جامشورو،بے امنی عروج پر ،چوری و ڈکیتیوں کی وارداتوں میں اضافہ
اشاعت کی تاریخ: 17th, February 2025 GMT
جامشورو(نمائندہ جسارت)جامشورو شہر میں بے امنی نقطہ عروج پر پہنچ گئی ہے۔جامشورو میں عام لوگوں)جن میں چرسی،موالی بھی شامل ہیں (نے اسلحہ کے زور پر لوٹنے اور شہریوں کی جانب سے اسلحہ کے خو ف کے پیشِ نظر اپنے آپ کو لْٹیروں کے سْپرد کردینے سے جرائم پیشہ افراد کے حوصلے بے اِنتہا بڑھ گئے ہیں۔ گزشتہ شب جامشورو میں پولیس وردی میں ملبوس 125موٹر سائیکل پر سوار مسلح شخص نے لوگوں کی سامان کی چیکنگ، کاغذات چیکنگ کے بہانے شہریوں کو لوٹنے والے شخص کو دھر لیا، اْس کی جانب سے غلط قسم سی حرکات اور کھلے عام پیسوں کی طلبی پرشہریوں کی جانب سے اْس کے مشکوک ہونے پر اْس سے شناخت اور معلومات لیں تو وہ منت ترلوں پر آکر شہریوں کے پیروں پر گِر کر معافی طلب کرنے لگا،اِس دوران اْس نے اپنا نام سہیل مسیح اور جامشورو لمس کالونی کا رہائشی بتایا۔بعد اْزاں شہریوں نے ڈاکو کو پکڑ کر علا قہ پولیس کے حوالے کردیا۔ اِس واردات پر سماجی رہنماؤں کا کہنا تھا کہ جامشورو شہر میں آئے روز ڈکیتی کی وارداتیں ہونے لگی ہیں، جو کہ پولیس کی ملی بھگت سے ہی ممکن ہوسکتی ہیں، دوسری طرف پولیس کا کہنا ہے کہ ملزم سہیل مسیح کے خلاف مقدمہ درج کرکے قانونی کارروائی کی جائے گی۔جبکہ گزشتہ دو روز قبل جا مشو رو پولیس اسٹیشن کے قریب مین سینڈوز روڈ پرڈسٹرکٹ پریس کلب جامشورو کے سینئر صحافی کے بھا ئی اظہر خان جو کہ خود بھی ملٹی میڈیا سے وابستہ ہیں، اْن سے موٹر سائیکل چھیننے کی کوشش کی، جوکہ اپنی فیملی کے ہمراہ اپنے گھر جارہے تھے۔ ایک دوسری واردات میں جامشورو تاجر برادری کے یونین رہنما عبدالرحیم جمالی سے اسلحہ کے زور پر اْن کو یرغمال بناتے ہوئے اْن سے مو ٹر سائیکل، موبائل فون، اور نقدی لوٹ کر ہوائی فائرنگ کرتے ہوئے باآسانی فرار ہوگئے تھے۔جامشورو میں جرائم کے بے قابو واقعات پر جامشورو شہری ایکشن کمیٹی کے مرکزی رہنماربنواز ابڑو اور دیگررہنماؤں نے سخت تشویش کا اِظہار کرتے ہوئے اعلیٰ حکام سے نوٹس لینے کا مطالبہ کیا ہے۔
.ذریعہ: Jasarat News
پڑھیں:
آئی جی پنجاب کا پولیس سروسز کے تمام مراکز پر شہریوں کیلئے سہولیات مزید بہتر بنانے کا حکم
سٹی 42 : آئی جی پنجاب نے خدمات کی فراہمی کے شعبوں میں بہترین کارکردگی کے حامل سی پی اوز، ڈی پی اوز کو تعریفی لیٹرز دینے کا اعلان کردیا ۔
آئی جی پنجاب ڈاکٹر عثمان انور کی زیرصدارت ہونے والے اجلاس میں پولیس خدمت مراکز، ڈرائیونگ اینڈ لائسنسنگ سنٹرز کی کارکردگی، سپیشل انیشئیٹو پولیس سٹیشنز پروٹوکولز پر عملدرآمد کا جائزہ لیا گیا ۔
اجلاس میں ایڈیشنل آئی جی پنجاب سلطان احمد چوہدری، اے آئی جی فنانس ندا عمر چٹھہ، اے آئی جی ایڈمن اسد اعجاز ملہی، ڈائریکٹر آڈٹ سمیت دیگر افسران نے شرکت کی، جبکہ ایڈیشنل آئی جی ساؤتھ پنجاب، آر پی اوز، سی پی اوز اور ڈی پی اوز کی بذریعہ ویڈیو لنک شرکت کی۔
لاہور میں چوروں اور نقب زنوں کا راج برقرار، ہزاروں مقدمات درج
ترجمان پنجاب پولیس کے مطابق آئی جی پنجاب نے خدمات کی فراہمی کے شعبوں میں بہترین کارکردگی کے حامل سی پی اوز، ڈی پی اوز کو تعریفی لیٹرز دینے کا اعلان کردیا، سی پی او راولپنڈی سید خالد حمدانی، ڈی پی اوز جہلم طارق عزیز، مظفر گڑھ رضوان احمد خان کو تعریفی لیٹرز دیے جائیں گے۔ اس کے علاوہ ڈی پی اوز اوکاڑہ محمد راشد، ٹوبہ ٹیک سنگھ عبادت نثار، چنیوٹ عبداللہ احمد و دیگر ڈی پی اوز تعریفی لیٹرز حاصل کرنے والوں میں شامل ہیں ۔
شانگلہ: پولیس کی گاڑی کے قریب بم دھماکہ
آئی جی پنجاب نے پولیس سروسز کے تمام مراکز پر شہریوں کے لئے سہولیات مزید بہتر بنانے کا حکم دے دیا ۔ انہوں نے کہا کہ شہریوں کو پولیس سروسز سے زیادہ سے زیادہ استفادہ کے لیے سنٹرز پر خدمات کا معیار مزید بہتر بنائیں، پولیس خدمت مراکز پر زیادہ سے زیادہ شہریوں کو سہولیات فراہم کرنے کے لیے اقدامات عمل میں لائیں۔
آئی جی پنجاب ڈاکٹر عثمان انور نے کہا کہ سپیشل انشیٹو پولیس سٹیشنز کے بنیادی پروٹوکولز پر من و عن عملدرآمد یقینی بنایا جائے۔ انہوں نے کہا کہ شہدا پولیس کے بچوں، تعلیمی اداروں کے طلباوطالبات، مختلف شعبہ ہائے زندگی کے افراد کو خدمت مراکز کے وزٹ کروائے جائیں۔
وزیراعلیٰ پنجاب کا انا طولیہ ڈپلومیسی فورم کی تقریب میں پہنچنے پر شاندار استقبال
انہوں نے کہا کہ سمارٹ پولیس سٹیشنز اور سیف سٹیز پراجیکٹس مقررہ ٹائم لائن کے اندر مکمل کیے جائیں، فورس، شہداء پولیس کے اہلخانہ کی بہترین فلاح و بہبود کیلئے ویلفیئر پراجیکٹس کا دائرہ کار بڑھایا جائے، آر پی او، ڈی پی اوز پولیس خدمت مراکز، سپیشل انیشئیٹو پولیس سٹیشنز کی باقاعدگی سے انسپکشن کریں۔
شمالی وزیرستان میں تیل و گیس کا نیا ذخیرہ دریافت