیا گیا ۔*جبکہ ایک اور کاروائی میں حوالہ ہنڈی اور غیر قانونی کرنسی ایکسچینج میں ملوث ملزم کو گرفتار کرکے کروڑوں روپے مالیت کی ملکی و غیر ملکی کرنسی برآمد کرلی گئی ایف آئی اے کارپوریٹ کرائم سرکل کراچی ملزم باسط حسین کو چھاپہ مار کاروائی میں طارق روڈ پر واقع جیولری شاپ سے گرفتار کیا گیا ۔چھاپہ مار کارروائی میں ملزم سے 60 لاکھ روپے اور 35 ہزار امریکی ڈالر ۔ موبائل فون اور حوالہ ہنڈی سے متعلق ریکارڈ بھی برآمد کیا گیا جبکہ ایف آئی اے گوجرانوالہ زون نے انسانی سمگلنگ اور ویزا فراڈ میں ملوث اشتہاری سمیت 2 ملزمان عدنان علی اور ناصر محمود کو گرفتار کرلیا ملزم کو چھاپہ مار کاروائی میں سیالکوٹ اور سرائے عالمگیر گجرات سے گرفتار کیا گیا ۔ملزم نے ترکی وزٹ ویزا حصول کے لئے جعلی بینک اسٹیٹمنٹ جمع کروائیملزم کے خلاف کاروائی ترکی ایمبیسی کی شکایت پر عمل میں لائی گئیجبکہ ملزم ناصر محمود نے شہری کو یونان بھجوانے کے نام پر 27 لاکھ روپے ہتھیائے۔ملزم نے شہری کو بھاری رقوم وصول کر کے یونان کے بجائے لیبیا بھجوا دیا۔
دل چاہتا ہے طلبہ کیلیے تمام وسائل لا کر پیش کر دوں، مریم نواز