انڈیکس400پوائنٹس گھٹ کر 1لاکھ12ہزار پوائنٹس پر بند
اشاعت کی تاریخ: 15th, February 2025 GMT
کراچی (کامرس پورٹر)پاکستان اسٹاک ایکسچینج میں جمعہ کو کاروباری اتار چڑھاو کے بعد مندی پر کاروبار کااختتام ہوا ،کے ایس ای 100انڈیکس400پوائنٹس گھٹ کر 1لاکھ 12ہزار پوائنٹس کی سطح پر بند ہوا جبکہ سرمایہ کاروں کو 71ارب روپے سیز اید کا خسارہ برداشت کرنا پڑا اور 54.86فیصد حصص کی قیمتیں بھی گھٹ گئیں۔پاکستان اسٹاک ایکسچینج میں جمعہ کو کاروبار کے ابتدائی سیشن مثبت رجحان رہا کمرشل بینکنگ، فرٹیلائزر، تیل و گیس کی تلاش کرنے والی کمپنیوں، او ایم سیز اور ریفائنریز سمیت اہم شعبوں میں خریداری دیکھی گئی جس کے نتیجے میں کے ایس ای 100 انڈیکس 1لاکھ13ہزار482پوائنٹس کی سطح پر جا پہنچا تاہم دوسرے سیشن میں فروخت کے دباو سے مارکیٹ تنزلی کا شکار ہو گئی اور مارکیٹ منفی زون میں چلی گئی کے ایس ای 478پوائنٹس کی کمی سے 1لاکھ12ہزار85پوائنٹس پر بند ہوا اسی طرح 147پوائنٹس کی کمی سے 30انڈیکس34 ہزار 945پوائنٹس اور کے ایس ای آل شیئرز انڈیکس69ہزار944پوائنٹس سے گھٹ کر 69ہزار588پوائنٹس پر آگیا۔کاروباری مندی سے مارکیٹ کے سرمائے میں 71ارب 18 کروڑ48لاکھ3ہزار466روپے کی کمی واقع ہوئی جس کے نتییجے میں سرمائے کا مجموعی حجم 1392 2ارب88کروڑ 88لاکھ 23ہزار389روپے سے کم ہو کر 13851 ارب 70کروڑ40 لاکھ19ہزار 923روپے رہ گیا۔
.ذریعہ: Jasarat News
کلیدی لفظ: کے ایس ای
پڑھیں:
چین اور اسپین کےدرمیان شعبہ فلم میں وسیع تعاون
چین اور اسپین کےدرمیان شعبہ فلم میں وسیع تعاون WhatsAppFacebookTwitter 0 12 April, 2025 سب نیوز
بیجنگ : چین کے صدر شی جن پھنگ نے دورے پر آئے ہوئے ہسپانوی وزیر اعظم پیڈرو سانچیز سے ملاقات کی ۔ اس موقع پر شی جن پھنگ نے نشاندہی کی کہ چین اسپین کے ساتھ مزید جامع اسٹریٹجک شراکت داری قائم کرنے کے لئے تیار ہے تاکہ دونوں ممالک کے عوام کی فلاح و بہبود میں اضافہ ہو، چین اور یورپی یونین کے تعلقات کو تقویت ملے اور عالمی امن، استحکام اور ترقی کے فروغ میں زیادہ سے زیادہ کردار ادا کیا جا سکے۔ سانچیز نے کہا کہ چین یورپی یونین کا ایک اہم شراکت دار ہے ،
اسپین نے ہمیشہ یورپی یونین – چین تعلقات کی مستحکم ترقی کی حمایت کی ہے ، اور چین کے ساتھ اعلی سطح کے تبادلوں کو برقرار رکھنے اور تجارت ، سرمایہ کاری ، سائنسی اور تکنیکی جدت طرازی ، سبز توانائی اور دیگر شعبوں میں باہمی فائدہ مند تعاون کو گہرا کرنے کا خواہاں ہے۔ دورے کے دوران چین اور اسپین نے بیجنگ میں عوامی جمہوریہ چین کی نیشنل فلم ایڈمنسٹریشن اور اسپین کے فلم اینڈ آڈیو ویژول آرٹس بیورو کے درمیان فلم تعاون سے متعلق مفاہمت کی یادداشت پر بھی دستخط کیے۔ چین دنیا کی دوسری سب سے بڑی فلم مارکیٹ ہے، اور دنیا بھر کے سرمایہ کار اور پروڈیوسر چینی مارکیٹ کو مزید ترقی دینے کے خواہاں ہیں.
تاہم حالیہ دنوں امریکا کی جانب سے عائد کیے جانے والے اندھا دھند محصولات کی وجہ سے چین کی نیشنل فلم ایڈمنسٹریشن نے کہا ہے کہ وہ ‘امریکی فلموں کی درآمدات کی تعداد میں معتدل کمی کرے گا ۔فلم ،خدمات کی تجارت کی ایک شکل ہے. خدمات میں چین کے تجارتی خسارے کا سب سے بڑا ذریعہ امریکہ ہے۔ چین کی نیشنل فلم ایڈمنسٹریشن کی جانب سے امریکی فلموں کی درآمد میں کمی کا اشارہ جاری کیے جانے کے بعد روئٹرز نے ایک مضمون جاری کیا جس میں کہا گیا ہے کہ ‘ہالی ووڈ غیر معمولی طور پر گھبرایا ہوا ہے اور خدشہ ہے کہ بڑی چینی فلم مارکیٹ کے دروازے بند ہو جائیں گے۔ درحقیقت ، چین کے اعلی سطح کے کھلے پن کی ترقی کے ساتھ ، چینی مارکیٹ میں زیادہ سے زیادہ مواقع موجود ہیں۔ چین اور اسپین کے درمیان فلمی تعاون سے ظاہر ہوتا ہے کہ چین اپنے دروازے کھولنا جاری رکھے گا، کثیر الجہتی کو برقرار رکھنے، آزاد تجارت اور اقتصادی عالمگیریت کی حمایت کرنے کے لئے اسپین جیسے شراکت داروں کے ساتھ کام کرتا رہے گا، اور مساوی تعاون اور باہمی فائدے کے ذریعے دونوں اطراف کےلئے زیادہ سے زیادہ اور بہتر خدمات اور مصنوعات لائے گا، تاکہ حقیقی معنوں میں لوگوں کو فائدہ پہنچے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا