سیکیورٹی فورسز کی کارروائیاں: 15 خارجی دہشتگرد ہلاک، لیفٹیننٹ سمیت 4 جوان شہید
اشاعت کی تاریخ: 15th, February 2025 GMT
راولپنڈی: سیکیورٹی فورسز نے خیبرپختونخوا میں 2 مختلف کارروائیوں میں 15 خارجی دہشت گردوں کو ہلاک کردیا جب کہ فائرنگ کے تبادلے میں لیفٹننٹ محمد حسن اشرف سمیت 4 جوان شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خیبرپختونخوا میں 2 مختلف مقامات پر کارروائیاں کیں۔
ترجمان پاک فوج کے مطابق سیکیورٹی فورسز نے ڈیرہ اسمٰعیل خان کے علاقے ہتھلہ میں دہشت گردوں کی خفیہ اطلاع پر آپریشن کیا جس کے نتیجے میں 9 خارجی دہشت گرد ہلاک ہوگئے۔
آپریشن کے دوران پاک فوج نے خارجہ دہشت گردوں کے ٹھکانوں کو نشانہ بنایا اور ہلاک ہونے والوں میں خارجیوں کے رنگ لیڈر ایچ وی ٹی فرمان عرف ثاقب، خارجی امان اللہ عرف طوری، خارجی سعید عرف لیاقت اور خارجی بلال بھی شامل تھے۔ ہلاک ہونے والے خوارج علاقے میں دہشت گردی کی متعدد سرگرمیوں میں ملوث تھے اور قانون نافذ کرنے والے اداروں کو انتہائی مطلوب تھے۔
سیکیورٹی فورسز کی جانب سے دوسرا آپریشن شمالی وزیرستان میں کیا گیا، جہاں 6 خارجی دہشت گردوں کو ہلاک کیا گیا۔
آئی ایس پی آر نے بتایا کہ دہشت گردوں سے جھڑپ کے دوران شدید فائرنگ کا تبادلہ ہوا جس کے نتیجے میں 4 فوجی جوان بھی شہید ہوگئے، جن میں ایک لیفٹننٹ بھی شامل تھا۔ شہید ہونے والوں میں لیفٹیننٹ محمد حسن اشرف، نائب صوبیدار محمد بلال، سپاہی فرحت اللہ اور سپاہی ہمت خان شامل ہیں۔
ترجمان پاک فوج کا مزید کہنا تھا کہ ہلاک خوارج دہشت گردی کی کارروائیوں میں ملوث تھے جب کہ سیکیورٹی فورسز دہشت گردی کے خاتمے کے لیے پرعزم ہیں۔
TagsImportant News from Al Qamar.
ذریعہ: Al Qamar Online
کلیدی لفظ: سیکیورٹی فورسز پاک فوج
پڑھیں:
منگھوپیر : دہشت گردوں کی فائرنگ سے شہید اہلکار سپردخاک
آئی جی سندھ غلام نبی میمن جاوید اوڈھو کے ہمراہ شہید اہلکار عمران کی میت پر پھول رکھ رہے ہیںکراچی (اسٹاف رپورٹر) منگھوپیر میں ڈہشت گردوں کی فائرنگ سے شہید اہلکار عمران کی نماز جنازہ ادا کردی گئی جبکہ واقعہ کا مقدمہ کالعدم تنظیم کے دہشت گردوں کے خلاف درج کرلیا گیا۔ہفتہ کے روز منگھوپیر کے علاقے اورنگی ٹاؤن خیر آباد امن چوک کے قریب دہشت گردوںکی فائرنگ سے شہید ہونے والے اہلکار عمران خان کی نماز جنازہ پولیس ہیڈکوارٹر گارڈن ساؤتھ میں ادا کی گئی نماز جنازہ میں آئی جی سندھ غلام نبی میمن، ایڈیشنل آئی جی کراچی و دیگر سینئر پولیس افسران نے شرکت کی۔آئی جی سندھ کی ڈی آئی جی ویسٹ کو ہدایت دی کہ واقعہ میں ملوث ملزمان کے خلاف باقاعدہ نشاندہی کے تحت سخت ایکشن یقینی بنایا جائے۔انٹیلی جنس ذرائع اور کرائم سین سمیت دیگر شواہد کی مدد سے ملزمان کو جلد قانون کی گرفت میں لایا جائے۔ نماز جنازہ میں شریک شہید اہلکار کے ورثاء سے آئی جی سندھ نے اظہار تعزیت کی اور کہا کہ محکمہ پولیس سندھ آپکے ساتھ ہے۔ملزمان جلد قانون کی گرفت میں آئیں گے۔شہید اہلکار منگھوپیر تھانے میںتعینات تھا، سی ٹی ڈی پولیس ایس ایچ او منگھوپیر عمران خان کی مدعیت میں کالعدم تنظیم کے امیرحافظ حلیم اورکالعدم تنظیم فتنہ الخوارج کی ایماء پرتنظیم سے وابستہ سہولت کار تین دہشت گردوں کے خلاف مقدمہ الزام نمبر05/2025بجرم دفعات 302/34 PPC,21(i)ATA 1997 کے تحت درج کرلیا ۔
اسرائیل جلد ایرانی جوہری پروگرام پر حملہ کر سکتا ہے، امریکی اخبار کا دعویٰ