تحریک انصاف میں کوئی تقسیم نہیں ہے،شوکت یوسفزئی
اشاعت کی تاریخ: 16th, February 2025 GMT
پشاور: رہنما پی ٹی آئی شوکت یوسفزئی نے کہا ہے کہ تحریک انصاف میں کوئی تقسیم نہیں ہے۔
نجی ٹی وی گفتگو کرتے ہوئے شوکت یوسفزئی نے کہا کہ پی ٹی آئی میں اختلافات نہیں ہے، پارٹی میں کسی کے آنےیا ناراض ہونے سے کوئی فرق نہیں پڑتا۔
شوکت یوسفزئی نے کہا کہ بانی پی ٹی آئی کا ووٹ بینک ہے،پی ٹی آئی متحد ہے، عمران خان کال دیں گے تو سب باہرنکل آئیں گے، وہ جس کو چاہیں جیل میں بلا سکتے ہیں۔
ایک سوال پر رہنما تحریک انصاف نےکہا کہ ہوسکتا ہےشیرافضل مروت بارےکسی نے عمران خان کو مس گائیڈ کیا ہو، پارٹی میں سب ڈسپلن کے پابند ہیں۔
شوکت یوسفزئی نے کہاکہ شیرافضل مروت کوبھی پارٹی ڈسپلن پرعمل کرنا چاہیے، تحریک انصاف میں کوئی تقسیم نہیں ، علی امین گنڈا پوراورجنید اکبرایک پیج پر ہیں،پارٹی کوچاہیے چھوٹےموٹے اختلافات کو ختم کرے۔
ذریعہ: Daily Mumtaz
کلیدی لفظ: شوکت یوسفزئی نے یوسفزئی نے کہ تحریک انصاف پی ٹی ا ئی
پڑھیں:
آرمی چیف کے دورۂ پر سوشل میڈیا مہم چلانے والوں کیخلاف کارروائی کا اعلان
اسلام آباد:وفاقی وزیر اطلاعات و نشریات عطا تارڑ نے کہا ہے کہ آرمی چیف جنرل سید عاصم منیر کے دورۂ برطانیہ پر سوشل میڈیا پر منفی مہم چلانے والوں کے خلاف قانونی کارروائی کی جائے گی۔ انہوں نے کہا کہ تحریک انصاف کو آرمی چیف کا برطانیہ میں پرتپاک استقبال ہضم نہیں ہوا، جس کی وجہ سے وہ سوشل میڈیا پر منفی پروپیگنڈا کر رہے ہیں۔
عطا تارڑ نے کہا کہ آرمی چیف کے برطانیہ دورے کے دوران ان کا شاندار استقبال کیا گیا، جس سے پاکستان کی عزت اور وقار میں اضافہ ہوا۔ پاک فوج کی پیشہ ورانہ صلاحیتوں کا اعتراف پوری دنیا کرتی ہے لیکن تحریک انصاف کو یہ بات ہضم نہیں ہورہی۔پی ٹی آئی کے کچھ کارکنوں نے سوشل میڈیا پر منفی مہم چلائی اور احتجاج بھی کیا، لیکن محب وطن پاکستانیوں نے ان کی اس مہم کو مسترد کر دیا ہے۔
انہوں نے کہا کہ جو بھی پاکستان کی سالمیت، بقا اور مفاد کو نقصان پہنچائے گا، اس کے خلاف قانونی کارروائی کی جائے گی۔انہوں نے تحریک انصاف پر سخت تنقید کرتے ہوئے کہا کہ یہ جماعت ملک دشمن قوتوں کے ایجنڈے پر کاربند ہے۔ تحریک انصاف نے دہشت گردوں کو پاکستان لانے اور انہیں اپنا دوست بنانے کی کوشش کی۔ تحریک انصاف کے بانی چیئرمین نے ہمیشہ دہشت گردوں کی حمایت کی اور آئی ایم ایف کو خط لکھ کر ملک سے دشمنی کا ثبوت دیا۔
وزیر اطلاعات نے 9مئی کے واقعات کا بھی ذکر کرتے ہوئے کہا کہ تحریک انصاف نے اس دن جو کچھ کیا، اس کے شواہد موجود ہیں۔ انہوں نے کہا کہ تحریک انصاف نے دفاعی تنصیبات کو نشانہ بنایا، جناح ہاؤس کو آگ لگائی اور شہدا کی یادگاروں کو بھی مسمار کیا۔
عطا تارڑ کا کہنا تھا کہ پاکستان ترقی کی نئی منازل طے کر رہا ہے اور معیشت میں واضح بہتری آ رہی ہے۔ ترسیلات زر میں 32 فیصد اضافہ ہوا ہے، جس میں بیرون ملک مقیم پاکستانیوں کا اہم کردار ہے۔ انہوں نے کہا کہ جب بیرون ملک پاکستانی ذمے دارانہ کردار ادا کر رہے ہیں، تو کچھ شرپسند عناصر پاکستان کی ساکھ کو نقصان پہنچانے کی کوشش کر رہے ہیں۔
وزیر اطلاعات نے کہا کہ تحریک انصاف کی سیاست زوال کا شکار ہے اور ان کے پاس کوئی مثبت ایجنڈا نہیں ہے۔ تحریک انصاف کبھی آئی ایم ایف کو خط لکھتی ہے اور کبھی آرمی چیف کے دورے پر احتجاج کرتی ہے۔ انہوں نے کہا کہ اگر تحریک انصاف کو پاکستان کی عزت ہضم نہیں ہوتی تو وہ سڑتے رہیں لیکن ان کی تمام مذموم کوششیں ناکام ہوں گی۔
سائنس دانوں نے آلودگی کو ایندھن بنانے والی ڈیوائس تیار کرلی