محمد حفیظ کی بابر اعظم کو بطور اوپنر کھلانے کی مخالفت
اشاعت کی تاریخ: 15th, February 2025 GMT
قومی ٹیم کے سابق کپتان اور ڈائریکٹر محمد حفیظ نے چیمپئنز ٹرافی میں بابر اعظم کو اوپننگ کرانے کے فیصلے کی مخالفت کرتے ہوئے انہیں نمبر تین پر کھلانے کا مشورہ دیا ہے سہ ملکی سیریز میں پاکستان نے تین میچز کھیلے جن میں بابر اعظم نے فخر زمان کے ساتھ اوپننگ کی تاہم وہ نمایاں کارکردگی نہ دکھا سکے انہوں نے اپنی تین اننگز میں بالترتیب 10، 23 اور 29 رنز اسکور کیے چیمپئنز ٹرافی اسکواڈ کے اعلان کے وقت سلیکشن کمیٹی نے انجرڈ صائم ایوب کی عدم دستیابی کے باعث اوپننگ کے لیے بابر اعظم یا سعود شکیل کو موقع دینے کا عندیہ دیا تھا جس کے بعد سہ ملکی سیریز میں بابر کو بطور اوپنر آزمایا گیا تاہم محمد حفیظ کا ماننا ہے کہ بابر کی حالیہ فارم کو دیکھتے ہوئے انہیں نمبر تین پر کھلایا جانا چاہیے انہوں نے تجویز دی کہ عبداللہ شفیق امام الحق یا شان مسعود میں سے کسی کو فخر زمان کے ساتھ اوپننگ کا موقع دیا جائے تاکہ ٹیم کے لیے چیزیں آسان بن سکیں چیمپئنز ٹرافی کا آغاز 19 فروری کو پاکستان اور نیوزی لینڈ کے درمیان میچ سے ہوگا جبکہ ایونٹ کا فائنل 9 مارچ کو کھیلا جائے گا
.ذریعہ: Nawaiwaqt
پڑھیں:
جسٹس سردار سرفراز ڈوگر قائم مقام چیف جسٹس اسلام آباد ہائی کورٹ تعینات
اسلام آباد: وزارت قانون و انصاف نے ہائی کورٹس کے قائم مقام چیف جسٹس کا نوٹی فکیشن جاری کر دیا، جس کے مطابق جسٹس سردار سرفراز ڈوگر قائم مقام چیف جسٹس اسلام آباد ہائی کورٹ تعینات کر دیا گیا۔
جاری نوٹی فکیشن کے مطابق جسٹس محمد اعجاز سواتی کی بطور قائم مقام چیف جسٹس بلوچستان ہائی کورٹ، جسٹس جنید غفار کی بطور قائم مقام چیف جسٹس سندھ ہائی کورٹ تعینات کیا گیا ہے۔ اسی طرح جسٹس سردار محمد سرفراز ڈوگر کی بطور قائم مقام چیف جسٹس اسلام آباد ہائی کورٹ، جسٹس ایس ایم عتیق شاہ کی بطور قائم مقام چیف جسٹس پشاور ہائی کورٹ تعیناتی کا نوٹی فکیشن جاری کیا گیا ہے۔
وزارت قانون و انصاف نے جسٹس میاں گل حسن اورنگزیب کے سپریم کورٹ کے بطور ایکٹنگ جج کی تعیناتی کا نوٹیفکیشن بھی جاری کر دیا۔
واضح رہے کہ یکم فروری کو لاہور، سندھ اور بلوچستان ہائی کورٹ سے ایک، ایک جج کا تبادلہ اسلام آباد ہائی کورٹ میں کر دیا گیا تھا۔
جسٹس سردار محمد سرفراز ڈوگر کا لاہور ہائی کورٹ، جسٹس خادم حسین سومرو کا سندھ ہائی کورٹ اور جسٹس محمد آصف کا تبادلہ بلوچستان ہائی کورٹ سے اسلام آباد ہائی کورٹ میں کیا گیا تھا۔
واضح رہے کہ لاہور ہائیکورٹ کی ویب سائٹ کے مطابق جسٹس سردار محمد سرفراز ڈوگر لاہور ہائیکورٹ کے 15ویں سینئر جج تھے، جن کی تقرری 8 جون 2015 کو کی گئی تھی جبکہ وہ 62 سال کی عمر میں وہ 2 جولائی 2030 کو ریٹائر ہوں گے۔
نریندر مودی اے آئی کانفرنس میں شرکت کے لیے پیرس پہنچ گئے