فیروز خان رحیم پردیسی کے مُکے برداشت نہ کرسکے، پانچ منٹ میں ڈھیر
اشاعت کی تاریخ: 16th, February 2025 GMT
سوشل میڈیا اسٹار رحیم پردیسی نے پاکستانی اداکار فیروز خان کو باکسنگ میچ میں سخت مقابلے کے بعد 4-1 کے اسکور سے ہرا دیا۔ پانچ منٹ کے اس مقابلے میں دونوں فائٹرز نے بھرپور محنت کی، مگر ایک موقع پر فیروز خان کی توجہ ہٹ گئی، جس کا فائدہ رحیم پردیسی نے اٹھایا اور فتح اپنے نام کر لی۔ اگرچہ فیروز خان کے چہرے پر کچھ چوٹیں آئیں، لیکن میچ کے بعد دونوں نے ایک دوسرے کے ساتھ عزت و احترام کا مظاہرہ کیا، ہاتھ ملایا اور ایک دوسرے کی کارکردگی کی تعریف کی۔
معروف اداکار فیروز خان ایک بار پھر سرخیوں میں ہیں، لیکن اس بار وجہ ان کی اداکاری نہیں بلکہ پروفیشنل باکسنگ میں انٹری ہے۔ ڈرامہ سیریل ”اکھاڑا“ میں ایک باکسر کا کردار ادا کرنے کے بعد، اب وہ حقیقت میں رنگ میں اتر چکے ہیں۔
فیروز خان نے اپنے مداحوں کو انسٹاگرام اسٹوری کے ذریعے اس نئے سفر کی خبر دی، جہاں انہوں نے باکسنگ کے لیے اپنے جوش و جذبے اور مستقبل کے منصوبوں کا اظہار کیا۔
اپنی انسٹاگرام اسٹوری میں فیروز خان نے لکھا تھا، ’یہ میرا نیا گیم پلان ہے۔ میں اپنا باکسنگ کیریئر شروع کر رہا ہوں۔ میں چاہتا ہوں کہ لوگ فٹنس اور ٹریننگ پر توجہ دیں، اور یہ اقدام ان کھلاڑیوں کے لیے نئے دروازے کھولے گا جو کھیل کے میدان میں آگے بڑھنا چاہتے ہیں۔‘
فیروز نے مزید کہا کہ وہ چاہتے ہیں کہ لوگ فٹنس اور کھیل کو صرف شوق کے طور پر نہ دیکھیں بلکہ ایک سنجیدہ کیریئر آپشن کے طور پر اپنائیں۔ ان کا کہنا تھا کہ یہ فیصلہ ذاتی طور پر بھی اہم ہے اور نوجوانوں کو کھیل کے میدان میں آنے کی ترغیب دینے کے لیے بھی۔
فیروز خان کا پہلا مقابلہ یو اے ای میں مقیم معروف کامیڈین اور سوشل میڈیا کانٹینٹ کریئیٹر رحیم پردیسی سے تھا۔ رحیم، جو اپنے مزاحیہ مواد کی وجہ سے مشہور ہیں، انہوں نے فیروز خان کو باکسنگ میچ کا چیلنج دیا تھا۔
رحیم کے چیلنج کے جواب میں فیروز خان نے پُراعتماد انداز میں کہا تھا، ’رحیم، میں نے تمہاری کال آؤٹ ویڈیو دیکھی، مگر یاد رکھو، جو بھی میرے سامنے آیا ہے، اسے میرا اندازہ ہو گیا ہوگا۔ تمہیں اپنی مہارت بڑھانی ہوگی کیونکہ میں بہت تیز ہوں!‘
فیروز خان کے اداکاری سے باکسنگ میں منتقلی پر مداحوں نے ملے جلے ردعمل کا اظہار کیا ہے۔ کچھ ان کے اس فیصلے سے بے حد خوش ہیں اور اس نئے چیلنج کو ایک مثبت قدم سمجھ رہے ہیں، جبکہ کچھ مداح ان کے اس غیر متوقع فیصلے پر حیران ہیں۔
دلچسپ بات یہ ہے کہ فیروز خان نے باکسنگ میں دلچسپی کافی پہلے ظاہر کی تھی۔ 2021 کے ایک انٹرویو میں انہوں نے بتایا تھا کہ جب انہوں نے اداکاری شروع کی تھی تو ان کے دوستوں نے ان کا مذاق اڑایا تھا، اور اب باکسنگ کے خواب پر بھی ایسا ہی کر رہے ہیں۔
