وادی نیلم میں سیاح جوڑا کمرے میں دم گھٹ جانے سے جانبحق
اشاعت کی تاریخ: 15th, February 2025 GMT
وادی نیلم کے سیاحتی مقام شاردہ کے گیسٹ ہاؤس میں دم گھٹنے سے 2 سیاح جانبحق ہو گئے۔
یہ بھی پڑھیں:وادی نیلم میں پراسرار بیماری، نوجوان بچے، بچیاں شکار
تھانہ پولیس شاردہ کے مطابق کراچی سے تعلق رکھنے والے طلحہ اور دعا زہرہ سیاحت کی غرض سے وادی نیلم میں موجود تھے۔ شاردہ کے مقام پر گیسٹ ہاؤس کے کمرے میں گیس سلینڈر جلاکر سوئے تھے۔
پولیس کے مطابق کمرے میں گیس بھر جانے کی وجہ سے دونوں میاں بیوی کا دم گھٹنے سے موت واقع ہوئی ہے۔ گیسٹ ہاؤس کے دو ملازم گرفتار کر کہ تفتیش شروع کر دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سیاح شاردہ گیس وادی نیلم.ذریعہ: WE News
کلیدی لفظ: سیاح گیس وادی نیلم وادی نیلم
پڑھیں:
کراچی کا نوبیاہتا جوڑا آزاد کشمیر میں دم گھٹنے سے جاں بحق
آزاد کشمیر کے سیاحتی مرکز میں کراچی کا نوبیاہتا جوڑا دم گھٹنے سے جاں بحق ہوگیا ہے. جواں سال دولہا دلہن کی شادی رواں ماہ ہوئی تھی. حکام کا کہنا ہے کہ حادثہ آٹھ مقام کے گیسٹ ہاؤس میں پیش آیا۔
تفصیلات کے مطابق کراچی کے نوبیاہتا جوڑے نے آزاد کشمیر میں دم توڑ دیا۔ اہلِ خانہ کا کہنا ہے کہ طٰحہٰ اور دعا زہرا 4فروری کو ازدواجی بندھن میں بندھے تھے جو 11 فروری کو آزاد کشمیر کیلئے روانہ ہوئے. 14فروری کو ویلنٹائن ڈے کے موقعے پر رات 9 بجے طٰحٰہ سے آخری بار رابطہ ہوا تھا۔نجی ٹی وی رپورٹ کے مطابق طٰحہٰ اور دعا زہرا گیسٹ ہاؤس سے چیک آؤٹ کرکے نیلم ویلی جانے والے تھے۔ مکینیکل انجینئر طٰحہٰ اور بی بی اے کی طالبہ دعا زہرا گیسٹ ہاؤس کے کمرے میں دم گھٹنے سے جاں بحق ہوئے. تاہم دم گھٹنے کی وجوہات تاحال سامنے نہیں آسکیں۔حکام کا کہنا ہے کہ جاں بحق میاں بیوی کی میتیں آج کراچی منتقل کی جائیں گی.جنہیں ضروری کارروائی کے بعد ورثاء کے حوالے کیا جائے گا۔ واقعے کے باعث جاں بحق طحہٰ اور دعا زہرا کے گھروں میں کہرام بپا ہوگیا ہے۔ علاقہ مکینوں کی بڑی تعداد واقعے پر افسوس کا اظہار کر رہی ہے۔ڈپٹی کمشنر ندیم احمد جنجوعہ نے ڈان کو بتایا کہ کمرے میں اپنا سامان چھوڑنے کے بعد وہ کیل کے بالائی علاقوں میں سیر و تفریح کے لیے گئے اور رات ساڑھے 10 بجے کے قریب واپس آئے۔انہوں نے بتایا کہ درجہ حرارت منفی 10 ڈگری سینٹی گریڈ تک گرنے کے باعث جوڑے نے گرم رہنے کے لیے گیس ہیٹر چلا نے کے بعد کمرے کے تمام کھڑکی دورازے بند کردیے تھے۔ڈپٹی کمشنر کے مطابق ریسٹ ہاؤس کے عملے نے دم گھٹنے کے پچھلے واقعات کے بعد انتظامیہ اور محکمہ سیاحت کی جانب سے جاری حفاظتی ہدایات کے مطابق بدقسمت جوڑے کو مشورہ دیا تھا کہ وہ آدھے گھنٹے کے بعد سلنڈر کو باہر رکھ دیں. اگرچہ جوڑے نے ہدایت پر عمل کرنے کی حامی بھری تھی تاہم عملاً ایسا نہیں کیا۔انہوں نے بتایا کہ ہفتے کی صبح تقریباً 10 بجے ریسٹ ہاؤس کے عملے نے تمام کمروں کے دروازوں پر دستک دی اور یہ جاننے کی کوشش کی کہ آیا مہمانوں کو کسی بھی چیز کی ضرورت ہے یا نہیں، دیگر مہمانوں نے جواب دیا .تاہم مذکورہ جوڑے کے کمرے سے کوئی جواب نہیں آیا. جس پر تشویش پیدا ہوئی۔خوفزدہ عملے نے ڈسٹرکٹ ڈیزاسٹر مینجمنٹ اتھارٹی کو آگاہ کیا.جس کے اہلکاروں نے بار بار دستک دینے کے بعد مجبوراً دروازہ کھولا تو دونوں میاں بیوی مردہ حالت میں ملے۔ندیم احمد جنجوعہ کا کہنا تھا کہ ’خاتون بستر پر لیٹی ہوئی تھی جبکہ ایسا لگتا ہے کہ مرد دروازہ کھولنے کی کوشش میں فرش پر گر گیا تھا‘۔لاشوں کو شام کے وقت مظفر آباد منتقل کیا گیا اور قانونی کارروائی مکمل ہونے کے بعد ان کے لواحقین کے حوالے کر دیا گیا۔
اسرائیل جلد ایرانی جوہری پروگرام پر حملہ کر سکتا ہے، امریکی اخبار کا دعویٰ