PCEMوفد کی محنت کشوں کے دھرنے میں شرکت
اشاعت کی تاریخ: 17th, February 2025 GMT
پاکستان فیڈریشن آف کیمیکل انرجی مائنز اینڈ جنرل ورکرز یونین PCEM کے وفد نے سائٹ ایریا میں ایٹکو لیبارٹریز کے مزدوروں کے دھرنے میں شرکت کی۔ PCEMکے وفد میں صدر محمد سلیم،جنرل سیکرٹری عمران علی،ڈپٹی جنرل سیکرٹری غلام مرتضیٰ اور عبدالرحیم شریک تھے۔ اس موقع پر مزدور رہنمائوں نے ایٹکو لیبارٹریز کے محنت کشوں کے ساتھ اظہار یکجہتی کرتے ہوئے کہا کہ آج پاکستان میں مزدور کے لیے انصاف کا حصول مشکل سے مشکل تر ہوتا جارہا ہے، محنت کشوں کو سندھ ہائی کورٹ سے اسٹے آرڈر ملنے کے باوجود فیکٹری مالکان نے جبری طور پر ان کا گیٹ اسٹاپ کررکھا ہے۔ آج ایٹکو لیبارٹریز کے مزدور ظالم سرمایہ دار کے خلاف سراپا احتجاج ہیں۔
.ذریعہ: Jasarat News
پڑھیں:
قازقستان میں تانبے کی کان بیٹھنے سے 7 مزدور ہلاک
قازقستان میں تانبے کی کان بیٹھنے کے باعث 7 مزدور لقمہ اجل بن گئے۔
غیر ملکی ذرائع ابلاغ کے مطابق قازقستان میں تانبے کی کان میں پیش آئے حادثے میں مرنے والے 7 کان کنوں کی لاشیں بر آمد کر لی گئی ہیں۔
میڈیا ذرائع کے مطابق حکام کا کہنا ہے کہ یہ حادثہ 640 میٹر گہرائی میں اس وقت پیش آیا جب ایک بھاری چٹان کان میں گر گئی۔
قازقستان دنیا میں تانبے کی پیداور میں نمایاں اہمیت رکھتا ہے، قازقستان میں اکتوبر 2023ء میں کارگنڈا کے علاقے میں ہونے والے ایسے ہی ایک حادثے میں 46 افراد کی موت واقع ہوئی تھی۔
اس سے قبل افریقی ملک مالی میں غیر قانونی طور پر چلائی جانے والی سونے کی کان منہدم ہونے سے 48 کان کن ہلاک ہو گئے تھے۔
جنگ بندی معاہدہ: حماس نے چٹھے مرحلے میں مزید 3 اسرائیلی یرغمالیوں کو رہا کردیا