پاکستان کرکٹ کی بھرپور تشہیر ، نیشنل بینک اسٹیڈیم میں فوٹو وال سجا دی گئی
اشاعت کی تاریخ: 16th, February 2025 GMT
کراچی : آئی سی سی چیمپئنز ٹرافی کے موقع پر پاکستان کرکٹ کی بھرپور تشہیر شروع کردی، پی سی بی نے سابق فاتح کپتانوں کی تصاویرآویزاں کردیں۔
پاکستان کرکٹ بورڈ (پی سی بی) نے نیشنل بینک اسٹیڈیم کے پریس کانفرنس ایریا میں فوٹو وال سجا دی ، فوٹو وال پر کراچی کے کرکٹرز اور اسٹیڈیم سے جڑے اہم واقعات کی تصاویر نمایاں ہیں ، تصاویر میں سابق کپتان سرفراز احمد کو نیشنل بینک اسٹیڈیم کی وال پر نمایاں اہمیت حاصل ہے۔
ترجمان پی سی بی کے مطابق بورڈ نے تمام چاروں وینیوز پر اس طرح کی والز بنائی ہیں، کراچی کے علاوہ لاہور ، راولپنڈی اور ملتان میں بھی فوٹو وال بنائی گئی ہے، وال کا مقصد ان کھلاڑیوں ، ان کی خدمات اور ان لمحات کو ہمیشہ یاد رکھنا ہے۔
کراچی کی وال پر کراچی کے کھلاڑیوں کے پورٹریٹ اور اہم لمحات کی تصاویر ہیں، پاکستان کی انڈر 19 ورلڈ کپ فتوحات ، چیمپئنز ٹرافی میں کامیابی کی تصویر آویزاں ہیں، نیشنل بینک اسٹیڈیم پر پہلی سنچری بنانے والے خالد عباد اللہ کی تصویر بھی آویزاں ہے جبکہ خاتون کرکٹر کرن بلوچ اور ویمن ٹیم کی ایشئن گیمز میں فتح بھی نمایاں ہے۔ اس کے علاوہ ،سابق کپتان یونس خان ، راشید لطیف اور انضمام الحق عمران خان اور وسیم اکرم کی تصویریں بھی آویزاں کردی گئی ہیں۔
.ذریعہ: Jasarat News
پڑھیں:
پاکستان میں اوورسیز کنونشن میں آئی اے پی جے بھرپور شرکت کرے گی: شاہد چوہان
---فائل فوٹوانٹرنیشنل ایسوسی ایشن آف پاکستانی جرنلسٹس (IAPJ) تنظیم کے صدر شاہد چوہان نے کہا ہے کہ پاکستان میں ہونے والے اوورسیز کنونشن میں IAPJ بھرپور شرکت کرے گی۔
پاکستانی صحافیوں کی بین الاقوامی تنظیم انٹرنیشنل ایسوسی ایشن آف پاکستانی جرنلسٹس (IAPJ) کا ایک آن لائن اجلاس منعقد ہوا جس میں (IAPJ) کے ایگزیکٹو ممبران نے شرکت کی۔
اجلاس کی صدارت ساؤتھ افریقا میں مقیم تنظیم کے مرکزی صدر شاہد چوہان نے کی۔
صدر شاہد چوہان نے اجلاس کے دوران کہا کہ آئندہ ہفتے پاکستان میں منعقد ہونے والا اوورسیز کنونشن اوورسیز پاکستانیوں کے لیے بڑی اہمیت کا حامل ہے جس میں آئی اے پی جے کا وفد خصوصی طور پر شرکت کرنے کے لیے پاکستان روانہ ہو گا۔
الیکشن کمیشن نے سپریم کورٹ میں جمع کروائے گئے جواب میں کہا ہے کہ درخواستوں میں الیکشن ایکٹ میں ترمیم چیلنج کی گئی ہے
انہوں نے مختلف معاملات کے لیے چند کمیٹیاں تشکیل دینے کی بھی ہدایات کی۔
ان کا مزید کہنا ہے کہ صحافت ایک ذمے دارانہ پیشہ ہے، ایک سچا صحافی معاشرے میں اعلیٰ شعور و اقدار کو فروغ دے کر قومی یکجہتی کے پُر وقار جذبے کو پروان چڑھانے میں معاون ثابت ہوتا ہے، اس لیے ہمارا فرض بنتا ہے کہ ہم اپنی ریاست اور اپنے اداروں کا مثبت چہرہ دنیا کے سامنے پیش کریں۔
اجلاس میں شرکاء کی طرف سے پیش کی جانے والی مختلف تجاویز پر بھی غور اور IAPJ کے پلیٹ فارم کے ذریعے اوورسیز صحافیوں کی خدمات اور ان کی شناخت کے لیے عملی کردار ادا کرنے کا فیصلہ کیا گیا۔
گھر سے بے دخل خاتون ٹک ٹاکر نے نہر میں چھلانگ لگا دی