نئی دہلی کے ریلوے اسٹیشن پر بھگدڑ میں اٹھارہ افراد ہلاک
اشاعت کی تاریخ: 16th, February 2025 GMT
اسلام آباد (اُردو پوائنٹ ۔ DW اردو۔ 16 فروری 2025ء) نئی دہلی سے اتوار 16 فروری کی صبح تک موصولہ رپورٹوں کے مطابق ملکی دارالحکومت میں گزشتہ رات اس وقت مسافروں کا بہت بڑا ہجوم موجود تھا، جب وہ سب شمالی بھارتی شہر پریاگ راج میں جاری دنیا کے اس سب سے بڑے مذہبی میلے میں شرکت کے لیے مختلف ریل گاڑیوں میں سوار ہونا چاہتے تھے، جو ہر 12 سال بعد منعقد ہوتا ہے۔
حفاظتی انتظامات کے باوجود ہلاکت خیز سانحےکمبھ میلہ، جس میں ہر بار کروڑوں ہندو عقیدت مند شرکت کرتے ہیں، ایک ایسا مذہبی اجتماع ہوتا ہے، جس دوران ہر قسم کے حفاظتی انتظامات کے باوجود بہت زیادہ بھیڑ کے باعث ایسے المناک واقعات پیش آتے ہیں، جن میں بہت سی قیمتی انسانی جانیں ضائع ہو جاتی ہیں۔
(جاری ہے)
مہا کمبھ میلہ، دس یاتری گنگا اشنان سے قبل چل بسے
عام طور پر ایسا پریاگ راج شہر میں ہی ہوتا ہے۔
نئی دہلی میں پیش آنے والا سانحہ تاہم حکام کے لیے اس لیے بہت حیران کن اور انتہائی افسوس ناک بھی تھا کہ اس میں ملکی دارالحکومت میں اس وقت کم از کم 18 افراد ہلاک ہو گئے جب کمبھ میلے میں شرکت کے لیے پریاگ راج جانے کے خواہش مند ہندو مسافروں کے ایک بہت بڑے ہجوم میں بھگدڑ مچ گئی تھی۔کمبھ میلے کے دوران پریاگ راج میں ابھی گزشتہ ماہ بھی ایک سانحہ پیش آیا تھا، جس میں بھگدڑ کے دوران کم از کم 30 افراد مارے گئے تھے۔
کمبھ میلہ دریائے گنگا، دریائے جمنا اور دیومالائی دریا سرسوتی کے اس سنگم کی جگہ پر منعقد ہوتا ہے، جسے ہندو عقیدے کے مطابق بہت مقدس سمجھا جاتا ہے۔
نئی دہلی ریلوے اسٹیشن پر بھگدڑحکام کے مطابق بھارتی دارالحکومت کے ریلوے اسٹیشن پر گزشتہ رات بھگدڑ اس وقت مچی جب ہندو عقیدت مندوں کے ایک بہت بڑے ہجوم میں سے تقریباﹰ ہر ایک کی کوشش یہ تھی کہ وہ کسی نہ کسی طرح کسی ریل گاڑی میں سوار ہو کر کمبھ میلے کی طرف اپنا سفر شروع کر سکے۔
کمبھ میلہ رواں ماہ کی 26 تاریخ کو اپنے اختتام کو پہنچے گا۔بھارت کے دارالحکومت نئی دہلی کے لوک نایک ہسپتال کی ڈپٹی میڈیکل سپرنٹنڈنٹ ڈاکٹر ریتو سکسینا نے نیوز ایجنسی اے ایف پی کو بتایا، ''ہم اپنے ہسپتال میں ایسے پندرہ افراد کی موت کی تصدیق کر سکتے ہیں، جو اس بھگدڑ میں مارے گئے۔ ان میں سے کسی کے بھی جسم پر کوئی کھلا زخم نہیں ہے اور وہ بظاہر دم گھٹنے اور صدمے کی وجہ سے ہلاک ہوئے۔
‘‘دہلی میں جناح کا بنگلہ: ہندو تاجر نے خرید کر گنگا جل سے دھلوایا تھا
ڈاکٹر ریتو سکسینا نے مزید کہا، ''ہمارے پاس 11 ایسے زخمی افراد بھی لائے گئے ہیں، جن سب کی حالت طبی طور پر مستحکم ہے، لیکن جو ہڈیاں ٹوٹنے یا ہڈیوں پر لگنے والی چوٹوں کے باعث زیر علاج ہیں۔‘‘
مرنے والوں میں سے زیادہ تر خواتین اور بچےبھارتی نشریاتی ادارے این ڈی ٹی وی کے مطابق لوک نایک ہسپتال کے علاوہ نئی دہلی کے ایک دوسرے ہسپتال نے بھی تصدیق کر دی ہے کہ وہاں بھی اس بھگدڑ میں مرنے والے تین افراد کی لاشیں لائی گئیں۔
ساتھ ہی یہ بھی بتایا گیا کہ 18 ہلاک شدگان میں سے زیادہ تر خواتین اور بچے تھے۔
