UrduPoint:
2025-02-15@19:28:06 GMT
اسکاٹ لینڈ کی مسجد کو 40 سال بعد بڑا درجہ مل گیا
اشاعت کی تاریخ: 15th, February 2025 GMT
ایڈنبرگ(اُردو پوائنٹ اخبارتازہ ترین - این این آئی۔ 15 فروری2025ء)اسکاٹ لینڈ میں قائم 40 سال سے قائم گلاسگو سینٹرل مسجد کو کیٹیگری اے لسٹڈ بلڈنگ کا درجہ دے دیا گیا ہے۔برطانوی نشریاتی ادارے کی رپورٹ کے مطابق ایچ ای ایس اسکاٹ لینڈ کے اس تاریخی فیصلے کے بعد یہ اسکاٹ لینڈ کی پہلی مسجد بن گئی ہے جسے یہ اعزاز حاصل ہوا ہے۔
(جاری ہے)
مذکورہ مسجد 1984 میں تعمیر کی گئی تھی اور اسے اب اسکاٹ لینڈ کی تاریخی اور ثقافتی اہمیت کی حامل عمارتوں میں شامل کر لیا گیا ہے۔
اس اقدام کا مطلب ہے کہ اب اس عمارت کو خصوصی تحفظ حاصل ہوگا اور اس میں کسی قسم کی تبدیلیاں کرنے کے لیے سخت قواعد و ضوابط پر عمل کرنا ہوگا۔رپورٹ کے مطابق چار ایکڑ (1.62 ہیکٹر) پر محیط جگہ 1984 میں عوام کے لیے کھولی گئی، جس پر 3 ملین یورو کی لاگت آئی تھی، یہ گلاسگو میں بنائی جانے والی پہلی خاص طور پر تعمیر شدہ مسجد تھی۔اس کا فن تعمیر اسلامی اور جدید طرز کا حسین امتزاج پیش کرتا ہے، جس کی وجہ سے یہ شہر کی پہچان بن چکی ہے۔
ذریعہ: UrduPoint
کلیدی لفظ: تلاش کیجئے اسکاٹ لینڈ
پڑھیں:
نریندر مودی اے آئی کانفرنس میں شرکت کے لیے پیرس پہنچ گئے