WE News:

مالاکنڈ یونیورسٹی میں طالبہ کو ہراساں کرنے والا پروفیسر گرفتار، ملازمت سے معطل

اشاعت کی تاریخ: 16th, February 2025 GMT

خیبر پختونخوا کے ضلع ملاکنڈ میں لیویز فورس نے سرکاری درسگاہ یونیورسٹی آف مالاکنڈ کے ایک پروفیسر کو یونیورسٹی کی ایک طالبہ کو مبینہ طور پر جنسی ہراساں کرنے کے الزام میں گرفتار کرکے مقدمہ درج کیا ہے۔

مالاکنڈیونیورسٹی میں جنسی حراسانی سکینڈل سامنے آیا ہے جس سے رپورٹ کے باجود بھی انتظامیہ چھپانے کی کوشش کری رہی تھی۔ تاہم متاثرہ طالبہ کی شکایت پر لیویز نے رپورٹ درج کرکے پروفیسر کو گرفتار کیا ہے۔

لیویز ذرائع کے مطانق تھانہ بائزئی نے شعبہ اردو کی طالبہ کی شکایر پر رپورٹ پر مطالعہ پاکستان کے پروفیسر کو گرفتارکیا۔ ان کے خلاف درج مقدمے میں 365b.

511.452.354.506  دفعات شامل کی گئی ہیں۔

ہراساں کرنے کا واقعہ ہے کیا؟

ذرائع کے مطابق یہ ایشو کافی وقت سے یونیورسٹی انتظامیہ کے نوٹس میں تھی۔ اور متعلقہ پروفیسر کو باقاعدہ طور پر خبردار بھی کیا گیا تھا۔

ایک باخبر ذرائع نے بتایا کہ پروفیسر اور اردو کے طالبہ میں کچھ حد تک رابطہ تھا، لیکن معاملہ تب خراب ہوا جب لڑکی کی منگنی کی اطلاع پروفیسر کو ہوئی۔ جس پر وہ سخت ناراض تھا۔

لیویز کے مطابق لڑکی نے پروفیسر کو رابطے سے منع کیا۔ لیکن وہ باز نہیں آ رہا تھا اور لڑکی کو پیچھا کرتا تھا۔ جس کی وجہ سے لڑکی نے معاملہ یونیورسٹی پروسٹ کے سامنے اٹھایا۔

ذرائع نے بتایا کہ پروسٹ نے پروفیسر کو بلا کر انہیں واقعے سے آگاہ کیا اور لڑکی سے دور رہنے کی ہدایت کی، تاہم کوئی کارروائی نہیں کی۔ جس پر پروفیسر غصے میں آگیا اور اسلحہ لے کر لڑکی کے گھر پہنچ گیا اور لڑکی سے شادی کا دعوی کرکے بتایا کہ وہ اس کی بیوی ہے۔

ذرائع نے بتایا کہ لڑکی کے گھر پروفیسر پر تشدد کیا گیا اور یونیورسٹی کی مداخلت پر لیویز نے انہیں وہاں سے نکال لیا۔ ذرائع کا بتانا ہے پروفیسر کو کل عدالت کے سامنے پیش کیا جائے گا۔ تاہم مالاکنڈ یونیورسٹی کی جانب سے ابھی تک کوئی مؤقف سامنے نہیں آیا ہے۔

کمیٹی تشکیل

یونیورسٹی کے کچھ باخبر ذرائع بتاتے ہیں کہ گرفتار پروفیسر سے ویڈیوز اورتصاویر برآمد ہوئی ہیں، تاہم ابھی تک پولیس یا لیویز نے اس کی تصدیق نہیں کی ہے۔

وزیراعلیٰ خیبرپختونخوا علی امین، جو سرکاری جامعات کے چانسلر بھی ہیں، نے ملاکنڈ یونیورسٹی طالبہ ہراسگی کے معاملے کانوٹس لے لیا ہے۔ اور واقعے  کی پوری اور شفاف تحقیقات کے لیے کمیٹی تشکیل دیدی گئی ہے۔

یہ کمیٹی ایڈیشنل سیکرٹری ایڈمنسٹریشن آصف رحیم اور اے آئی جی سٹیبلشمنٹ سونیا شمروزپر مشتمل ہے۔انکوائری افسران کو جائے وقوعہ کادورہ کرکے اصل حقائق سامنے لانے اور تمام اسٹیک ہولڈرز بیانات لینے کی ہدایت کی گئی ہے۔

کمیٹی 15 دن میں رپورٹ پیش کرے گی۔

یونیورسٹی کا مؤقف

ہراسگی کے اس واقعے پر یونیورسٹی نے اپنے مؤقف میں کہا ہے کہ یونیورسٹی آف ملاکنڈ کے ایک ملازم سے متعلق سوشل میڈیا پر  ایک خبر گردش کر رہی ہے، اس حوالے سے یونیورسٹی انتظامیہ نے فوری اور سخت اقدامات کیے ہیں۔ ملزم کا طالبہ کے گھر جاکر اس سے شادی رچانے کی کوشش کی۔ ملزم کو سرِدست معطل کر دیا گیا-

اس کے بعد اینٹی ہراسمنٹ کمیٹی کی میٹنگ منعقد ہوئی، جس میں شکایت کنندہ کو personal hearing کا موقع دیا گیا۔ اب کمیٹی اپنی سفارشات کو حتمی شکل دے رہی ہے، جنہیں تادیبی کارروائی کے لیے سینڈیکیٹ کو بھیجا جائے گا۔

