استعداد کار بڑھانے کی ورکشاپ بعنوان ’’آؤ کرم میں امن واپس لائیں‘‘ کا اختتام
اشاعت کی تاریخ: 15th, February 2025 GMT
یہ ورکشاپ پانچ دنوں تک جاری رہی، جس میں نوجوانوں، اساتذہ، اور کمیونٹی رہنماؤں کو امن قائم کرنے کے عملی طریقے اور مہارتیں سکھائی گئیں۔ اسلام ٹائمز۔ پاراچنار میں پانچ روزہ استعداد کار بڑھانے کی ورکشاپ بعنوان ’’آؤ کرم میں امن واپس لائیں‘‘ کی اختتامی تقریب آج منعقد ہوئی، جس میں خطے میں امن، مکالمے اور تنازعات کے حل کے فروغ کے لیے کی گئی کاوشوں کا جائزہ لیا گیا۔ یہ ورکشاپ پانچ دنوں تک جاری رہی، جس میں نوجوانوں، اساتذہ، اور کمیونٹی رہنماؤں کو امن قائم کرنے کے عملی طریقے اور مہارتیں سکھائی گئیں۔ اختتامی تقریب میں شرکاء نے اپنے سوشل ایکشن پراجیکٹس (SAPs) پیش کیے اور کردار ادا کرنے کی سرگرمیوں (Role Play Activities) کے ذریعے امن کی بحالی اور سماجی ہم آہنگی کے عملی طریقے اجاگر کیے۔ تقریب میں اہم اسٹیک ہولڈرز نے شرکت کی، جن میں سرکاری اداروں کے نمائندے، سول سوسائٹی کے اراکین اور مقامی اثر و رسوخ رکھنے والے افراد شامل تھے۔ انہوں نے شرکاء کی کاوشوں کو سراہا، ان کے مجوزہ امن منصوبوں کی توثیق کی، اور ان پر عمل درآمد میں مدد فراہم کرنے کے عزم کا اظہار کیا۔
تقریب سے خطاب کرتے ہوئے سید علی نقی، لیکچرر سوشیالوجی نے کہا کہ ایسی ورکشاپس تنازعات سے متاثرہ علاقوں میں کمیونٹی کو بااختیار بنانے میں مدد دیتی ہیں۔ علم اور مکالمے کے ذریعے مسائل حل کرنے کی مہارتیں حاصل کرنا انتہائی ضروری ہے۔ شرکاء کا عزم ایک پرامن کرم کے لیے امید کی کرن ہے۔ یہ ورکشاپ اور اختتامی تقریب المصطفیٰ ایجوکیشنل کمپلیکس کے زیر اہتمام منعقد ہوئی، جس نے امن قائم کرنے کے عملی اقدامات اور کمیونٹی کی شمولیت پر تبادلہ خیال کے لیے ایک مؤثر پلیٹ فارم فراہم کیا۔ شرکاء نے اس عزم کا اظہار کیا کہ وہ اپنے منصوبوں پر عمل درآمد کو یقینی بنائیں گے اور ورکشاپ کے بعد بھی اپنے امن کے مشن کو جاری رکھیں گے۔
ذریعہ: Islam Times
پڑھیں:
قاضی احمد ،مسجد نور کے طلبا وطالباتکی دستار بندی کی تقریب
قاضی احمد( نمائندہ جسارت)قاضی احمد قرآن پاک حفظ کرنے والے طلبا کی دستار کی تقریب مولانا میر محمد میرکھ کی خصوصی شرکت ۔ مسجد نورقاضی احمد میں حفظ قرآن اور ناظرہ مکمل کرنے والے طلبا و طالبات کے اعزاز میں جلسہ دستاربندی منعقد کیا گیا جس میں علماکرام، مدرسہ میں تعلیم حاصل کرنے والے طلبا،والدین اور دیگر شرکاکی بڑی تعداد نے شرکت کی ۔اس موقع پر مفتی عابد ندیم نے آنے والے معزز مہمانوں کو خوش آمدید کہا۔ جلسہ دستاربندی کی تقریب سے خصوصی خطاب حضرت مولانا میر محمد میرکھ نے کیا جبکہ مولانا محمودالحسن جوگی نے بھی تقریب سے خطاب فرمایا ۔ اس موقع پر دیگر معزز مہمانوں میں مولانا تنویر الحق،مولانا محمود کھوسو،حافظ رحمت اللہ ماجوٹھو،مولانا صدیق،مولانا عزیر عمرانی،مولانا محمد ہاشم چانڈیو و دیگر نے شرکت کی ۔علمااکرام نے اپنے خطاب میں کہا کہ آج کے اس پروگرام میں حفظ کرنے والے طلبااور مختلف امتحانات میں کامیاب ہونے والے طلبا و طالبات کا کامیاب ہونا ایک بڑا اعزاز ہے اور خوش نصیب ہیں وہ والدین جنہوں نے اپنی اولاد کو دینی تعلیمات دلوائی جبکہ اساتذاہ اکرام خصوصی مبارکباد کے مستحق ہیں جنکی محنتیں رنگ لائیں ہمیں چاہیے کہ اپنے بچوں کو قرآن کی تعلیم ضرور دلوائیں تاکہ ان کی زندگیوں میں دین آباد ہوسکے۔ تقریب کے آخر میں قاری طارق نے خصوصی دعا کروائی۔
نجی اسکولوں کے اساتذہ کیلیے لائسنس جاری ہوگا