چیمپئنز ٹرافی کی رونمائی تقریب آج لاہور میں ہو گی
اشاعت کی تاریخ: 16th, February 2025 GMT
آئی سی سی چیمپئنز ٹرافی کے انعقاد میں صرف تین دن باقی رہ گئے ہیں میگا ایونٹ کی ٹرافی کی رونمائی کی تقریب آج لاہور میں ہوگی۔ آئی سی سی چیپمپئنز ٹرافی کا آغاز 19 فروری کو ہو رہا ہے۔ میزبان اور دفاعی چیمپئن پاکستان اور نیوزی لینڈ کے افتتاحی میچ سے قبل شاندار افتتاحی تقریب اسی روز کراچی نیشنل اسٹیڈیم میں منعقد ہوگی۔تاہم اس سے قبل کرکٹ کے ماحول کو گرمانے کے لیے آج لاہور کے شاہی قلعہ میں واقع دیوان عام (حضوری باغ) میں چیمپئنز ٹرافی کی چمچماتی ٹرافی کی رونمائی کی رنگا رنگ تقریب منعقد ہوگی اس تقریب میں عالمی شہرت یافتہ پاکستانی گلوکار عاطف اسلم چیمپئنز ٹرافی کا آفیشل ترانہ گائیں گے۔ تقریب میں پی سی بی اور آئی سی سی عہدیدار بھی شریک ہوں گے۔19 فروری کو پاکستان نیوزی لینڈ میچ سے قبل نیشنل اسٹیڈیم کراچی میں ہونے والی افتتاحی تقریب میں پاک فضائیہ کے طیارے بھی حصہ لیں گے۔اس روز جے ایف تھنڈر 17، ایف سولہ اور شیر دل شائقین کا لہو گرمائیں گے۔دوسری جانب چیمپئنز ٹرافی کے لیے نیوزی لینڈ، جنوبی افریقہ اور افغانستان کی ٹیمیں پاکستان پہنچ گئی ہیں۔ آسٹریلیا اور انگلینڈ کی ٹیمیں 18 اور 19 فروری کو پاکستان پہنچیں گی۔بھارتی ٹیم اپنے میچ ہائبرڈ ماڈل کے تحت کھیلے گی، جس کے لیے بلیو شرٹس نے دبئی کے لیے اڑان بھر لی ہے۔ بنگلہ دیش کی ٹیم 20 فروری کو بھارت سے مقابلے کے بعد پاکستان اپنے بقیہ میچز کھیلنے آئے گی۔واضح رہے کہ چیمپئنز ٹرافی کا میلہ 19 فروری سے 9 مارچ تک جاری رہے گا۔ پاکستان 29 سال کے طویل عرصہ بعد کسی آئی سی سی ٹورنامنٹ کی میزبانی کر رہا ہے
.ذریعہ: Nawaiwaqt
کلیدی لفظ: چیمپئنز ٹرافی ٹرافی کی فروری کو کے لیے
پڑھیں:
چیمپئنز ٹرافی افتتاحی میچ:پاکستان پر سُست اوور ریٹ کی وجہ سے جرمانہ عائد
آئی سی سی چیمپئنز ٹرافی 2025 کے افتتاحی میچ میں پاکستان کو سست اوور ریٹ کی وجہ سے جرمانے کا سامنا کرنا پڑا۔
نیوزی لینڈ کے خلاف کھیلے گئے میچ میں پاکستان نے مقررہ وقت میں ایک اوور کم کروایا، جس کے نتیجے میں آئی سی سی نے ٹیم پر میچ فیس کا 5 فیصد جرمانہ عائد کر دیا۔ انٹرنیشنل کرکٹ کونسل کے ایلیٹ پینل آف میچ ریفریز کے اینڈی پائکرافٹ نے آئی سی سی کے ضابطہ اخلاق کے آرٹیکل 2.22 کے تحت یہ جرمانہ عائد کیا۔
آئی سی سی کے اس آرٹیکل کے مطابق اگر کوئی ٹیم مقررہ وقت میں اوورز مکمل نہیں کرتی تو اس پر جرمانہ عائد کیا جا سکتا ہے۔ پاکستان کے کپتان محمد رضوان نے اعتراف جرم کرتے ہوئے جرمانہ قبول کر لیا، جس کی وجہ سے رسمی سماعت کی ضرورت نہیں پڑی۔
آن فیلڈ امپائر رچرڈ کیٹلبرو اور شرف الدولہ، تھرڈ امپائر جوئل ولسن اور چوتھے امپائر ایلکس وارف نے پاکستان کی جانب سے سست اوور ریٹ کی شکایت درج کی تھی، جس کے بعد آئی سی سی نے جرمانے کا فیصلہ کیا۔
خیبرپختونخوا کی قیادت کا افغانستان سے فوری مذاکرات پر اتفاق،قومی سطح پر گرینڈ جرگہ بلایا جائے جو بااثر سیاسی و مذہبی شخصیات پر مشتمل ہو،مطالبہ