اب وہ ثابت کر رہے ہیں کہ وہ باکسنگ کو سنجیدگی سے لے رہے ہیں اور پروفیشنل لیول پر اس میں کامیابی حاصل کرنا چاہتے ہیں۔
اب دیکھنا یہ ہے کہ کیا فیروز خان کا باکسنگ کیریئر بھی ان کی اداکاری کی طرح کامیاب ہوتا ہے یا نہیں، لیکن ایک بات طے ہے: وہ اس نئے چیلنج کا سامنا کرنے کے لیے پوری طرح تیار ہیں۔
.ذریعہ: Daily Mumtaz
کلیدی لفظ: فیروز خان نے انہوں نے رہے ہیں کے لیے
پڑھیں:
غزہ میں پانچ سال سے کم عمر 60 ہزار سے زائد بچوں میں غذائی قلت کا شکار
اقوام متحدہ کے ایک عہدیدار نے بتایا ہے کہ قابض اسرائیلی فورسز کی جانب سے انسانی امداد کی فراہمی میں رکاوٹ کے باعث غزہ میں 60 ہزار سے زائد پانچ سال سے کم عمر بچے شدید غذائی قلت کا شکار ہیں۔ اسلام ٹائمز۔ اقوام متحدہ کے ایک عہدیدار نے بتایا ہے کہ قابض اسرائیلی فورسز کی جانب سے انسانی امداد کی فراہمی میں رکاوٹ کے باعث غزہ میں 60 ہزار سے زائد پانچ سال سے کم عمر بچے شدید غذائی قلت کا شکار ہیں۔ فارس نیوز کے مطابق، سیگرید کاگ، جو اقوام متحدہ کی جانب سے غزہ میں انسانی امداد کی رابطہ کار ہیں، نے کہا کہ غزہ کی پٹی میں 60 ہزار سے زائد کم عمر بچے شدید غذائی قلت میں مبتلا ہیں۔ انہوں نے اناطولی نیوز ایجنسی سے گفتگو کرتے ہوئے کہا کہ اقوام متحدہ کی جانب سے جنگ بندی کے دوران بھیجی گئی امداد بآسانی مستحقین تک پہنچ رہی تھی، لیکن مارچ کے وسط کے بعد امدادی قافلوں کی آمد بند ہو گئی۔
کاگ نے مزید کہا کہ صہیونی فوج نے 18 مارچ کو جنگ بندی اور قیدیوں کے تبادلے کے معاہدے کی خلاف ورزی کی، حالانکہ حماس نے اس معاہدے کی تمام شقوں پر عمل کیا تھا، لیکن اسرائیل نے ایک بار پھر غزہ پر نسل کشی کی جنگ شروع کر دی۔ اقوام متحدہ کی اس عہدیدار نے کہا کہ امدادی کارکنوں کے پاس درکار سامان کی شدید قلت ہے اور اسپتالوں کے لیے ایندھن ختم ہو چکا ہے، جس کی وجہ سے امداد کی تقسیم میں شدید خلل پڑا ہے۔ انہوں نے مزید کہا کہ ہم جانتے ہیں کہ 60 ہزار سے زائد پانچ سال سے کم عمر بچے غذائی قلت کا شکار ہیں، اور ان میں سے ہر ایک محض ایک عدد نہیں، بلکہ ایک انسان، ایک زندگی اور زندہ رہنے کی جدوجہد کی علامت ہے۔
کاگ نے تاکید کی کہ بین الاقوامی قوانین کے تحت اسرائیل پر لازم ہے کہ وہ انسانی امداد کو غزہ میں داخل ہونے دے۔ انہوں نے خبردار کیا کہ اسرائیلی حملے نہ صرف عام شہریوں بلکہ امدادی کارکنان، جن میں سے اکثر خود فلسطینی ہیں، کے لیے بھی ہولناک خطرہ بن چکے ہیں۔ ادھر غزہ کی وزارت صحت نے آج ہفتے کے روز اعلان کیا کہ 7 اکتوبر 2023 سے اب تک اسرائیلی جارحیت میں 50933 فلسطینی شہید اور 116045 زخمی ہو چکے ہیں۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار