سیرین ڈیموکریٹک فورسز کردوں کی نمایندہ نہیں‘ وزیراعظم کردستان
اشاعت کی تاریخ: 15th, February 2025 GMT
بغداد (انٹرنیشنل ڈیسک) عراق کے نیم خودمختار علاقے کردستان کے وزیر اعظم مسرور بارزانی نے کہا ہے کہ شامی ڈیموکریٹک فورسز تمام کردوں کی نمائندگی نہیں کرتی ہیں۔ایک انٹرویو میں انہوں نے پڑوسی ملک شام میں سیاسی عمل میں کردوں کی شمولیت کی حمایت کا اعلان کیا۔ مسرور بارزانی نے اس بات پر بھی زور دیا کہ عراقی کردستان کے علاقے میں اسرائیل کی موجودگی کی کوئی حقیقت نہیں ہے۔ عراقی کردستان بین الاقوامی اتحادی افواج کی میزبانی کرنا چاہتا ہے۔ انہوں نے کردستان کے علاقے میں مزید سعودی کمپنیاں دیکھنے کی خواہش کا اظہار کیا اور کہا کہ انہیں بجٹ میں ان کا منصفانہ حصہ نہیں ملتا۔ جہاں تک بغداد کے ساتھ معاشی مسائل کا تعلق ہے تو انہوں نے کہا اس کی نوعیت سیاسی ہے۔ انہوں نے کہا کہ انہوں نے ابھی تک امریکی صدر ٹرمپ سے براہ راست کوئی بات نہیں کی ہے۔ انہوں نے تصدیق کی کہ سیرین ڈیموکریٹک فورسز کے ساتھ مذاکرات کے خاتمے کے حوالے سے گردش کرنے والی خبروں میں کوئی صداقت نہیں ہے۔ یاد رہے کہ گزشتہ ہفتے شام کے صدر احمد الشرع نے اس بات کی تصدیق کی تھی کہ ان کی افواج شام کی تمام سرزمین پر اپنی خودمختاری کو ایک ہی اتھارٹی کے تحت مسلط کریں گی۔
.ذریعہ: Jasarat News
کلیدی لفظ: انہوں نے
پڑھیں:
فورسز کی جنوبی وزیرستان میں کارروائی‘ 30دہشت گرد ہلاک
راولپنڈی (اے پی پی)جنوبی وزیرستان میں سیکورٹی فورسز کے آپریشن کے دوران 30دہشت گرد جہنم واصل ہوگئے،کامیاب آپریشن پرصدر اوروزیراعظم کا خراج تحسین ۔ آئی ایس پی آر کے مطابق دہشت گردوں کی موجودگی کی اطلاع پر جنوبی وزیرستان کے علاقے سراروغہ میں انفارمیشن بیسڈ آپریشن (آئی بی او) کیا گیا ۔ آپریشن کے دوران سیکورٹی فورسز نے مؤثر انداز میں دہشت گردوں کو نشانہ بنایا گیا جس کے نتیجے میں 30خوارجی دہشت گرد مارے گئے ۔ علاقے میں کسی بھی دہشت گرد کے خاتمے کے لئے کلیئرنس آپریشن جاری ہے ۔آئی ایس پی آر کا کہنا ہے کہ سیکورٹی فورسز دہشت گردی کے مکمل خاتمے کے لیے پرعزم ہے ۔ علاوہ ازیں صدر مملکت آصف علی زرداری اور وزیراعظم شہباز شریف نے جنوبی وزیرستان میں کاروائی کے دوران 30دہشت گردوں کو جہنم واصل کرنے پر سیکورٹی فورسز کو خراج تحسین پیش کیا ہے۔ ایوان صدر اور وزیراعظم آفس کے پریس ونگ کے مطابق اپنے الگ الگ بیان میں صدر مملکت اور وزیراعظم نے جنوبی وزیرستان میں کامیاب کارروائی کے دوران 30خوارج کو جہنم واصل کرنے پر سیکورٹی فورسز کی بہادری کو سراہا۔ صدر مملکت آصف زرداری اور وزیراعظم شہباز شریف نے ملک سے فتنہ الخوارج کے مکمل خاتمے کے عزم کا اعادہ کرتے ہوئے کہا کہ سیکورٹی فورسز دہشت گردی کے عفریت کے خاتمے کے لیے کارروائیاں کر رہی ہیں،پوری قوم دہشت گردی کے خلاف متحد ہے ۔ انہوں نے کہا کہ دہشت گردی کے مکمل خاتمے تک فتنہ الخوارج کے خلاف کارروائیاں جاری رہیں گی۔
سیکیورٹی فورسز نے خیبر پختونخوا میں 5 مختلف کارروائیوں کے دوران 13 خوارج کو ہلاک کردیا