چیمپئینز ٹرافی سے قبل احمد شہزاد نے محمد رضوان پر بڑا الزام عائد کردیا
اشاعت کی تاریخ: 15th, February 2025 GMT
قومی ٹیم کے اوپنر احمد شہزاد نے سہ ملکی سیریز کے فائنل میں نیوزی لینڈ کے ہاتھوں شکست پر قومی ٹیم کے کپتان محمد رضوان پر بچگانہ فیصلے کرنے کا الزام عائد کردیا۔
گزشتہ روز نیشنل اسٹیڈیم کراچی میں کھیلے گئے سہ ملکی سیریز کے فائنل میں نیوزی لینڈ نے پاکستان کو 5 وکٹوں سے شکست دیکر ٹرافی اپنے نام کی تھی، پہلے بیٹنگ کرتے ہوئے گرین شرٹس کی ٹیم مقررہ 50 اووز میں 242 رنز بناکر آل آؤٹ ہوگئی تھی۔
مہمان نیوزی لینڈ نے 45.
مزید پڑھیں: سابق کپتان نے بابراعظم سے اوپننگ کروانے کی مخالفت کردی
میچ کے اختتام پر اپنے یوٹیوب چینل پر احمد شہزاد نے محمد رضوان کی کپتانی پر سوال اٹھایا اور انہیں کڑی تنقید کا نشانہ بتاتے ہوئے فیصلوں کو بچگانہ قرار دیا۔
انکا کہنا تھا کہ ٹاس جیت کر پہلے بیٹنگ کا فیصلہ سمجھ سے باہر تھا کیونکہ کراچی میں پچ رات کے وقت زیادہ موثر ثابت ہوتی ہے جبکہ بالرز کو گیند پر گرفت میں مشکلات پیش آتی ہیں۔
مزید پڑھیں: نیوزی لینڈ نے پاکستان کو شکست دیکر سہ ملکی سیریز کا ٹائٹل اپنے نام کرلیا
احمد زہاد کا کہنا تھا کہ آپ میچوں میں بہت سی غلطیاں کررہے ہیں، کیچز ڈراپ کررہے ہیں اور بالنگ میں جان لگ نہیں رہی تو میچ کیسے جیتیں گے۔
مزید پڑھیں: بابراعظم کی انگلش کمزور ہے، بات چیت میں مشکل ہوتی تھی، ہرشل گبز
واضح رہے کہ چیمپئینز ٹرافی کا آغاز 19 فروری سے ہوگا اور گرین شرٹس کو اپنے پہلے میچ میں نیوزی لینڈ کا چیلنج درپیش ہوگا جبکہ ایونٹ کا فائنل 9 مارچ کو کھیلا جائے گا۔
ذریعہ: Express News
کلیدی لفظ: نیوزی لینڈ
پڑھیں:
تین ملکی سیریز کا فائنل, پاکستان کی نیوزی لینڈ کیخلاف بیٹنگ جاری
تین ملکی سیریز پاکستان اور نیوزی لینڈ کے درمیان کھیلے جانے والے تین ملکی سیریز کے فائنل میں پاکستان کی بیٹنگ مشکلات کا شکار ہو گئی ، پاکستان کی3 وکٹیں 54 رنز پر ہی گر گئیں۔ کراچی میں کھیلے جانے والے میچ میں پاکستان کی پہلی وکٹ 16 رنز پر گری ، فخرزمان 10 رنز بنا کر آؤٹ ہو ئے , دوسری وکٹ 46 رنز پر گری ،سعود شکیل 8 رنز بنا کر بریسویل کا شکار بنے، پاکستان کی تیسری وکٹ 54 رنز گری ،بابر اعظم 29 رنز بنا باؤلر کو ہی کیچ دے بیٹھے۔ پاکستان کی چوتھی وکٹ 142 رنز پر گر ی، محمد رضوان46 رنز بنا کر آؤ ٹ ہو ئے۔ پاکستان نے ابتک 32 اوورز میں 142 رنز بنا لئے۔ اس سے پہلے پاکستان نے نیوزی لینڈ کےخلاف ٹاس جیت کر پہلے بیٹنگ کا فیصلہ کیا ۔ کراچی کے نیشنل بینک کرکٹ ایرینا میں ٹاس کے بعد گفتگو کرتے ہوئے پاکستان کرکٹ ٹیم کے کپتان محمد رضوان نے کہا کہ پِچ بیٹنگ کے لیے سازگار لگ رہی ہے اس لیے پہلے بیٹنگ کا فیصلہ کیا۔ محمد رضوان نے بتایا کہ فائنل میچ کے لیے ٹیم میں ایک تبدیلی کی ہے، محمد حسنین کی جگہ فہیم اشرف کو شامل کیا گیا ہے، آج نیا دن ہے، ٹرافی اپنے نام کریں گے۔ بعدازاں نیوزی لینڈ کرکٹ ٹیم کے کپتان مچل سینٹنر نے کہا کہ ٹیم میں 2 تبدیلیاں کی ہیں۔ میٹ ہنری اور بین سیئرز کی جگہ جیکب ڈفی اور نیتھن سمتھ کو ٹیم میں شامل کیا گیا ہے۔ مچل سینٹنر نے کہا کہ آج پِچ پر گھاس کم نظر آ رہی ہے، ہائی اسکورنگ میچ ہوگا، وکٹ عمومی طور پر اچھی لگ رہی ہے، اچھی بولنگ کرانے کی کوشش کریں گے
سہ ملکی سیریز میں نیوزی لینڈ کی شاندار فتح، جنوبی افریقا کو شکست دے کر فائنل میں جگہ بنا لی