بلوچستان میں کانکنوں کی حفاظت یقینی بنائینگے، کمانڈر ایف سی
اشاعت کی تاریخ: 15th, February 2025 GMT
دکی میں منعقدہ جرگے سے خطاب کرتے ہوئے ایف سی کمانڈر حنیف خٹک نے کہا کہ ایف سی اور دیگر سیکیورٹی ادارے بشمول ضلعی انتظامیہ علاقے میں امن و امان کی بحالی کیلئے بہترین سیکیورٹی پلان پر عمل کرچکے ہیں۔ اسلام ٹائمز۔ ایف سی 87 ونگ کے کمانڈر محمد حنیف خٹک کا کہنا ہے کہ دکی اور متعلقہ علاقوں میں کوئلہ کانوں میں کام کرنے والے مزدوروں کی حفاظت کیلئے پلان پر عمل درآمد کا آغاز کر دیا گیا ہے۔ ملک دشمن عناصر کے خلاف کسی قربانی سے دریغ نہیں کریں گے۔ یہ بات انہوں نے بلوچستان کے ضلع دکی میں ایف سی ہیڈ کوارٹر میں منعقدہ جرگے سے خطاب کرتے ہوئے کیا۔ جس میں اہم شخصیات نے شرکت کی۔ جرگے میں ایف سی 87 ونگ کے کمانڈ کرنل محمد حنیف خٹک، ڈپٹی کمشنر دکی کلیم اللہ کاکڑ، اسسٹنٹ کمشنر دکی عمران مندوخیل اور اسسٹنٹ کمشنر تھل چوٹیالئی علی اکبر نے اپنے خیالات کا اظہار کیا۔ جرگے میں دیگر شرکاء میں ڈی ایس پی اکبر، قبائلی رہنماء سردار معصوم خان ترین، سردار اکبر خان ناصر، حاجی رشید خان ناصر اور محمد اسلم ترین سمیت دیگر نے بھی شرکت کی۔ جرگے میں کوئلے کے کاروبار کی سیکیورٹی کو مزید بہتر بنانے کے لئے اہم فیصلے کئے گئے۔
کرنل محمد حنیف خٹک نے اس موقع پر کہا کہ ایف سی اور دیگر سیکیورٹی ادارے بشمول ضلعی انتظامیہ علاقے میں امن و امان کی بحالی کے لئے بہترین سیکیورٹی پلان پر عمل کرچکے ہیں۔ کسی کو بھی علاقے کے امن میں خلل ڈالنے کی اجازت نہیں دی جائے گی۔ کرنل حنیف خٹک نے کہا کہ پاک فوج، ایف سی، لیویز اور پولیس ملک و سماج دشمن عناصر کے خلاف کسی بھی قسم کی قربانی سے دریغ نہیں کریں گے اور دہشت گردوں کو کیفر کردار تک پہنچائیں گے۔ اس موقع پر جرگے میں فیصلہ کیا گیا کہ تمام کوئلہ کان مالکان (ٹھیکدار) اپنے ہر کان پر ایک چوکیدار تعینات کریں گے، جو اسلحہ استعمال کرنے کا مجاز ہوگا۔ علاوہ ازیں، ہر ٹھیکدار اپنے کارکنوں کا ڈیٹا ڈپٹی کمشنر دکی کے دفتر میں جمع کرائے گا تاکہ تمام لیبر کا ڈیٹا ضلعی انتظامیہ کے پاس موجود ہو۔ اس جرگے کے ذریعے علاقے میں امن اور سیکیورٹی کو مزید مستحکم کرنے کے اقدامات کئے گئے ہیں، تاکہ مقامی معیشت اور امن کا تحفظ کیا جا سکے۔
ذریعہ: Islam Times
پڑھیں:
عمرکوٹ میں ضمنی انتخاب آج، 91پولنگ ا سٹیشنز انتہائی حساس قرار
این اے 213 عمرکوٹ حلقے میں 498پولنگ اسٹیشنز قائم، 302مشترکہ، 98مرد، 98خواتین کے شامل
نشست پی پی کے رکن قومی اسمبلی نواب یوسف تالپور کے انتقال کے بعد خالی ہوئی ، 18امیدوار مدمقابل ہیں
این اے 213 عمرکوٹ ضمنی انتخاب آج ہوگا، صوبائی الیکشن کمشنر سندھ نے 91پولنگ سٹیشنز انتہائی حساس قرار دے دیے۔ترجمان صوبائی الیکشن کمشنر سندھ کے مطابق این اے 213 عمرکوٹ میں ضمنی انتخاب کل ہوگا، حلقے میں ووٹرز کی کل تعداد 6 لاکھ 8 ہزار 957 ہے ، رجسٹرڈ ووٹرز میں 3لاکھ 21ہزار 686مرد، 2لاکھ 87ہزار 311خواتین شامل ہیں۔صوبائی الیکشن کمشنر سندھ کے ترجمان کے مطابق 498پولنگ اسٹیشنز قائم، 302 مشترکہ، 98 مرد، 98 خواتین کے شامل ہیں، 91 پولنگ سٹیشنز انتہائی حساس، 269 حساس، 169 نارمل قرار دیئے گئے ہیں۔ترجمان کے مطابق انتخابی سامان کی ترسیل کا عمل آج شام تک مکمل ہوگا، ضمنی انتخاب میں 18امیدوار مدمقابل ہیں، پیپلز پارٹی کی محترمہ صبا تالپور، آزاد امیدوار لالچند مالہی اور ٹی ایل پی کے عمر جان سرہندی سمیت 18 امیدوار میدان میں ہیں۔صوبائی الیکشن کمشنر سندھ نے متعلقہ اداروں کو شفاف، منصفانہ اور پُرامن انتخاب کے کامیاب انعقاد کی ہدایات کی ہیں، انہوں نے کہا کہ پولیس اور قانون نافذ کرنے والے ادارے الرٹ رہیں۔انہوں نے کہا کہ الیکشن کمیشن کسی بھی بے ضابطگی کو برداشت نہیں کرے گا، یاد رہے کہ نشست پیپلز پارٹی کے رکن قومی اسمبلی نواب یوسف تالپور کے انتقال کے بعد خالی ہوئی تھی۔
پاک فضائیہ کے سربراہ کا دورہ چین، گارڈ آف آنر پیش کیا گیا