پاکستان نیشنل ہارٹ ایسوسی ایشن (پناہ) کے وفد کی اسپیکر قومی اسمبلی سے ملاقات
اشاعت کی تاریخ: 15th, February 2025 GMT
اسلام آباد(نیوز ڈیسک) پاکستان نیشنل ہارٹ ایسوسی ایشن (پناہ) کے صدر میجر جنرل (ریٹائرڈ) مسعود الرحمن کیانی کی قیادت میں پناہ کے وفد نے آج پارلیمنٹ ہاؤس کا دورہ کیا اور اسپیکر قومی اسمبلی سردار ایاز صادق سے ان کے چیمبر میں ملاقات کی۔وفد کے سربراہ میجر جنرل (ریٹائرڈ) مسعود الرحمن کیانی نے اسپیکر کو عوام میں امراضِ قلب کے پھیلاؤ اور ان سے پیدا ہونے والے خطرات کے بارے میں آگاہ کیا۔ انہوں نے معاشی اور معاشرتی مسائل کو ان بیماریوں کی بڑی وجوہات قرار دیتے ہوئے کہا کہ ملک کی آبادی کا ایک بڑا حصہ ان امراض سے متاثر ہو رہا ہے۔
اس موقع پر اسپیکر قومی اسمبلی سردار ایاز صادق نے دل کی بیماریوں کی روک تھام کے لیے عوام میں صحت مند طرزِ زندگی کو فروغ دینے کی اہمیت پر زور دیا۔ انہوں نے کہا کہ غیر متوازن غذا اور غیر صحت بخش طرزِ زندگی امراضِ قلب سمیت دیگر بیماریوں کے پھیلاؤ میں اہم کردار ادا کر رہے ہیں، جن کی روک تھام کے لیے آگاہی مہم ضروری ہے۔
پناہ کے وفد نے بریفنگ کے دوران بتایا کہ صرف ذیابیطس کے علاج پر خرچ ہونے والی رقم عالمی مالیاتی ادارے (آئی ایم ایف) کی ایک قسط سے دوگنا ہے، جو اس مسئلے کی سنگینی کو ظاہر کرتا ہے۔ وفد نے صحت مند معاشرے کے قیام کے لیے فوری اقدامات کی ضرورت پر زور دیا۔
اسپیکر قومی اسمبلی سردار ایاز صادق نے اس موقع پر یقین دہانی کرائی کہ وہ ان امراض کی روک تھام کے لیے قانون سازی کے حوالے سے تمام پارلیمانی جماعتوں سے مشاورت کریں گے۔ انہوں نے کہا کہ عوامی بھلائی کی قانون سازی کے لیے اتفاقِ رائے پیدا کیا جائے گا تاکہ صحت مند معاشرے کی تشکیل میں معاونت ہو سکے۔
وفد میں پناہ کے سیکریٹری جنرل ثناء اللہ گھمن، نائب صدور ڈاکٹر قیوم، کرنل شکیل مرزا، افشاں تحسین باجوہ، کمشنر عبدالحفیظ، غلام عباس اور دیگر نمایاں شخصیات شامل تھیں۔
.ذریعہ: Daily Mumtaz
کلیدی لفظ: اسپیکر قومی اسمبلی کے لیے
پڑھیں:
محمود اچکزئی کا قومی اسمبلی کی کمیٹیوں سے مستعفی ہونے کا اعلان
محمود خان اچکزئی : فوٹو فائلاپوزیشن رہنما محمود خان اچکزئی نے قومی اسمبلی کی کمیٹیوں سے مستعفی ہونے کا اعلان کردیا۔
پارلیمنٹ ہاؤس میں میڈیا سے گفتگو کرتے ہوئے محمود خان اچکزئی نے اسپیکر قومی اسمبلی ایاز صادق پر تنقید کرتے ہوئے کہا کہ اسپیکر نے بے ایمانی کی۔
محمود خان اچکزئی نے کہا کہ اسمبلی میں بیرسٹر گوہر جیسے شریف آدمی کو بولنے کا موقع نہیں دیا اور شیر افضل مروت کو بات کرنے کی اجازت دے دی کہ وہ اپنی پارٹی کے خلاف بولیں گے۔
انہوں نے کہا کہ ہم بچے نہیں، بڑے کھلاڑی ہیں، گندی مچھلی کو گدلے پانی میں بھی پہچان لیتے ہیں۔
بانی پی ٹی آئی کے آرمی چیف کولکھے خط کا جواب آئے گا یا نہیں کچھ نہیں کہہ سکتا