سیسی کی گورننگ باڈی کا اجلاس
اشاعت کی تاریخ: 17th, February 2025 GMT
سندھ ایمپلائزسوشل سیکورٹی انسٹی ٹیوشن (سیسی) ہیڈآفس میں ادارے کی گورننگ باڈی کا 171واں اجلاس منعقد ہوا۔ اجلاس کی صدارت صوبائی وزیرمحنت و انسانی وسائل/ چیئرمین گورننگ باڈی سیسی شاہد عبدالسلام تھیم نے کی۔ اجلاس میں کمشنر سیسی میانداد راہجو، وائس کمشنر سکندربلوچ، ممبران گورننگ باڈی محمدخان ابڑو، عبدالواحد شورو، انجینئر ایم اے جبار، محمددانش خان، خلیل احمدبلوچ ، مختارحسین اعوان، میڈیکل ایڈوائزر ڈاکٹرکامران اعوان اور سینئرڈائریکٹرکنٹری بیوشن عنبرین کامل بھی شریک تھے۔ اجلاس میں سیسی کی پیپلزاسٹاف یونین CBA کی جانب سے ملازمین کے لیے پیش کی گئی چارٹرآف ڈیمانڈ کی منظوری دی گئی اور آفیسرز کے ہاؤس رینٹ میں بھی اضافہ کی منظوری دی گئی۔ میٹنگ میں گورننگ باڈی نے سیسی کے تمام سروس ایریاز کو ڈیجیٹلائزڈ کرنے کی منظوری دی۔ 2023-24 کے ٹینڈرز کے نتیجے میں حاصل کی گئی ادویات کے واجبات ادا کرنے کی منظوری دی گئی۔ جناح سندھ میڈیکل یونیورسٹی اور کلثوم بائی ولیکا سوشل سیکورٹی سائٹ اسپتال کینرسنگ کالج کے ایم او یو کے جائزہ لینے کی منظوری دی گئی۔ سوشل سیکورٹی میں 100 بیڈز کینسر اسپتال کی پبلک پرائیویٹ پارٹرنر شپ کے تحت بنانے کی منظوری دی گئی۔ سوشل سیکورٹی ولیکا اسپتال کی جدید طرز پر تزئین و آرائش کرنے کی منظوری دی گئی۔ سوشل سیکورٹی لانڈھی اسپتال میں جدید طرز پر دو نئے Moduler آپریشن تھیٹر بنانے کی منظوری دی گئی۔ گورننگ باڈی نے حیدرآباد کے ایک محنت کش کی بیٹی کے کینسر کے علاج معالجہ کے اخراجات کی منظوری بھی دی۔ نئے مالی سال کے بجٹ میں سوشل سیکورٹی کے اسپتالوں میں ڈینٹسٹ کی آسامیاں بڑھانے کی منظوری دی گئی۔
.ذریعہ: Jasarat News
کلیدی لفظ: کی منظوری دی گئی سوشل سیکورٹی
پڑھیں:
فورسز کی جنوبی وزیرستان میں کارروائی‘ 30دہشت گرد ہلاک
راولپنڈی (اے پی پی)جنوبی وزیرستان میں سیکورٹی فورسز کے آپریشن کے دوران 30دہشت گرد جہنم واصل ہوگئے،کامیاب آپریشن پرصدر اوروزیراعظم کا خراج تحسین ۔ آئی ایس پی آر کے مطابق دہشت گردوں کی موجودگی کی اطلاع پر جنوبی وزیرستان کے علاقے سراروغہ میں انفارمیشن بیسڈ آپریشن (آئی بی او) کیا گیا ۔ آپریشن کے دوران سیکورٹی فورسز نے مؤثر انداز میں دہشت گردوں کو نشانہ بنایا گیا جس کے نتیجے میں 30خوارجی دہشت گرد مارے گئے ۔ علاقے میں کسی بھی دہشت گرد کے خاتمے کے لئے کلیئرنس آپریشن جاری ہے ۔آئی ایس پی آر کا کہنا ہے کہ سیکورٹی فورسز دہشت گردی کے مکمل خاتمے کے لیے پرعزم ہے ۔ علاوہ ازیں صدر مملکت آصف علی زرداری اور وزیراعظم شہباز شریف نے جنوبی وزیرستان میں کاروائی کے دوران 30دہشت گردوں کو جہنم واصل کرنے پر سیکورٹی فورسز کو خراج تحسین پیش کیا ہے۔ ایوان صدر اور وزیراعظم آفس کے پریس ونگ کے مطابق اپنے الگ الگ بیان میں صدر مملکت اور وزیراعظم نے جنوبی وزیرستان میں کامیاب کارروائی کے دوران 30خوارج کو جہنم واصل کرنے پر سیکورٹی فورسز کی بہادری کو سراہا۔ صدر مملکت آصف زرداری اور وزیراعظم شہباز شریف نے ملک سے فتنہ الخوارج کے مکمل خاتمے کے عزم کا اعادہ کرتے ہوئے کہا کہ سیکورٹی فورسز دہشت گردی کے عفریت کے خاتمے کے لیے کارروائیاں کر رہی ہیں،پوری قوم دہشت گردی کے خلاف متحد ہے ۔ انہوں نے کہا کہ دہشت گردی کے مکمل خاتمے تک فتنہ الخوارج کے خلاف کارروائیاں جاری رہیں گی۔
نریندر مودی پر قانونی اعتبار سے اپنا طبقہ تبدیل کرنے کا الزام، بی جے پی کا شدید ردِعمل