پنکج ترپاٹھی کی تصویر پولیس کے ’’وانٹڈ بورڈ‘‘ پر؛ ماجرا کیا ہے؟
اشاعت کی تاریخ: 16th, February 2025 GMT
بالی ووڈ کے نامور اداکار پنکج ترپاٹھی نے اپنے کیریئر کے ابتدائی دنوں کا ایک دلچسپ واقعہ شیئر کیا ہے، جب ان کی تصویر پولیس اسٹیشن کے ’’وانٹڈ بورڈ‘‘ پر لگ گئی تھی۔
اداکار کے مطابق یہ واقعہ اس وقت کا ہے جب سوشل میڈیا کا وجود نہیں تھا، اور اداکاروں کو خود کو پروموٹ کرنے کے لیے کاسٹنگ ایجنسیوں پر انحصار کرنا پڑتا تھا۔
پنکج ترپاٹھی نے ایک انٹرویو میں بتایا کہ اس وقت اداکاروں کو خود کو متعارف کروانے کےلیے گتے کے کارٹن استعمال کرنے پڑتے تھے۔ انہوں نے کہا، ’’ہر کوئی اپنی تصاویر ان کارٹنوں میں لگا سکتا تھا، اور دن کے اختتام پر یہ کارٹن اسسٹنٹ کے دفتر میں بھیج دیے جاتے تھے۔ میں نے بھی اپنی بہت سی تصاویر ایسے کارٹن میں ڈالی تھیں۔‘‘
پنکج نے بتایا کہ ایک بار ان کے دوست کو ایک کرائم شو میں کاسٹ کیا گیا، جس میں تھانے کا سیٹ اپ تھا۔ ان کے دوست نے انہیں بلایا اور کہا، ’’دیکھو، وانٹڈ بورڈ پر تمہاری تصویر لگی ہوئی ہے۔‘‘
ترپاٹھی نے بتایا کہ ’’جب میں نے اپنی تصویر وانٹڈ بورڈ پر دیکھی، تو میں حیران رہ گیا کہ یہ کیسے ہوا ہے؟ پھر مجھے یاد آیا کہ میں نے اپنی بہت سی تصاویر ایجنسیوں کے دفتر میں چھوڑی تھیں۔ آرٹ ڈپارٹمنٹ کو جب ’وانٹڈ بورڈ‘ کےلیے کسی چور یا گینگسٹر کی تصاویر کی ضرورت پڑی، تو انہوں نے میری تصاویر استعمال کرلیں۔‘‘
پنکج ترپاٹھی حال ہی میں بلاک بسٹر فلم ’’استری 2‘‘ میں نظر آئے، جس نے باکس آفس پر کامیابی کے تمام ریکارڈ توڑ دیے۔ ان کی اداکاری کو نہ صرف مداحوں بلکہ ناقدین کی طرف سے بھی بہت سراہا گیا۔
TagsShowbiz News Urdu.
ذریعہ: Al Qamar Online
کلیدی لفظ: وانٹڈ بورڈ
پڑھیں:
اب میٹرک امتحانات کیلئے منفرد رول نمبر سلپس ملیں گی
میٹرک امتحانات کے لئے کیو آر کوڈ والی رولنمبر سلپس تیار کر لی گئیں۔لاہور بورڈ نےجعلی امیدواروں کا کمرہ امتحا ن میں داخلہ روکنے کے لئے شکنجہ تیار کر لیا،کیو آر کوڈ سے امتحانی سنٹر میں جعلی امیدواروں کی شناخت آسان ہوگی۔ موبائل کے ذریعے بھی کیو آر کوڈ کو چیک کیا جا سکے گا ،نئی ٹیکنالوجی سے نقل اور جعلی امیدواروں کی روک تھام میں مدد ملے گی، لاہور بورڈ کے تحت میٹرک کے سالانہ امتحانات کا آغاز4مارچ سے ہو گا، میٹرک امتحانات میں2لاکھ56ہزار بچے شرکت کریں گے۔لاہور بورڈ کا کہنا ہے کہ گزشتہ برس جعلی امتحان دینے والے82امیدوروں پر3سال کی پابندی لگائی ہے ، جعلی امیدواروں کے خلاف بھی قانون کے مطابق مقدمات اور کارروائی کی جا رہی ہے۔
ڈونلڈ ٹرمپ کا ٹک ٹاک پر پابندی کی مدت میں دوسری بار توسیع دینے کا عندیہ