اہلیہ کو بوسہ دینے کی تصویر شیئر کرنے پر یاسر نواز کو تنقید کا سامنا
اشاعت کی تاریخ: 15th, February 2025 GMT
کراچی(شوبز ڈیسک)عالمی یوم محبت ’ویلنٹائنز ڈے‘ کے موقع پر اہلیہ ندا یاسر کے ہمراہ رومانوی تصویر شیئر کرنے پر یاسر نواز کو تنقید کا سامنا ہے۔
شوبز جوڑے کو ماضی میں بھی رومانوی تصاویر اور ویڈیوز پر تنقید کا نشانہ بنایا جاتا رہا ہے۔
حال ہی میں ویلنٹائنز ڈے کے موقع پر یاسر نواز نے اہلیہ کے ہمراہ کھچوائی گئی ایک تصویر انسٹاگرام اسٹوری میں شیئر کی، جس پر انہیں تنقید کا سامنا ہے۔
اداکار کی جانب سے شیئر کردہ تصویر میں انہیں اہلیہ کو بوسہ دیتے ہوئے دیکھا گیا۔
اداکار نے تصویر شیئر کرتے ہوئے اہلیہ کے نام رومانوی پیغام بھی لکھا تھا کہ ’ان کے بغیر اب یاسر نواز کا جینا مشکل ہے‘،
جوڑے کی جانب سے عالمی یوم محبت کے موقع پر شیئر کردہ رومانوی تصویر پر جہاں مداحوں نے ان کی تعریفیں کرتے ہوئے ان کے لیے نیک خواہشات کا اظہار کیا، وہیں بعض لوگوں نے انہیں تنقید کا نشانہ بھی بنایا۔
View this post on Instagram
A post shared by Mover Magazine Pakistan (@mover_magazine_pakistan)
کچھ افراد نے یاسر نواز کو اپنے عمر سینئر اداکاروں فیصل قریشی، اعجاز اسلم، عدنان صدیقی اور ہمایوں سعید سے سیکھنے کا مشورہ بھی دیا اور انہیں ہدایات کیں کہ وہ مذکورہ اداکاروں کی سوشل میڈیا پوسٹس دیکھیں اور ان سے سیکھیں۔
بعض افراد نے رومانوی تصویر شیئر کرنے پر دونوں میاں اور بیوی کو عمر کے طعنے دیے اور ساتھ لکھا کہ انہیں عمر کا لحاظ کرنا چاہیے تھا۔
کچھ صارفین نے لکھا کہ یہ چیزیں پرائیویٹ ہیں، انہیں شیئر نہیں کیا جانا چاہیے اور پھر عمر کا بھی لحاظ کیا جانا چاہیے۔
بعض مداحوں نے کمنٹس کرتے ہوئے ندا یاسر کو بھی آڑے ہاتھوں لیا اور ساتھ ہی انہیں مشورہ دیا کہ انہیں اس طرح کی تصاویر سوشل میڈیا پر شیئر نہیں کرنی چاہیے۔
کچھ لوگوں نے انہیں شدید آڑے ہاتھوں لیتے ہوئے لکھا کہ انہیں بیڈ روم کا کام سوشل میڈیا پر شیئر نہیں کرنا چاہیے۔
View this post on Instagram
A post shared by Galaxy Lollywood (@galaxylollywood)
مزیدپڑھیں:نازش جہانگیر کو سیر سپاٹوں کے دوران بولڈ لباس پر تنقید کا سامنا
ذریعہ: Daily Ausaf
کلیدی لفظ: تنقید کا سامنا تصویر شیئر یاسر نواز
پڑھیں:
بالی ووڈ کی رومانوی جوڑی کا مجسمہ لندن میں نصب ہو گا
لندن میں دل والے دلہنیا لے جائیں گے کی مشہور اور رومانوی جوڑی کا مجسمہ نصب کیا جائے گا۔
برطانیہ کے معروف علاقے لیسٹر اسکوائر میں واقع Scenes in the Square میں بالی ووڈ کے لیجنڈری اداکار شاہ رخ خان اور کاجول کا کانسی سے تیار کردہ مجسمہ نصب کیا جائے گا۔
بھارتی میڈیا کے مطابق یہ اقدام بالی ووڈ کی کلاسک رومانوی فلم دل والے دلہنیا لے جائیں گے کی 30 ویں سالگرہ کے موقع پر کیا جا رہا ہے۔
یہ فلم 1995ء میں ریلیز ہوئی تھی اور اس نے ناصرف بھارتی بلکہ عالمی سطح پر بھی مقبولیت کے جھنڈے گاڑے تھے۔
مجسمہ اُس جگہ پر لگایا جائے گا جہاں فلم کے ایک یادگار سین کی عکس بندی کی گئی تھی، لندن میں شوٹ کیے گئے اس منظر کو مداح آج بھی نہیں بھولے، اور اسی مقام پر اس فلمی جوڑی کو خراجِ تحسین پیش کیا جائے گا۔
فلم کی کہانی بیرونِ ملک مقیم بھارتی خاندانوں اور ان کی روایات سے جڑے رہنے کی جدوجہد کو خوبصورتی سے پیش کرتی ہے، یہی وجہ ہے کہ لندن میں بسنے والے جنوبی ایشیائی ناظرین کے دل میں اس فلم کی ایک خاص جگہ ہے۔
دل والے دلہنیا لے جائیں گے کا اختتامی منظر آج بھی سنیما کی تاریخ میں ایک ناقابلِ فراموش لمحہ مانا جاتا ہے اور اس کے مکالمے آج بھی لوگوں کی زبان پر زندہ ہیں۔
مجسمے کی تنصیب کے اعلان نے ناصرف شاہ رخ اور کاجول کے مداحوں کو پرجوش کر دیا ہے بلکہ بھارتی سنیما کے عالمی اثر و رسوخ کو بھی مزید اجاگر کیا ہے۔
Post Views: 4
دہشتگردی کا خاتمہ… ترقی وخوشحالی کا ضامن