اخبار ٹائمز آف انڈیا نے نئی دہلی ریلوے اسٹیشن کے ایک قلی کے عینی مشاہدات کا حوالہ دیتے ہوئے لکھا کہ پریاگ راج جانے والی ایک مسافر ریل گاڑی کی روانگی کے لیے طے شدہ پلیٹ فارم اچانک بدل دیا گیا تھا۔
وزیر اعظم مودی نے اجمیر درگاہ کو چادر بھیجی، ہندو تنظیمیں ناراض
اس قلی نے بتایا، ''میں یہاں 1981ء سے قلی کے طور پر کام کر رہا ہوں۔
میں نے آج تک یہاں مسافروں کا ایسا ہجوم پہلے کبھی نہیں دیکھا تھا۔ پھر جب پریاگ راج جانے والی ریل گاڑی کا پلیٹ فارم اچانک بدل دیا گیا، تو مسافر اس ٹرین میں سوار ہونے کے لیے بھاگنے لگے۔‘‘اس قلی نے ٹائمز آف انڈیا کو بتایا، ''لوگ بہت تیزی سے بھاگتے ہوئے بدحواس ہونے لگے تھے۔ وہ ایک دوسرے سے ٹکرانے لگے اور کئی تو زمین پر گرنے لگے۔ بہت سے مسافر بجلی سے چلنے والی سیڑھیوں پر اور عام سیڑھیاں استعمال کرتے ہوئے بھی ایسے گرے کہ بھیڑ میں کچلے گئے۔‘‘
م م / ش خ (اے ایف پی، روئٹرز)
.ذریعہ: UrduPoint
کلیدی لفظ: تلاش کیجئے ریلوے اسٹیشن کمبھ میلہ کے مطابق نئی دہلی ہوتا ہے کے لیے کے ایک
پڑھیں:
سومی پر روس کا 2 بیلسٹک میزائلوں سے حملہ، 32 افراد ہلاک اور 80 سے زائد زخمی
وزیر داخلہ کا کہنا تھا کہ ایک مذہبی تہوار کے موقع پر جان بوجھ کر یہ تباہی کی گئی، حملے کے وقت بڑی تعداد میں لوگ اپنی گاڑیوں میں، عوامی ٹرانسپورٹ اور قریبی رہائشی عمارتوں میں موجود تھے۔ اسلام ٹائمز۔ یوکرین کے شمالی شہر سومی پر روس کی جانب سے 2 بیلسٹک میزائل داغے گئے ہیں جس کے نتیجے میں 32 افراد ہلاک اور 80 سے زائد زخمی ہوگئے ہیں۔ غیر ملکی خبررساں ادارے ’رائٹرز‘ کے مطابق یوکرینی حکام کی جانب سے دعویٰ کیا گیا ہے کہ شمالی شہر سومی کی سڑکوں پر 2 روسی میزائل آگرے جس سے بس اور گاڑیوں میں سوار کئی شہری نشانہ بنے اور ان حملوں کے نتیجے میں کئی گھر اور تعلیمی ادارے منہدم ہوگئے۔
یوکرینی صدر ولادی میر زیلنسکی نے روسی حملے کی شدید مذمت کرتے ہوئے اسے دہشت گردانہ اقدام قرار دے دیا۔ انہوں نے عالمی برادری سے روس کے خلاف سخت اقدامات کا مطالبہ کرتے ہوئے کہا کہ یہ رواں سال یوکرین پر ہونے والے سب سے مہلک حملہ ہے۔ یوکرین کے صدر نے سوشل میڈیا پر حملے کی ایک ویڈیو بھی شیئر کی جس میں ایک تباہ شدہ بس اور جلی ہوئی گاڑیاں دکھائی دے رہیں۔
پوسٹ کے کیپشن میں انہوں نے لکھا’صرف بدمعاش لوگ ہی ایسا کرسکتے ہیں، جو عام لوگوں کی جانیں لے رہے ہیں جب کہ یہ حملہ پام سنڈے (ایک مذہبی تہوار) کو کیا گیا جس دن سب لوگ چرچ جارہے ہوتے ہیں۔ صدر زیلنسکی نے امریکا اور یورپ سے مطالبہ کیا کہ وہ روس کے خلاف سخت اقدامات کریں کیوں کہ روس جان بوجھ کر اسی قسم کی دہشت پھیلارہا ہے اور وہ جنگ کو طول دے رہا ہے جب کہ روس پر دباؤ کے بغیر امن ممکن نہیں ہے۔
یوکرین کے وزیر داخلہ کا کہنا تھا کہ ایک مذہبی تہوار کے موقع پر جان بوجھ کر یہ تباہی کی گئی، حملے کے وقت بڑی تعداد میں لوگ اپنی گاڑیوں میں، عوامی ٹرانسپورٹ اور قریبی رہائشی عمارتوں میں موجود تھے۔ ولادی میر زیلنسکی کے چیف آف اسٹاف آندری یرماک نے کہا کہ ان میزائلوں میں کلسٹر گولہ بارود استعمال کیا گیا تھا جو روس کی جانب سے اس لیے استعمال کیا جارہا ہے تاکہ زیادہ سے زیادہ عام شہریوں کو قتل کیا جاسکے۔
شمالی وزیرستان میں تیل و گیس کا نیا ذخیرہ دریافت