احمد علی اکبر کے ولیمے کی ابتدائی جھلکیاں سامنے آ گئیں
اشاعت کی تاریخ: 17th, February 2025 GMT
فلم ’لال کبوتر‘ سے عالمی سطح پر توجہ حاصل کرنے والے پاکستانی معروف اداکار احمد علی اکبر کے ولیمے کی تصاویر سامنے آ گئیں۔
شوبز انڈسٹری میں جہاں چھوٹی سے چھوٹی تقریب کو بڑے پیمانے پر ناصرف منانے بلکہ سوشل میڈیا پر اس کا چرچہ بھی عام ہے، وہیں احمد علی اکبر ان دنوں میڈیا اور کیمروں کی نظروں سے اوجھل اپنی شادی کی مختلف تقریبات میں مصروف ہیں۔
ایسے میں فوٹو اینڈ ویڈیو شیئرنگ پلیٹ فارم انسٹاگرام پر چند منچلوں نے اداکار کی ولیمے میں دلہن کے ساتھ خوبصورت تصاویر کو سوشل میڈیا کی زینت بنا دیا۔
مختلف صارفین کی جانب سے انسٹا اسٹوریز میں ولیمے کی شیئر کی گئی ابتدائی جھلکیوں میں احمد علی اکبر کو گرے سوٹ بوٹ میں ملبوس دیکھ سکتے ہیں جبکہ ان کی دلہن کا چہرہ ان تصاویر میں دکھائی نہیں دے رہا تاہم نئی نویلی دلہن ماہم بتول نے ولیمے کی تقریب میں ہلکے گلابی لانگ ٹیل نیٹ کے دوپٹے کے ساتھ سلور لانگ ٹیل میکسی زیبِ تن کی۔
View this post on Instagram
A post shared by Galaxy Lollywood (@galaxylollywood)
دوسری جانب اداکار کے فنکار دوستوں نے اسلام آباد میں ہونے والی ولیمے کی اس تقریب کی اپنی سیلفیز بھی پوسٹ کی ہیں۔
View this post on Instagram
A post shared by Usman Mukhtar Official (@mukhtarhoonmein)
سوشل میڈیا پر شیئر کی گئی تصاویر سے معلوم ہوتا ہے کہ احمد علی اکبر کے ولیمے میں ان کے شوبز انڈسٹری سے وابستہ چند خاص اور مخصوص دوستوں نے بھرپور شرکت کی اور اس نجی تقریب کو خوب انجوائے کیا۔
انٹرٹینمنٹ کی دنیا سے تعلق رکھنے والی جن شخصیات نے اس تقریب کو چار چاند لگائے ان میں اداکار عثمان خالد بٹ، عثمان مختار ان کی اہلیہ زنیرہ انعام خان اور اداکار و گلوکار عزیر جیسوال اپنے اہلِ خانہ کے ہمراہ دکھائی دیے۔
قبل ازیں احمد علی اکبر کی مہندی نائٹ کی چند تصاویر ساتھی فنکاروں و دوستوں نے اپنے سوشل میڈیا اکاونٹ پر شیئر کی تھیں تاہم اس وقت تقریب میں شرکت کرنے والے مہمانوں کی تصاویر تو سامنے آئی تھیں لیکن دولہا دلہن ان تصاویر سے غائب تھے۔
اب مختلف سوشل میڈیا پیجز کی جانب سے اس نوبیاہتا جوڑے کا مہندی لُک بھی سامنے آ گیا ہے، جس میں روایتی سبز رنگ نمایاں ہے۔
.ذریعہ: Daily Mumtaz
کلیدی لفظ: احمد علی اکبر سوشل میڈیا ولیمے کی
پڑھیں:
فلم پشپا کے اداکار شادی کے بندھن میں بند ھ گئے
بھارتی فلم پشپا کے اداکار دالی دھننجیا نے سوشل میڈیا پر ویڈیو شیئر کر کے اپنی شادی کی خبر مداحوں کے ساتھ شیئر کر دی۔
سماجی رابطے کی ویب سائٹ ایکس پر بھارتی اداکار و پروڈیوسر نے اپنی شادی کی تقریبات پر مشتمل ویڈیو شیئر کی ہے۔بھارتی میڈیا کے مطابق اداکار نے اپنی دیرینہ گرل فرینڈ ڈاکٹر دھنیاتھا گوراکلر سے شادی کی ہے۔
اداکار نے روایتی آف وائٹ اور سُنہری ویشتی (veshti) اور کُرتا پہنا جبکہ ان کی دلہن نے سرخ بارڈر والی خوبصورت سنہری ساڑھی زیب تن کی۔شادی کی مختصر تقریب کی ویڈیو اداکار نے سوشل میڈیا پر شیئر کی ہے جس کے بعد ساتھی فنکاروں اور مداحوں کی جانب سے اس پُر مسرت موقع پر مبارک باد کا سلسلہ شروع ہو گیا ہے۔
اداکار دالی دھننجیا سوکمار کی ہدایت کاری میں بننے والی فلم پشپا کے دونوں سیکوئل میں دکھائی دیے ہیں۔فلم میں مرکزی کردار اداکار الو ارجن اور رشمیکا منڈانا نے ادا کیا ہے۔
امریکہ میں مودی نے اڈانی کی بدعنوانی پر پردہ ڈال دیا ہے، راہل گاندھی