ڈونلڈ ٹرمپ کا ٹک ٹاک پر پابندی کی مدت میں دوسری بار توسیع دینے کا عندیہ
اشاعت کی تاریخ: 15th, February 2025 GMT
نیویارک:امریکی صدر ڈونلڈ ٹرمپ نے کہا ہے کہ ضرورت پڑنے پر وہ ٹک ٹاک کی پابندی کی مدت میں دوسری بار بھی اضافہ کردیں گے، تاہم انہیں یقین ہے کہ اس کی ضرورت نہیں پڑے گی۔
خبر رساں ادارے ’رائٹرز‘ کے مطابق ڈونلڈ ٹرمپ نے دفتر میں صحافیوں سے بات کرتے ہوئے امریکا میں ٹک ٹاک پر پابندی کے معاملے پر بھی گفتگو کی۔
ایک صحافی کے سوال پر ڈونلڈ ٹرمپ نے کہا ہے کہ انہیں امید ہے کہ بڑھائی گئی 75 دن کی مدت میں ٹک ٹاک کی فروخت کا معاملے طے پا جائے گا۔
ڈونلڈ ٹرمپ کا کہنا تھا کہ اگر کسی بھی مسئلے کی وجہ سے ٹک ٹاک کی فروخت کی ڈیل نہیں ہوپاتی تو ان کے پاس مدت بڑھانے کا اختیار موجود ہے۔
امریکی صدر کا کہنا تھا کہ ان کے پاس 90 دن تک ٹک ٹاک پر پابندی کی مدت منسوخ کرنے کا اختیار ہے اور وہ دوسری بار بھی شارٹ ویڈیو شیئرنگ ایپلی کیشن کی مدت میں توسیع کریں گے۔
خیال رہے کہ پہلے ہی ڈونلڈ ٹرمپ نے ٹک ٹاک پر پابندی کی منسوخی میں 75 دن کا اضافہ کر رکھا ہے جو کہ اپریل میں ختم ہوجائے گا۔
ٹک ٹاک کو اپریل میں ہر حال میں اپنی امریکی سروسز کسی بھی امریکی شخص یا کمپنی کو فروخت کرنی ہوں گی، دوسری صورت میں اس پر امریکا میں پابندی عائد کردی جائے گی۔
امریکی صدر کے پاس اختیار ہے کہ وہ ٹک ٹاک پر پابندی کو 90 دن تک منسو کر سکتے ہیں اور ڈونلڈ ٹرمپ نے پہلے ہی ٹک ٹاک کو 75 دن کی مہلت دے رکھی ہے اور یہ واضح نہیں ہے کہ امریکی صدر مزید 90 دن مہلت دینے کے مجاز ہوں گے یا نہیں۔
ذریعہ: Daily Mumtaz
کلیدی لفظ: ٹک ٹاک پر پابندی ڈونلڈ ٹرمپ نے امریکی صدر کی مدت میں پابندی کی
پڑھیں:
ایلون مسک کے بیٹے کی امریکی صدر کو شٹ آپ کی کال
واشنگٹن: ایکس کے سربراہ ایلون مسک کے بیٹےنے امریکی صدر کو شٹ آپ کال دیتے ہوئے کہا کہ میں چاہتا ہوں کہ آپ اپنی زبان بند رکھیں۔
غیر ملکی میڈیا رپورٹس کے مطابق ایلون مسک کا بیٹا، جسے وہ ایکس کے نام سے پکارتا ہے نے ایک میڈیا بریفنگ کے دوران ڈونلڈ ٹرمپ کو اپنی زبان بند رکھنے کا کہا، جس پر سوشل میڈیا پر یہ بات خوب وائرل ہوگئی۔
وہاں پر موجود ایک صحافی کا کہنا تھا کہ شٹ آپ کی کال ایلون مسک کے بیٹے نے ایک صحافی کو دی تھی لیکن اے آئی کی مدد سے وڈیو میں یہ دکھایا گیا ہے کہ منہ بند کرنے کا امریکی صدر کو کہا گیا ہے۔
ایسے میں سوشل میڈیا پر صارفین ایلون مسک پر تنقید کی تو کسی نے ڈونلڈ ٹرمپ کا مذاق اڑایا، صارفین کا کہنا تھا کہ اس سے کوئی فرق نہیں پڑتا کہ منہ بند رکھنے کو کس کو کہا گیا ؟
یہ واقعہ اس وقت پیش آیا جب امریکی صدر ڈونلڈ ٹرمپ اور ایلون مسک کے درمیان ایک نئے ایگزیکٹو آرڈر پر بات ہو رہی تھی جو مسک کو حکومت کی کارکردگی کے محکمے کا سربراہ مقرر کرنے سے متعلق تھا،جب مسک صحافیوں کے سوالات کا جواب دے رہے تھے تو چھوٹے ایکس نے امریکی صدر کو مخاطب کرتے ہوئے سب کی توجہ حاصل کرلی۔
بعض صارفین نے کہا کہ چھوٹے ایکس نے ڈونلڈ ٹرمپ کو مخاطب کرتے ہوئے کہا کہ آپ صدر نہیں ہیں ، اسی لیے اپنی زبان بند رکھیں۔
یہ وڈیو سوشل میڈیا پر خوب وائیر ل ہوئی ہے، جس کے بعد ایلون مسک کے بیٹے کے میڈیا پر خوب چرچے ہورہےہیں، کچھ صارفین نے نے ایلون مسک کے بیٹے کو بدتمیز قرار دیتے ہوئے کہا ہے کہ ایلون مسک کو اپنے بیٹے کی تربیت کرنی چاہیے۔
ٹرمپ مودی ملاقات! کیا اشوز اہم ہیں؟