کے ایل راہول ٹیم بس میں ہوٹل کیوں نہ گئے, اختلافات؟
اشاعت کی تاریخ: 16th, February 2025 GMT
بھارتی ٹیم کا پہلا دستہ چیمپئینز ٹرافی میں شرکت کیلئے دبئی پہنچ گیا۔
میڈیا رپورٹس کے مطابق بھارتی ٹیم کے وکٹ کیپر بیٹر کے ایل راہول نے باقی ٹیم کیساتھ سفر نہیں اور الگ گاڑی میں ٹیم ہوٹل پہنچے، جس پر انہیں تنقید کا نشانہ بنایا گیا۔
چیمپئینز ٹرافی کیلئے ٹیم انڈیا کی دبئی آمد پر بھارتی فینز کی جانب سے پرجوش استقبال کیا گیا، اس موقع پر ہیڈ کوچ گوتم گمبھیر نے ٹیم کی قیادت ایئرپورٹ پر قیادت کی جبکہ ویرات کوہلی، روہت شرما سمیت دیگر کھلاڑی ہوٹل سے ٹیم بس میں روانہ ہوئے۔
مزید پڑھیں: شکستوں کے باعث بھارتی کرکٹرز سے بیویوں، گرل فرینڈز کا ساتھ بھی چھن گیا
تاہم کے ایل راہول کی غیر موجودگی نے شائقین کو چونکا دیا، وہ تقریباً 20 منٹ بعد ائیرپورٹ سے باہر نکلے اور ایک علیحدہ کار میں ہوٹل روانہ ہوئے۔
روہت شرما سمیت دیگر کھلاڑیوں کو ٹیم بس میں کے ایل راہول انتظار کرتے ہوئے اور سپورٹ اسٹاف ممبر کے ساتھ بات کرتے ہوئے دیکھا گیا۔
مزید پڑھیں: سراج کو اسکواڈ سے کیوں باہر کیا؟ گوتم گمبھیر پر مسلم مخالف ہونے کا الزام
بھارتی ٹیم چیمپئینز ٹرافی میں اپنا پہلا میچ بنگلادیش کے ساتھ کھیلے گی، بعدازاں روایتی حریف پاکستان کیساتھ ہائی وولٹیج مقابلہ 23 فروری کو شیڈول ہے۔
مزید پڑھیں: چیمپئینز ٹرافی؛ کیا بھارتی ٹیم وارم اَپ میچز نہیں کھیلے گی؟
واضح رہے کہ آسٹریلیا اور نیوزی لینڈ کیخلاف ٹیسٹ سیریز میں بدترین شکست کے بعد بھارتی کرکٹ بورڈ کی نئی ٹریول پالیسی کے باعث آئی سی سی چیمپئینز ٹرافی میں بھارتی کرکٹرز اپنی بیویوں اور گرل فرینڈز کے بغیر ٹور پر جائیں گے۔
.ذریعہ: Express News
کلیدی لفظ: چیمپئینز ٹرافی بھارتی ٹیم
پڑھیں:
اختلافات یا کچھ اور، بھارتی ٹیم کے بالنگ کوچ اچانک گھر روانہ
آئی سی سی چیمپئینز ٹرافی کے آغاز سے محض ایک روز قبل بھارتی ٹیم کے فاسٹ بولنگ کوچ مورنے مورکل ٹیم کو دبئی میں چھوڑ کر اچانک گھر روانہ ہوگئے۔
میڈیا رپورٹس کے مطابق بھارتی ٹیم کے بالنگ کوچ مورنے مورکل کو اپنے والد کی موت کی وجہ سے دبئی سے واپس اپنے وطن روانہ ہوگئے ہیں، مورکل 15 فروری کو بھارتی ٹیم اور دیگر سپورٹ اسٹاف کے ہمراہ دبئی پہنچے تھے جہاں گزشتہ روز پریکٹس سیشن میں بھی حصہ لیا تھا۔
فاسٹ بولنگ کوچ کی واپسی کے شیڈول سے متعلق فی الحال کوئی تصدیق نہیں ہوسکی ہے۔
مزید پڑھیں: بیویوں، گرل فرینڈز کو ٹورز پر ساتھ لے جائیں، مگر کس شرط پر؟
بھارتی ٹیم ایونٹ میں اپنا پہلا میچ 20 فروری کو بنگلادیش کیخلاف دبئی میں کھیلے گی، بعدازاں ہائی وولٹیج مقابلے میں انہیں 23 فروری کو روایتی حریف پاکستان کا چیلنج درپیش ہوگا۔
سائنس دانوں نے آلودگی کو ایندھن بنانے والی ڈیوائس تیار کرلی