جامشورو،لعل شہباز قلندر ؒ کے عرس پر میڈیکل ایمرجنسی کا نفاذ
اشاعت کی تاریخ: 15th, February 2025 GMT
جامشورو(نمائندہ جسارت) سہون میں سندھ دھرتی کے عظیم صوفی بزرگ حضرت لعل شہباز قلندر ؒ کی سالانہ 773 ویں عرْس مبارک کے سلسلے میں سید عبداللہ شاہ انسٹیٹیوٹ آف میڈیکل سائنسز کے ڈائریکٹر ڈاکٹر معین الدین صدیقی نے انسٹی ٹیوٹ میں 22 فروری تک میڈیکل ایمرجنسی نافذ کر دی ہے۔ ڈاکٹر معین الدین صدیقی نے ڈاکٹرز، پیرامیڈیکل اسٹاف اور دیگر عملے کو الرٹ رہنے کی ہدایات جاری کر دی ہیں۔ اس سلسلے میں ڈائریکٹر سید عبداللہ شاہ انسٹیٹیوٹ آف میڈیکل سائنسز سہون ڈاکٹر معین الدین صدیقی نے کہا ہے کہ انسٹیٹیوٹ میں میلے کے موقع پر میڈیکل ایمرجنسی نافذ کی گئی ہے، اِس کے علاوہ50 بیڈز پر مشتمل ایمرجنسی وارڈ بنایا گیا ہے، جہاں 24 گھنٹے میڈیکل عملہ موجود رہے گا۔ اْنہوں نے کہا کہ انسٹی ٹیوٹ اور شہر کے مختلف مقامات پر 40 ایمبولینسز ہر وقت موجود رہیں گی، درگاہ حضرت لال شہبازقلندر کے قریب مفت فیلڈ اسپتال قائم کیا جائے گا،جہاں ہر طبیِ سہولت میسر ہو گی، جبکہ ڈائریا ٹریٹمنٹ کے لیے 20 بیڈز پر مشتمل الگ سینٹر بنایا گیا ہے، میلے کے موقع پر پولیو مہم بھی چلائی جائے گی۔ انہوں نے کہا کہ سید عبداللہ شاہ انسٹی ٹیوٹ آف میڈیکل سائنسز کے تمام عملے، ڈاکٹرز، پیرا میڈ یکل اِسٹاف کی چھٹیاں منسوخ کر دی گئی ہیں اور انہیں 24 گھنٹے اَلرٹ رکھا گیا ہے، میلے کے دوران آپریشن تھیٹر بھی کھلا رہے گا۔اْنہوں نے کہاجبکہ کسی بھی ایمرجنسی صورتحال سے نمٹنے کے لیے بلڈ ذخیرہ بھی موجود ہے، اِس کے علاوہ موبائل کلینکس بھی اَلرٹ رہیں گے، کسی بھی ایمرجنسی صورتحال سے نمٹنے کے لیے تمام تیاریاں مکمل کرلی گئی ہیں۔
.ذریعہ: Jasarat News
پڑھیں:
سمرقند اسٹیٹ میڈیکل یونیورسٹی میں سپورٹس فیسٹیول 2025 کا کامیاب آغاز
سمرقند (اردوپوائنٹ اخبار تازہ ترین۔14اپریل 2025) سمرقند اسٹیٹ میڈیکل یونیورسٹی میں آج ارسل ایجوکیشنل سروسز کے زیر اہتمام سپورٹس فیسٹیول 2025 کی افتتاحی تقریب منعقد ہوئی۔ یہ سالانہ کھیلوں کا میلہ جو بین الاقوامی طلبہ میں بے حد مقبول ہے، اس سال بھی پاکستان، ہندوستان، متحدہ عرب امارات اور بنگلہ دیش کے طلبہ کی بڑی تعداد اس میں حصہ لے رہی ہے ۔ سپورٹس فیسٹیول میں 7 قسم کے کھیلوں کے ٹورنامنٹس کا اہتمام کیا گیا ہے جن میں فٹبال، والی بال، کرکٹ، باسکٹ بال، ٹیبل ٹینس، بیڈمنٹن اور شطرنج شامل ہیں۔ لڑکے اور لڑکیوں دونوں کی ٹیمیں ان مقابلوں میں حصہ لے رہی ہیں۔ تقریب کے مہمان خصوصی ڈاکٹر صابر جان (ڈین، انٹرنیشنل فیکلٹی) اور ذبیح اللہ بلگن (سی ای او، ارسل ایجوکیشنل سروسز) تھے۔(جاری ہے)
ڈین آفس کے تمام عملے نے مسٹر اکبر کی قیادت میں اس پروگرام کی کامیابی کے لیے بھرپور معاونت کی۔
ڈاکٹر صابر جان نے اپنے خطاب میں کہا ہماری یونیورسٹی کا یہ فیسٹیول نہ صرف کھیلوں کی ثقافت کو فروغ دیتا ہے بلکہ بین الثقافتی ہم آہنگی کا بھی عمدہ پلیٹ فارم ہے۔ میں تمام طلبہ کو ان کی شرکت پر خراج تحسین پیش کرتا ہوں۔ یہ فیسٹیول ہمارے طلبہ کی جسمانی اور ذہنی صحت کے لیے انتہائی اہم ہے۔ ہماری کوشش ہے کہ ہمارے طلبہ صرف کتابوں تک محدود نہ رہیں بلکہ کھیلوں کے میدان میں بھی اپنی صلاحیتوں کا لوہا منوائیں۔ ذبیح اللہ بلگن نے اظہارِ تشکر کرتے ہوئے کہا یونیورسٹی انتظامیہ کی معاونت کے بغیر یہ پروگرام ممکن نہ تھا۔ ہماری کوشش ہے کہ طلبہ کو تعلیم کے ساتھ ساتھ صحت مند سرگرمیوں کا بھی موقع ملے۔ یہ فیسٹیول نہ صرف کھیلوں کا میلہ ہے بلکہ یہ مختلف ثقافتوں کے ملاپ کا بھی موقع فراہم کرتا ہے۔ میں تمام شرکاء کو ان کے جوش و جذبے کے لیے مبارکباد پیش کرتا ہوں۔اس موقع پر ثقافتی شو کا بھی اہتمام کیا گیا جس میں ازبک اور بین الاقوامی طلبہ نے اپنے روایتی رقص پیش کیے۔ فاتح ٹیموں کو ٹرافیز اور تعریفی سرٹیفیکیٹس سے نوازا جائے گا۔یہ فیسٹیول 28 مئی 2025 کو اپنی اختتامی تقریب کے ساتھ اختتام پذیر ہوگا۔ تمام مقابلے یونیورسٹی کے اولمپک سپورٹس کمپلیکس میں منعقد ہوں گے۔
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان