امیتابھ بچن نے ماورا حسین کی فلم کیلئے کیا کہا؟
اشاعت کی تاریخ: 16th, February 2025 GMT
بالی ووڈ کے لیجنڈری اداکار امیتابھ بچن نے پاکستانی اداکارہ ماورا حسین کی فلم کے لیے نیک تمناؤں کا اظہار کیا ہے۔
خوبرو اداکارہ ماورا حسین کی بھارتی فلم ’صنم تیری قسم‘ بھارت میں ری ریلیز ہوئی ہے، جس نے ریلیز ہوتے ہی کامیابی کے جھنڈے گاڑ دیے اور 4 دنوں میں تقریباً 25 کروڑ بھارتی روپے کا بزنس کر کے ریکارڈ قائم کردیا ہے۔
بھارتی میڈیا پر ہر جانب صرف اس فلم اور اداکارہ ماورا حسین کا چرچہ ہو رہا ہے، اس کے علاوہ بھارتی اداکار اور فن کاروں نے بھی فلم کی تعریف کے پل باندھ دیے ہیں۔
بالی ووڈ کے شہنشاہ امیتابھ بچن نے بھی فلم صنم تیری قسم کے لیے نیک خواہشات کا اظہار کیا ہے، انہوں نے اپنے آفیشل انسٹا گرام اکاؤنٹ پر فلم کے پوسٹر کو شیئر کیا ہے اور ساتھ ہی کیپشن میں لکھا ہے کہ فلم کی ری ریلیز کے لیے بہت ہی نیک تمنائیں ہیں۔
پاکستانی اداکارہ ماورا حسین نے بھی بھارتی لیجنڈ کی پوسٹ کو اپنے انسٹا گرام اکاؤنٹ پر شیئر کرتے ہوئے خوشی کا اظہار کیا ہے اور لکھا ہے کہ ہر گزرتے لمحے کے ساتھ یہ سب کچھ غیر حقیقی ہوتا جارہا ہے۔
ماورا حسین کے شوہر امیر گیلانی نے بھی بھارتی اداکار کی پوسٹ اپنی انسٹا اسٹوری پر شیئر کرتے ہوئے ماورا کو ٹیگ کیا ہے اور لکھا ہے کہ یہ بہت بڑا اعزاز ہے، ماشا اللّٰہ۔
واضح رہے کہ 9 سال قبل ریلیز ہونے والی فلم ’صنم تیری قسم‘ صرف 9 کروڑ کا کُل بزنس کر سکی تھی، جس کی وجہ سے اسے فلاپ فلم تصور کیا گیا تھا۔
.ذریعہ: Daily Mumtaz
کلیدی لفظ: اداکارہ ماورا حسین کیا ہے نے بھی
پڑھیں:
کامیڈی فلم ’کھچڑی 3‘ کا اعلان، کب ریلیز ہوگی؟
مشہور کامیڈی ڈرامہ فرنچائز ’کھچڑی‘ کی تیسری فلم کا باضابطہ اعلان کردیا گیا۔
معروف بالی ووڈ پروڈیوسر جمن داس مجیتھیا نے مشہور مزاحیہ فلم سیریز ’کھچڑی‘ کے تیسرے حصے کا باقاعدہ اعلان کر دیا ہے، جو 2027 میں ریلیز ہوگی۔
یہ اعلان انہوں نے ہدایتکارہ و میزبان فرح خان کے یوٹیوب چینل پر گفتگو کے دوران کیا، جہاں وہ ’کھچڑی‘ کی پچیس سالہ شاندار تاریخ کو یاد کر رہے تھے۔
جمن داس نے بتایا کہ ’کھچڑی‘ کا آغاز 2002 میں ایک ٹی وی شو کے طور پر ہوا تھا، جس نے اپنی انوکھے مزاح اور دلچسپ کرداروں کے ذریعے ناظرین کے دل جیت لیے۔ اب 25 سال مکمل ہونے پر، اس فرنچائز کا تیسرا حصہ 2027 میں پیش کیا جائے گا۔
View this post on InstagramA post shared by Pinkvilla (@pinkvilla)
انہوں نے یہ بھی انکشاف کیا کہ پہلی فلم Khichdi: The Movie کو ایک بار پھر ریلیز کیا جائے گا، اور یہ ریلیز ہنسی کے عالمی دن یعنی 4 مئی 2025 کو ورلڈ لافٹر ڈے کے موقع پر ریلیز کی جائے گی، تاکہ شائقین ایک بار پھر اس کلاسک فلم سے لطف اندوز ہو سکیں۔
’کھچڑی 3‘ کی خبر نے اُن مداحوں کو پُرجوش کردیا ہے جو اس مزاحیہ ڈرامے سے بچپن کی یادیں رکھتے ہیں اور اب وہ ایک بار پھر اپنے پسندیدہ کرداروں کو بڑی اسکرین پر دیکھنے کے منتظر ہیں۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار