پنجاب میں سپر سیڈرز کا استعمال، کاشتکاروں نے چند ماہ میں کروڑوں روپے کما لیے
اشاعت کی تاریخ: 17th, February 2025 GMT
لاہور:
پنجاب میں سپر سیڈرز کے استعمال سے شاندار نتائج سامنے آنے لگے، ایک ہزار کاشتکاروں نے چند ماہ میں 57کروڑ 95لاکھ روپے کما لیے۔
صوبے بھر میں گندم کی کاشت میں سپر سیڈرز کے ذریعے 330 ٹن بیج کی بچت ہوئی، روایتی طریقہ کار کے مقابلے میں 18 لاکھ 70ہزار لیٹر ڈیزل کا کم استعمال کیا گیا۔
سپر سیڈرز سے کاشت پر ڈیزل کے استعمال میں 48کروڑ 62لاکھ روپے کی بچت ہوئی جبکہ کاشتکار کو سپر سیڈرز سے گندم کی بوائی پر فی ایکڑ 3666روپے کی بچت ہوئی۔
صوبے کے 31 اضلاع میں 7805 کاشتکاروں نے سپر سیڈرز کے ذریعے 110014 ایکڑ اراضی پر گندم کی کاشت کی جنہوں نے 68ہزار 185 ایکڑ پر رینٹل سروس کے ذریعے سپر سیڈرز استعمال کیے، 93فیصد کاشتکاروں نے سپر سیڈرز سے کاشت پر گندم کے اگاؤ کو بہترین قرار دیا۔
کاشتکاروں نے اپنے تاثرات میں بتایا کہ سپر سیڈرز کے ذریعے گندم کی بوائی کے بہترین نتائج سامنے آئے ہیں۔ انہوں نے کہا کہ سپر سیڈرز کے ذریعے گندم کی بوائی روایتی طریقہ کار کی نسبت بہترین ہے، زمین کی ذرخیزی بڑھانے کے لیے سپر سیڈرز کا استعمال عمدہ نتائج کا حامل ہے۔
کاشتکاروں نے عزم کیا کہ آئندہ بھی سپر سیڈرز استعمال کرکے ہی گندم کاشت کریں گے، سپر سڈرز سے ایک ایکڑ میں گندم کی بوائی صرف ایک گھنٹے میں مکمل ہونے سے وقت اور وسائل بچتے ہیں۔
سپر سیڈرز سے بوائی پر 100 روپے فی ایکڑ مزدوری کی مد میں بچت اور بیج کے استعمال میں 50 کلو سے 47 کلو فی ایکڑ کمی ہوئی۔
وزیر اعلیٰ مریم نواز شریف نے سپر سیڈرز کے نتائج پر اظہار اطمینان کرتے ہوئے کہا کہ ایگریکلچر میکانائزیشن صرف آغاز ہے، زراعت میں مزید انقلابی اقدامات کریں گے۔ سپر سیڈرز سے زراعت میں جدت کا خواب حقیقت بن رہا ہے
مریم نواز نے کہا کہ لیبر کاسٹ، وقت اور ایندھن کی بچت سے کسانوں کو بڑا ریلیف ملا۔ ہمارا مشن کسانوں کی خوشحالی، زراعت میں جدت اور ترقی ہے۔ پنجاب کو جدید زرعی ٹیکنالوجی کا مرکز بنانا ہمارا عزم ہے، پیداواری لاگت میں کمی اور زیادہ منافع ہماری حکمت عملی کا حصہ ہے۔
Tagsپاکستان.
ذریعہ: Al Qamar Online
کلیدی لفظ: پاکستان سپر سیڈرز کے ذریعے گندم کی بوائی کاشتکاروں نے سپر سیڈرز سے کی بچت
پڑھیں:
سموگ اور فضائی آلودگی کا مستقل حل ،لاہور میں قدرتی جنگل اگانے کی مہم شروع
ویب ڈیسک: سموگ اورفضائی آلودگی کامستقل حل، وزیر اعلیٰ محترمہ مریم نواز شریف کے حکم پر لاہور میں 978 ایکڑ پر قدرتی جنگل اگانے کی مہم کا آغاز ،لاہور کو آکسیجن حب بنانے کے لیے دریائے راوی کے کنارے قدرتی ایئر فلٹر بنانے پرکام شروع کر دیا گیا،لاہور کی فضا میں تازگی کے مشن کیلئے 6 لاکھ 34 ہزار درخت لگانے کا ہدف مقرر ۔
سینئر صوبائی وزیر مریم اورنگزیب نے پریس کانفرنس کرتے ہوئے کہا کہ اہلِ لاہور کو آکسیجن کی فراہمی کے لیے 144 ایکڑ پر ایک لاکھ پانچ ہزار درخت لگائے جا چکے ، مزید کام جاری ہے ،سموگ کے خلاف پنجاب حکومت کی یہ تاریخی جنگ ہے 978 ایکڑ پر سبز دیوار کھڑی کی جائے گی،دھوئیں کے شہر کو آکسیجن حب میں بدلنا محترمہ مریم نواز شریف کا مشن ہے ، پنجاب حکومت کا گرین انقلاب جاری رہے گا ، ان شاء اللّٰہ !
گھریلو ملازمہ سے زیادتی ، ملزم گرفتار
انہوں نے کہا کہ فضائی آلودگی اور شدید گرمی کے خاتمے کے لیے لاہور میں شجر کاری مہم ناگزیر ہے ،دریائے راوی کے کنارے 978 ایکڑ پر سبز بیلٹ شہریوں کو تازہ آکسیجن اور صاف فضا فراہم کرے گی ،لاہور کو سرسبز بنانا ، اور ماحولیاتی آلودگی سے پاک کرنا پاکستان مسلم لیگ نواز اور وزیر اعلیٰ محترمہ مریم نواز شریف کی اولین ترجیح ہے ،ہر شہری ایک درخت لگائے ! لاہور کو سموگ فری بنانے کے مشن میں سب کا کردار اہم ہے ، لاہور میں شجر کاری کا دائرہ مزید وسیع کریں گے -
عالمی بینک کا وفد تربیلا ڈیم کا دورہ کرے گا
مریم اورنگزیب نے مزید کہا کہ دریائے راوی کے کنارے وسیع گرین بیلٹ سے صاف ہوا کی فراہمی یقینی ہو سکے گی ،978 ایکڑ پر قدرتی جنگل لاہور کے مستقبل کے لیے سنگِ میل ثابت ہو گا ،درختوں کی دیوار کھڑی کر کے سموگ اور آلودگی کا قدرتی حل یقینی بنانے کا منصوبہ ہے - شہری ساتھ دیں !،"سبز لاہور کے لیے ہر فرد کو شجر کاری مہم میں حصہ لینا ہو گا -"؛
جنگ بندی معاہدہ: حماس نے چٹھے مرحلے میں مزید 3 اسرائیلی یرغمالیوں کو رہا کردیا