الخدمت فائونڈیشن بلاتفریق خدمات انجام دے رہی ہے
اشاعت کی تاریخ: 17th, February 2025 GMT
نواب شاہ (نمائندہ جسارت )الخدمت فاؤنڈیشن پاکستان کے آرفن فیملی سپورٹس کے ڈائریکٹر بریگیڈئر ریٹائرڈ عبد الجبار بٹ نے کہا ہے کہ الخدمت فاؤنڈیشن مختلف شعبہ جات میں انسانیت کی بلا تفریق خدمات سر انجام دے رہی ہے اب آرفن بچوں کی مدد کے ساتھ ساتھ ان کی ماؤں کو بھی اپنے پاؤں پر کھڑا کرنے کی کوشش کی جا رہی ہے وہ یہاں ایک مقامی ہال میں “ایک شام باہمت بچوں کے نام” کی تقریب سے خطاب کر رہے تھے جس میں آرفن بچوں کے لیے مخیر حضرات کی جانب سے ایک کروڑ روپے سے زائد کے عطیات کے اعلان کیے گئے انہوں نے کہا کہ یتیموں کا تذکرہ قرآن مجید میں 28 دفعہ کیا گیا ہے جبکہ حضرت محمد ﷺ نے یتیم کی دیکھ بھال اور ان کی مدد کرنے والوں کو جنت کی خوشخبری سنائی ہے۔ انہوں نے کہا کہ ہم نہ صرف مسلم بچوں کی مدد کرتے ہیں بلکہ غیر مسلم بچوں اور ان کی کمیونٹی کے مستحق افراد کی بھی مدد کرتے ہیں تھر کے علاقے میں جہاں 60 فیصد آبادی کا تعلق ہندو برادری سے ہے وہاں 50 سے زائد کنویں اور ایک بڑا اور جدید سہولیات سے آراستہ اسپتال کام کر رہا ہے۔ تقریب میں صدر الخدمت فاؤنڈیشن ضلع شہید بینظیرآباد محمد سلمان رؤف نے شریک معزز مہمانوں ڈاکٹروں ، انجینئرز، پروفیسر ، تاجروں اور صحافیوں کا شکریہ ادا کیا جبکہ الخدمت کے جنرل سیکرٹری ڈاکٹر عمران علی باجوہ نے سالانہ رپورٹ پیش کرتے ہوئے کہا کہ اس وقت 300 آرفن بچوں کی نہ صرف مالی مدد کی جارہی ہے بلکہ ان کی والدہ کے ہمراہ تربیتی پروگرام بھی کیے جاتے ہیں تاکہ وہ معاشرے کا کار آمد حصہ بنیں ۔ جماعت اسلامی کے ضلعی امیر طارق جاوید آرائیں اور شہر کے امیر نجف رضا، تاجر رہنما حاجی محمد اسلم شیخ نے مخیر حضرات سے اپیل کی کہ وہ آرفن فیملی اسپورٹس ، تعلیم ، صحت، صاف پانی ، ڈیزاسٹر اور دیگر شعبہ جات کے لیے دل کھول کر عطیات دیں تاکہ دکھی انسانیت کی خدمت کے دائرہ کار کو مزید وسیع کیا جائے مہمانوں کو سندھ کا روایتی تحفہ اجرک اور سندھی ٹوپی پیش کی گئی جبکہ آرفن کیئر کے ذمے داران کو سرٹیفکیٹ بھی دیے گئے۔
.ذریعہ: Jasarat News
پڑھیں:
ایلون مسک کے بچوں کی تعداد 100 سے زائد؟ نئی رپورٹ نے ہلچل مچا دی
ارب پتی ایلون مسک کے بچوں کی اصل تعداد پر سوالات اٹھنے لگے ہیں۔ امریکی صحافی الزبتھ بروئنیگ نے انکشاف کیا ہے کہ مسک کے کم از کم 14 بچے ہیں، تاہم بعض ذرائع کے مطابق یہ تعداد 100 سے زائد ہو سکتی ہے۔
پوڈکاسٹ ’سینیٹی‘ میں گفتگو کرتے ہوئے بروئنیگ نے کہا کہ ایلون مسک اپنے تعلقات اور بچوں کی تفصیلات کو خفیہ رکھنے کے لیے ماؤں سے رازداری کے معاہدے (این ڈی اے) کراتے ہیں اور مالی ادائیگیاں کرتے ہیں۔ الزبتھ کے مطابق مسک اب تک کم از کم 4 خواتین سے بچوں کے والد بن چکے ہیں، جبکہ حالیہ رپورٹس میں 5ویں خاتون ایشلے سینٹ کلیئر کا بھی نام سامنے آیا ہے۔
مزید پڑھیں: ایلون مسک کی چپ سے فالج کا مریض شطرنج کھیلنے لگا
رپورٹ میں الزام عائد کیا گیا ہے کہ ایشلے سینٹ کلیئر کو خاموشی کے بدلے 1 کروڑ 50 لاکھ ڈالر اور ماہانہ ایک لاکھ ڈالر کے اخراجات دیے گئے۔ تجزیہ کاروں نے اس طرزِ عمل کو خاندانی اقدار کے دعووں کے منافی قرار دیا ہے۔
ایلون مسک کے معلوم بچوں میں سابقہ اہلیہ جسٹین ولسن، موسیقار گرائمز، اور نیورالنک ایگزیکٹو شیوان زیلس سے ہونے والے بچے شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 بچے الزبتھ بروئنیگ ایشلے سینٹ کلیئر ایلون مسک پوڈکاسٹ ’سینیٹی‘
تعمیری انداز میں آگے بڑھیں گے،معاشی روابط بڑھانا چاہتے ہیں،وزیر خزانہ