یونیورسٹی آف ملاکنڈ غیر جانبدارانہ تحقیقات کو یقینی بنانے کے لیے پرعزم ہے اور تمام دستیاب شواہد کی روشنی میں کیس کو منطقی انجام تک پہنچایا جائے گا۔

یونیورسٹی ہمیشہ سے محفوظ اور مساوی تعلیمی ماحول کی فراہمی کو اولین ترجیح دیتی رہی ہے اور اس مقصد کے لیے نامزد افسران تعینات کیے گئے ہیں، جو طلبہ کو بروقت مدد فراہم کرتے ہیں۔

یونیورسٹی انتظامیہ نے  ہراسمنٹ کے خلاف زیرو ٹالرنس پالیسی اختیار کی ہے اور ایک محفوظ، منصفانہ، اور شفاف تعلیمی ماحول کو یقینی بنانے کے لیے ہر ممکن اقدامات کر رہی ہے ۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

ذریعہ: WE News

کلیدی لفظ: پروفیسر کو بتایا کہ کے لیے رہی ہے

پڑھیں:

معروف سکالر‘ معیشت دان پروفیسر خورشید احمد کا برطانیہ میں انتقال‘ وزیر اعظم کا اظہار افسوس 

 اسلام آباد (خبرنگار+ خبرنگار خصوصی) پاکستان کے معروف سکالر، معیشت دان، سیاستدان، مصنف، محقق، سابق سینیٹر‘ جماعت اسلامی کے سابق نائب امیر اور انسٹیٹیوٹ آف پالیسی سٹڈیزکے بانی پروفیسر خورشید احمد برطانیہ کے شہر لیسٹر میں طویل علالت کے بعد انتقال کرگئے۔ وزیراعظم شہباز شریف نے پروفیسر خورشید احمد کی وفات پر گہرے دکھ اور افسوس کا اظہار کرتے کہا کہ پروفیسر خورشید احمد کی اسلامی معاشیات کی ترویج کے لیے قابل قدر خدمات ہیں۔ اللہ تعالی مرحوم کو جنت الفردوس میں جگہ عطا فرمائے۔ پروفیسر خورشید احمد 23مارچ 1932کو دہلی میں پیدا ہوئے۔ جماعتِ اسلامی کے ساتھ ان کی طویل وابستگی رہی۔ پروفیسر خورشید احمد 1985سے 2012  تک سینٹ کے رکن رہے۔ انہوں نے وزیر منصوبہ بندی اور منصوبہ بندی کمیشن کے وائس چیئرمین کی حیثیت سے بھی خدمات انجام دی ہیں۔ 1979میں انہوں نے اسلام آباد میں انسٹیٹیوٹ آف پالیسی سٹڈیز (آئی پی ایس)کی بنیاد رکھی اور 2021تک اس کے چیئرمین کی حیثیت سے خدمات انجام دیں۔ وہ انٹرنیشنل اسلامک یونیورسٹی کے بانی ٹرسٹی تھے۔ مارک فیلڈ انسٹیٹیوٹ آف ہائیر ایجوکیشن، لیسٹر، برطانیہ کے صدر رہے۔ یونیورسٹی آف مینجمنٹ سائنسز لاہور کے بورڈ آف گورنرز کے رکن اور اسلامی فائونڈیشن برطانیہ کے صدر رہے۔ پروفیسر خورشید احمد نے اردو اور انگریزی میں 100سے زائد کتابیں مرتب اور تصنیف کی ہیں۔ ان کی یہ کتابیں اور مضامین عربی، فرانسیسی، ترکی، بنگالی، جاپانی، جرمن، انڈونیشی، ہندی، چینی، کورین، فارسی اور دیگر زبانوں میں ترجمہ اور شائع ہو چکے ہیں۔ پروفیسر خورشید احمد پر ملائیشیا، ترکی اور جرمنی کی اہم یونیورسٹیوں میں پی ایچ ڈی کے مقالے لکھے گئے۔ ان کی علمی اور تحقیقی خدمات کے اعتراف میں انہیں ملائیشیا کی یونیورسٹی آف ملایا سے اسلامی معیشت میں پی ایچ ڈی، 2004میں لفبرو یونیورسٹی برطانیہ سے ادب میں پی ایچ ڈی اور ملائیشیا کی بین الاقوامی اسلامی یونیورسٹی سے تعلیم میں پی ایچ ڈی دی گئی۔ پروفیسر خورشید احمد کو 1989میں اسلامی ترقیاتی بینک کی جانب سے اسلامی معیشت میں ان کی خدمات پر ایوارڈ دیا گیا، جبکہ سعودی حکومت نے 1990میں اسلام کی بین الاقوامی سطح پر خدمات کے اعتراف میں انہیں شاہ فیصل ایوارڈ سے نوازا۔ 1990ہی میں حکومت پاکستان نے ان کی خدمات کے اعتراف میں انہیں اعلیٰ شہری اعزاز ’’نشان امتیاز‘‘ سے نوازا۔ پروفیسر خورشید احمد کی وفات نا صرف پاکستان بلکہ مسلم امہ کیلئے ایک بڑا سانحہ ہے۔ پاکستان اور اسلام کے لیے ان کی خدمات کو ہمیشہ بہترین لفظوں میں یاد رکھا جائے گا۔