معروف سندھی شاعر آکاش انصاری کی موت حادثاتی یا قتل؟ پولیس کا نیا انکشاف
اشاعت کی تاریخ: 17th, February 2025 GMT
گزشتہ دنوں حیدر آباد میں سندھی کے معروف شاعر اور دانشور آکاش انصاری کی پراسرار موت کے واقعے نے ایک نیا رخ اختیار کیا ہے۔
پولیس کی ابتدائی تفتیش کے بعد انکشاف ہوا ہے کہ معروف سندھی شاعر اور دانش ور آکاش انصاری کو قتل کیا گیا ہے۔
ایس ایس پی ڈاکٹر فرخ لنجار نے کہا ہے کہ پوسٹ مارٹم رپورٹ ابھی نہیں ملی، مگر ڈاکٹروں نے تصدیق کی ہے کہ ان کی موت حادثاتی نہیں تھی بلکہ انھیں قتل کرنے کے بعد ان کی لاش کو جلایا گیا۔
یہ بھی پڑھیے: لاپتا مصطفیٰ عامر کے قتل کی وجہ سامنے آگئی
پولیس کی مطابق آکاش انصاری اور ان کے لے پالک بیٹے کے درمیان پہلے بھی مسائل رہے ہیں، پولیس نے ان کے لے پالک بیٹے لطیف انصاری کو حراست میں لے لیا ہے۔
آکاش انصاری گذشتہ سال اپنے بیٹے کے خلاف 38 لاکھ روپے رقم چوری کی ایف آئی آر بھی درج کراچکے تھے، لیکن بعد میں صلح ہوگئی تھی۔
جمعے اور ہفتے کی درمیان شب آکاش انصاری کے کمرے میں آتشزدگی کا واقعہ پیش آیا تھا جہاں ان کی لاش پڑی ملی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس سندھی شاعر شاعر آکاش انصاری قتل.ذریعہ: WE News
کلیدی لفظ: پولیس سندھی شاعر شاعر آکاش انصاری قتل آکاش انصاری
پڑھیں:
بدین ،سندھ کے نامور انقلابی شاعر ڈاکٹر آکاش انصاری کاسوئم
بدین(نمائندہ جسارت )سندھ کے نامور انقلابی اور مذاحمتی شاعر ڈاکٹر آکاش انصاری سوئم ، ڈاکٹر قادر مگسی ، عاجز دھامرہ ، سسی پلیجو صوبائی وزیر سید ذوالفقار شاہ سمیت دیگر سیاسی سماجی علمی ادبی کاروباری شخصیات نے لواحقین سے تعزیت اور فاتحہ خوانی کی ، ڈاکٹر آکاش انصاری کی موت کو ایک افسوسناک سانحہ قرار ۔سندھ کے نامور انقلابی اور مذاحمتی شاعر ادیب دانشور اور صحافی ڈاکٹر آکاش انصاری کے سوئم ، تعزیت اور فاتحہ خوانی کا سلسلہ جاری ہے سندھ ترقی پسند پارٹی کے سربراہ ڈاکٹر قادر مگسی ، پیپلزپارٹی سندھ کے سیکرٹری اطلاعات سنیٹر عاجز دھامرہ ، سابق صوبائی وزیر سنیٹر سسی پلیجو ، صوبائی وزیر ثقافت سید ذوالفقار شاہ ، پیپلزپارٹی کے رہنما گل محمد جھکرانی سینئر صحافی عبدالکریم راجپر،سابق صوبائی وزیر اسماعیل راہو سندھ کے معروف شاعر حافظ نظامانی، سندھ یونائیٹڈ پارٹی کے مرکزی نائب صدر ایڈووکیٹ امیر آزاد پھنور ، ڈاکٹر علم دین انصاری ، جان محمد انصاری ، احسان علی انصاری ، قربان علی انصاری ، چیئرمین ٹاؤن کمیٹی خان صاحب جمالی ، سابق رکن قومی اسمبلی اور ضلع ناظم بدین سردار کمال خان چانگ ، ڈاکٹر دودو مہری ، سنئیر صحافی رؤف چانڈیو ، پروفیسر اسماعیل کمبار ، سلمان ابڑو ، خالد گل نظامانی ، سمیت دیگر سیاسی سماجی علمی ادبی کاروباری شخصیات صحافیوں اور شہریوں نے ڈاکٹر آکاش انصاری کے لواحقین احسان علی انصاری ، قربان علی انصاری ، جان محمد انصاری ، محمد عثمان انصاری سے تعزیت اور فاتحہ کی۔ اس موقع پر پیپلزپارٹی سندھ کے سیکرٹری اطلاعات سنیٹر عاجز دھامرہ اور صوبائی وزیر ثقافت سید ذوالفقار شاہ ، سنیٹر سسی پلیجو نے بدین پریس کلب کے صحافیوں سے گفتگو کرتے ڈاکٹر آکاش انصاری کی موت کو ایک درد اور افسوس سانحہ قرار دیتے ہوئے کہا کہ ڈاکٹر آکاش انصاری سندھ اور مظلوم عوام کی ایک طاقتور آواز تھی سندھ کا بہادر سپوت تھا آکاش کی شاعری نے عوام کو امریت ظلم جبر کے خلاف مذاحمتی اور انقلابی قوت بخش حق اور سچ بولنے اور لکھنے کی جرات دی ، انہوں نے کہا کہ ڈاکٹر آکاش انصاری بہت بڑے شاعر تھے ان کا خلا کبھی پر نہیں ہوسکتا۔ پیپلزپارٹی کے رہنماؤں نے کہا کہ واقع والے دن سے ہی وزیراعلی سندھ اور میں خود پولیس حکام سے رابطے میں تھے اور پولیس کو ہدایات تھی واقعے کی ہر پہلو سے تحقیقات کی جائے۔ انہوں نے کہا کہ ڈاکٹر آکاش انصاری نے اولاد کو انہوں نے پالا وہی ان کی دشمن نکلی۔ اس فسوسناک واقعہ ہے سندھ پورا سوگوار ہے۔ سید ذوالفقار علی شاہ نے اس موقع پر کہا ڈاکٹر آکاش انصاری کی اہلیہ کو سندھ حکومت محکمہ ثقافت کی طرف سے 10 لاکھ روپے دے رہے ہیں اور محکمہ ثقافت ڈاکٹر آکاش کی فیملی کا مکمل خیال رکھے گی ۔
دل چاہتا ہے طلبہ کیلیے تمام وسائل لا کر پیش کر دوں، مریم نواز