لاہور میں پھولوں اور آرائش گل کے مقابلے، سینئر وزیر مریم اورنگزیب نے افتتاح کیا
اشاعت کی تاریخ: 15th, February 2025 GMT
لاہور(نیوز ڈیسک)لاہور میں برف باری اور رنگ برنگے پھولوں کی بہار، ہارس اینڈ کیٹل شو کے تحت زندہ دلان لاہور کی زندہ دلی عروج پر پہنچ گئی، صوفی میوزک نے غیرملکی مہمانوں کو نہال کر دیا۔ وزیراعلی پنجاب مریم نوازشریف کی ہدایت پر لاہور کے 9 مقامات پر پھولوں اور آرائش گل کے مقابلوں کا انعقاد کیا گیا،نیزہ بازی اور تیراندازی کے بعد بین الاقوامی ٹیموں نے آرائش گل اور پھولوں کی نمائش کی، ٹیموں کی مہارت دیکھ کر شہری حیران رہ گئے۔ 50 ہزار گملے، لاکھوں پھولوں سے لاہور میں خوشبوؤں اور رنگوں کی برسات دیکھ کر شہریوں نے وزیراعلی پنجاب مریم نواز شریف کو خراج تحسین پیش کیا۔ پنجاب کی سینئر وزیر مریم اورنگزیب نےپھولوں کی نمائش، کھانے کے سٹالز کا افتتاح کیا، اس موقع پر شہریوں نے ان سے ملاقات کی، سینئر وزیر سے سیلفی لینے والوں کی قطاریں لگ گئیں۔ دوسری طرف جانوروں کے مجسموں نے بچوں کے ساتھ بڑوں کو بھی امتحان میں ڈال دیاجو فنکاروں کے فن کی داددیئے بغیر نہ رہ سکے، نمائش میں خواتین، بچوں، نوجوانوں اور فیملیز نے بڑی تعداد میں شرکت کی، علاقائی موسیقی، ڈھول کی تھاپ پر فنکاروں کے ساتھ شہری بھی جھومتے رہے۔
.ذریعہ: Daily Mumtaz
پڑھیں:
حکومت تعلیمی معیاربہتر بنانے کیلئے ہر ممکن اقدامات کر رہی ہے،خواجہ سلمان رفیق
لاہور (اُردو پوائنٹ اخبارتازہ ترین - اے پی پی۔ 12 اپریل2025ء) صوبائی وزیر صحت خواجہ سلمان رفیق نے کہا ہے کہ حکومت پنجاب طبی تعلیم کے معیار کو بہتر بنانے کے لئے ہر ممکن اقدامات کر رہی ہے۔ ان خیالات کا اظہار انہوں نے سنٹرل پارک میڈیکل کالج کے دوسرے کانووکیشن میں بطور مہمان خصوصی شرکت کے موقع پر کیا۔اس موقع پر صوبائی وزیر کھیل و لیبر فیصل ایوب کھوکھر بھی موجود تھے۔کانووکیشن میں میاں طاہر جاوید چئیر مین بورڈ آف ٹرسٹی، ڈاکٹر محمد عباس کنٹرولر آف ایگزامینیشن یونیورسٹی آف ہیلتھ سائنسز، پروفیسر آصف عباس نقوی، پروفیسر محمد عامر میاں پرنسپل سنٹرل پارک میڈیکل کالج، گریجویٹ، والدین اور طلبا و طالبات کی کثیر تعداد نے شرکت کی۔کانووکیشن میں سنٹرل پارک میڈیکل کالج کے 6 ایم بی بی ایس بیچ 2017-2023 کے 600 میں سے 173 کو ڈگریاں دی گئیں۔(جاری ہے)
صوبائی وزیر محکمہ سپیشلائزڈ ہیلتھ کیئر اینڈ میڈیکل ایجوکیشن نے کہاکہ تمام کامیاب ہونے والے طلبا و طالبات اور ان کے والدین کو مبارکباد پیش کرتا ہوں، وزیر اعلی پنجاب مریم نواز کے ویژن کے مطابق میڈیکل ایجوکیشن کو پروموٹ کر رہے اور شعبہ صحت میں نوجوان ڈاکٹروں کے کردار کو سراہتے ہیں۔انہوں نے کہاکہ حکومت پنجاب طبی تعلیم کے معیار کو بہتر بنانے کے لئے ہر ممکن اقدامات کر رہی ہے، عوام تک صحت کی بہترین سہولیات کی فراہمی ریاست کی بنیادی ذمہ داری ہے، اللہ تعالی نے ڈاکٹرز کو ہسپتالوں میں دکھی انسانیت کی خدمت کا نادر موقع فراہم کیا ہے۔ خواجہ سلمان رفیق نے کہاکہ لاہور میں ایشیاء کا سب سے بڑا نواز شریف انسٹی ٹیوٹ آف کینسر ٹریٹمنٹ اینڈ ریسرچ بنایا جا رہا ہے، لاہور وسرگودھا میں بھی اسٹیٹ آف دی آرٹ نواز شریف انسٹیٹیوٹس آف کارڈیالوجی بنائے جا رہے ہیں۔انہوں نے کہا کہ پنجاب کی سرکاری طبی درسگاہوں میں جدید ریسرچ کو فروغ اورنجی طبی تعلیمی اداروں میں بھی ایجوکیشن کا معیار بہتر ہوتا جا رہا ہے۔
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق