سعودی اور پاکستانی وزرائے خزانہ کی ملاقات، تجارت اور سرمایہ کاری کے فروغ پر تبادلہ خیال
اشاعت کی تاریخ: 16th, February 2025 GMT
سعودی وزیر خزانہ محمد الجدعان سے سنیچر کو ریاض میں پاکستان کے ہم منصب سینیٹر محمد اورنگزیب نے ملاقات کی ہے۔پاکستانی وزارت خزانہ کے مطابق سینیٹر محمد اورنگزیب ’العلا کانفرنس فار ایمرجنگ مارکیٹ اکانومیز‘ میں شرکت کے لیے سعودی عرب پہنچے تو ان کا پرتپاک خیرمقدم کیا گیا۔
ملاقات میں سعودی وزیر مملکت اور کابینہ کے رکن ڈاکٹر حمد محمد آل شیخ اور پاکستانی وزیر خزانہ کے مشیر خرم شہزاد بھی موجود تھے۔وزارت خزانہ کے بیان میں کہا گیا کہ’ دونوں ملکوں کے وزرائے خزانہ کی ملاقات اقتصادی تعاون اور باہمی خوشحالی کو آگے بڑھانے کے مشترکہ عزم کی عکاس ہے۔بات چیت میں دونوں ملکوں کے درمیان گہرے تعلقات کا اعادہ کیا گیا۔ اقتصادی تعاون کے پلوں کی تعمیر اور باہمی خوشحالی کو آگے بڑھانے کے مشترکہ عزم پر زور دیا گیا۔دونوں وزرائے خزانہ نے سٹریٹجک شراکت داری پر تبادلہ خیال کے ساتھ دوطرفہ تجارت، سرمایہ کاری اور مالیاتی تعاون کو بڑھانے کے مواقع کو اجاگر کیا۔ انفراسٹرکچر، توانائی اور ٹیکنالوجی سمیت اہم شعبوں میں تعاون کے مواقع تلاش کیے۔اس سے قبل اسلام آباد میں سنیچر کو وزارتِ خزانہ کی جانب سے جاری بیان میں کہا گیا تھا وزیر خزانہ سعودی عرب کے قدیم تاریخی شہر العلا میں 16 فروری سے شروع ہونے والی دو روزہ کانفرنس میں شرکت کریں گے۔پاکستان کے وزیر خزانہ اپنے سعودی ہم منصب محمد الجدان کی خصوصی دعوت پر سعودی عرب کا دورہ کر رہے ہیں۔’العلا کانفرنس فار ایمرجنگ مارکیٹ اکانومیز‘ انٹرنیشنل مانٹری فنڈ (آئی ایم ایف) اور سعودی وزارت خزانہ کے باہمی اشتراک سے منعقد کی جا رہی ہے۔کانفرنس میں مجموعی طور پر نو نشستیں ہوں گی جن میں 200 شرکا اور 36 مقررین شریک ہوں گے۔ کانفرنس میں 48 ممالک کو مدعو کیا گیا ہے۔کانفرنس میں محمد اورنگزیب کی خصوصی شرکت ان پالیسی اقدامات کے تناظر میں ہے جن کی بدولت پاکستانی معیشت میں استقلال اور مثبت سازگار تبدیلیاں رونما ہوئیں۔وزیر خزانہ ’اُبھرتی ہوئی پر استقلال منڈیوں کا راستہ‘ کے موضوع پر ایک اعلیٰ سطح کے پینل مباحثے میں شریک ہوں گے۔بیان کے مطابق یہ کانفرنس اُبھرتی ہوئی منڈیوں اور ترقی پذیر معیشتوں کی سوچ اور فکر کی بنیاد پر ایک مضبوط اور پائیدار عالمی معیشت کی تعمیر کے لیے ہر سال سعود عرب میں منعقد کی جائے گی۔کانفرنس میں بدلتی دنیا میں استقلال کی تعمیر اور عالمی معاشی چیلنجوں سے نبردآزما ہونے کے لیے موزوں معاشی اور مالیاتی پالیسیوں پر بحث کی جائے گی۔
.ذریعہ: Nawaiwaqt
کلیدی لفظ: کانفرنس میں خزانہ کے
پڑھیں:
وزیراعظم شہباز شریف کی نواز شریف سے ملاقات، ملکی کی مجوعی صورت حال پر تبادلہ خیال
وزیراعظم پاکستان شہباز شریف نے جاتی امرا رائیونڈ میں سابق وزیراعظم و صدر پاکستان مسلم لیگ ن نواز شریف سے ملاقات کی ہے۔
میڈیا رپورٹس کے مطابق وزیراعظم شہباز شریف اور نواز شریف کے درمیان ہونے والی ملاقات میں ملکی کی مجموعی صورت حال پر تبادلہ خیال کیا گیا، اس موقع پر وزیراعلیٰ پنجاب مریم نواز بھی موجود تھیں۔
یہ بھی پڑھیں دہشتگردی کے واقعات میں بھارت کے ملوث ہونے کے ناقابل تردید ثبوت موجود ہیں، وزیراطلاعات
وزیراعظم شہباز شریف نے نواز شریف کو پہلگام واقعے کے بعد پاکستان کی قومی سلامتی کمیٹی کے اجلاس میں لیے گئے فیصلوں بریفنگ دی۔
شہباز شریف کا کہنا تھا کہ بھارت نے پہلگام میں پری پلان ڈرامہ کیا، وہ اس سے قبل بھی ایسا کرچکا ہے، لیکن ہم بھارت کے کسی بھی اقدام کا بھرپور جواب دیں گے۔
وزیراعظم کا کہنا تھا کہ ہم جاگ رہے ہیں اور ملک کا مستقبل روشن ہے، سندھ طاس معاہدے کی معطلی جیسے فیصلے تو جنگی حالات میں بھی نہیں کیے گئے۔
یہ بھی پڑھیں ہم نے پاکستان کو اوپر لے جانے کی کوشش کی تو ہمارا راستہ روکا گیا، نواز شریف کا پھر شکوہ
اس موقع پر سابق وزیراعظم نواز شریف نے کہاکہ ہم ہر طرح کی دہشتگردی کی مذمت کرتے ہیں، پاکستان خطے میں امن کا خواہاں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews دہشتگردی شہباز شریف ملاقات ملکی صورت حال نواز شریف وزیراعظم پاکستان وی نیوز
وزیراعظم نے کارکردگی پر مبنی مراعاتی نظام کا دائرہ وسیع کر دیا