دنیا سوڈان کی گھمبیر صورتحال کو نظر انداز نہ کرے، گوتیرش
اشاعت کی تاریخ: 15th, February 2025 GMT
اسلام آباد (اُردو پوائنٹ ۔ UN اردو۔ 15 فروری 2025ء) اقوام متحدہ کے سیکرٹری جنرل انتونیو گوتیرش نے عالمی برادری سے کہا ہے کہ وہ مصائب کا شکار سوڈان کے لوگوں کی اسی طرح مدد کرے جس طرح سوڈان نے ماضی میں اپنے ہمسایوں کا ساتھ دیا تھا۔
ایتھوپیا کے دارالحکومت ادیس ابابا میں افریقن یونین کے زیراہتمام سوڈان کے لوگوں کے لیے اعلیٰ سطحی امدادی کانفرنس سے خطاب کرتے ہوئے انہوں نے کہا کہ ملک کے لوگوں کو بحران سے نکالنے کے لیے فوری طور پر مزید اقدامات کی ضرورت ہے۔
ماضی میں سوڈان نے اریٹریا، چاڈ، جنوبی سوڈان اور بعض اوقات ایتھوپیا کو بھی مشکل حالات میں مدد فراہم کی تھی۔ آج سوڈان کو مدد کی ضرورت ہے اور ناصرف خطے کے ممالک بلکہ پوری دنیا کو ان کا ساتھ دینا ہو گا۔سیکرٹری جنرل نے کہا کہ اقوام متحدہ رواں سال سوڈان کے لیے انسانی امداد اور پناہ گزینوں کی مدد کے منصوبے شروع کرے گا۔
(جاری ہے)
چھ ارب ڈالر مالیت کے ان منصوبوں سے اندرون و بیرون ملک دو کروڑ 60 لاکھ لوگ مستفید ہوں گے۔
جنگ بندی ضروریانتونیو گوتیرش کا کہنا تھا کہ سوڈان بہت بڑے بحران اور وحشیانہ جنگ کی لپیٹ میں ہے۔ یہ بحران پورے خطے میں پھیل رہا ہے اور افریقن یونین سمیت عالمی برادری کو اس سے نمٹنے پر متواتر اور فوری توجہ دینا ہو گی۔
انہوں نے شہریوں بشمول امدادی کارکنوں کے تحفظ کی ضرورت پر زور دیتے ہوئے کہا کہ ملک کے ایسے تمام علاقوں میں انسانی امداد کی تیزرفتار، محفوظ، بلارکاوٹ اور پائیدار فراہمی یقینی بنانا ہو گی جہاں لوگوں کو اس کی ضرورت ہے۔
متحارب فریقین کو بیرون ملک سے مدد اور اسلحے کی فراہمی روکنا ہو گی تاکہ بڑے پیمانے پر شہری تباہی اور خونریزی کا سلسلہ بند ہو سکے۔سیکرٹری جنرل نے کہا کہ سوڈان کے لوگوں کو فوری جنگ بندی اور تحفظ درکار ہے۔ ملک کے لیے ان کے ذاتی نمائندے رمتان لامامرا ان مقاصد کے حصول کے لیے فریقین سے رابطے میں ہیں اور جدہ اعلامیے پر مکمل عملدرآمد ممکن بنانے کی کوشش کر رہے ہیں۔
خطاب کے آخر میں انہوں نے کانفرنس کے شرکا کو مخاطب کرتے ہوئے کہا کہ رمضان کا مقدس مہینہ آنے کو ہے۔ امن، ہمدردی، فیاضی اور یکجہتی کے اس بابرکت موقع پر وہ اپنے اثرورسوخ سے کام لیتے ہوئے اچھائی کے لیے کوشش کریں، سوڈان کو فیاضانہ مدد فراہم کریں، بین الاقوامی قانون کا احترام اور پائیدار امن یقینی بنانے کے لیے مدد دیں جس کی وہاں کے لوگوں کو اشد ضرورت ہے۔
.ذریعہ: UrduPoint
کلیدی لفظ: تلاش کیجئے سوڈان کے لوگوں کو کے لوگوں کی ضرورت ضرورت ہے کے لیے کہا کہ
پڑھیں:
ہانیہ عامر کی تصاویر پر سوشل میڈیا پر ہلچل، تنقید کا سلسلہ جاری
لاہور:پاکستان کی خوبصورت اداکارہ ہانیہ عامر، جو اپنے ڈرامے "کبھی میں کبھی تم” کی بدولت عالمی شہرت کی حامل ہیں، حالیہ فوٹو شوٹ کی وجہ سے سوشل میڈیا پر شدید تنقید کا شکار ہو گئیں۔
اداکارہ نے اپنی سالگرہ کے موقع پر ایک بولڈ فوٹو شوٹ کروایا، جس میں وہ پانی میں ایک مرمیڈ کے انداز میں نظر آئیں۔ ہانیہ کا یہ جرات مندانہ انداز ان کے مداحوں کو پسند نہیں آیا اور سوشل میڈیا پر انہیں سخت تنقید کا سامنا کرنا پڑا۔
ان تصاویر میں ہانیہ عامر سوئمنگ پول میں چمکدار پلاسٹک کے لباس میں نظر آئیں، جس سے ان کا جسم واضح طور پر جھلک رہا تھا۔ کئی سوشل میڈیا صارفین نے ان کے اس فوٹو شوٹ کو اخلاقی حدود کے خلاف قرار دیتے ہوئے کہا کہ ہانیہ کو اپنی پوسٹ ہٹا دینی چاہیے۔
کچھ نے یہ بھی کہا کہ ہانیہ کا یہ انداز ممکنہ طور پر بالی ووڈ ڈیبیو کے لیے سستی پبلسٹی حاصل کرنے کا ایک طریقہ ہو سکتا ہے۔
ترک صدر رجب طیب اردوان 2 روزہ دورہ پر 12 فروری کو پاکستان پہنچیں گے