تبلیغی اجتماع کے راستوں پر صفائی کا فقدان ، جابجا کچرے کے ڈھیر
اشاعت کی تاریخ: 15th, February 2025 GMT
تبلیغی اجتماع گاہ کے قریب سڑک سے متصل کچرے کاڈھیر حکومتی صفائی مہم کاپول کھولنے کیلیے کافی ہے
کراچی (رپورٹ: منیر عقیل انصاری) صوبائی وزیر بلدیات تبلیغی اجتماع میں لاکھوں شہریوں کو صفائی کی سہولت فراہم کرنے میں ناکام رہے۔ سندھ حکومت کے زیرِ نگرانی کام کرنے والی سندھ سولڈ ویسٹ مینجمنٹ ضلع غربی کی انتظامیہ اورنگی ٹاؤن میں تبلیغی اجتماع کے موقع پر صفائی ستھرائی کے انتظامات کرنے میں بری طرح ناکام رہی۔قذافی چوک کے قریب موجود کچرے کے ڈپنگ پوائنٹ کو صاف نہ کیا جاسکا، جبکہ اورنگی ٹاؤن کی سڑکیں، گراؤنڈز اور برساتی نالے کچرے سے بھرے ہوئے ہیں۔ اجتماع گاہ جانے والے سات راستوں کے اطراف بھی بڑے پیمانے پر گندگی پھیلی ہوئی ہے، جس سے مرے ہوئے جانوروں کی بدبو سے شدید تعفن پھیل چکا ہے اور اطراف کی مساجد اور رہائشی آبادی بھی متاثر ہو رہی ہے۔ تبلیغی اجتماع کے لاکھوں شرکا کو ان راستوں سے گزرنے میں شدید دشواری کا سامنا ہے۔
.ذریعہ: Jasarat News
کلیدی لفظ: تبلیغی اجتماع
پڑھیں:
فیروز خان رحیم پردیسی کے مُکے برداشت نہ کرسکے، پانچ منٹ میں ڈھیر
سوشل میڈیا اسٹار رحیم پردیسی نے پاکستانی اداکار فیروز خان کو باکسنگ میچ میں سخت مقابلے کے بعد 4-1 کے اسکور سے ہرا دیا۔ پانچ منٹ کے اس مقابلے میں دونوں فائٹرز نے بھرپور محنت کی، مگر ایک موقع پر فیروز خان کی توجہ ہٹ گئی، جس کا فائدہ رحیم پردیسی نے اٹھایا اور فتح اپنے نام کر لی۔ اگرچہ فیروز خان کے چہرے پر کچھ چوٹیں آئیں، لیکن میچ کے بعد دونوں نے ایک دوسرے کے ساتھ عزت و احترام کا مظاہرہ کیا، ہاتھ ملایا اور ایک دوسرے کی کارکردگی کی تعریف کی۔
معروف اداکار فیروز خان ایک بار پھر سرخیوں میں ہیں، لیکن اس بار وجہ ان کی اداکاری نہیں بلکہ پروفیشنل باکسنگ میں انٹری ہے۔ ڈرامہ سیریل ”اکھاڑا“ میں ایک باکسر کا کردار ادا کرنے کے بعد، اب وہ حقیقت میں رنگ میں اتر چکے ہیں۔
فیروز خان نے اپنے مداحوں کو انسٹاگرام اسٹوری کے ذریعے اس نئے سفر کی خبر دی، جہاں انہوں نے باکسنگ کے لیے اپنے جوش و جذبے اور مستقبل کے منصوبوں کا اظہار کیا۔
اپنی انسٹاگرام اسٹوری میں فیروز خان نے لکھا تھا، ’یہ میرا نیا گیم پلان ہے۔ میں اپنا باکسنگ کیریئر شروع کر رہا ہوں۔ میں چاہتا ہوں کہ لوگ فٹنس اور ٹریننگ پر توجہ دیں، اور یہ اقدام ان کھلاڑیوں کے لیے نئے دروازے کھولے گا جو کھیل کے میدان میں آگے بڑھنا چاہتے ہیں۔‘
فیروز نے مزید کہا کہ وہ چاہتے ہیں کہ لوگ فٹنس اور کھیل کو صرف شوق کے طور پر نہ دیکھیں بلکہ ایک سنجیدہ کیریئر آپشن کے طور پر اپنائیں۔ ان کا کہنا تھا کہ یہ فیصلہ ذاتی طور پر بھی اہم ہے اور نوجوانوں کو کھیل کے میدان میں آنے کی ترغیب دینے کے لیے بھی۔
فیروز خان کا پہلا مقابلہ یو اے ای میں مقیم معروف کامیڈین اور سوشل میڈیا کانٹینٹ کریئیٹر رحیم پردیسی سے تھا۔ رحیم، جو اپنے مزاحیہ مواد کی وجہ سے مشہور ہیں، انہوں نے فیروز خان کو باکسنگ میچ کا چیلنج دیا تھا۔
رحیم کے چیلنج کے جواب میں فیروز خان نے پُراعتماد انداز میں کہا تھا، ’رحیم، میں نے تمہاری کال آؤٹ ویڈیو دیکھی، مگر یاد رکھو، جو بھی میرے سامنے آیا ہے، اسے میرا اندازہ ہو گیا ہوگا۔ تمہیں اپنی مہارت بڑھانی ہوگی کیونکہ میں بہت تیز ہوں!‘
فیروز خان کے اداکاری سے باکسنگ میں منتقلی پر مداحوں نے ملے جلے ردعمل کا اظہار کیا ہے۔ کچھ ان کے اس فیصلے سے بے حد خوش ہیں اور اس نئے چیلنج کو ایک مثبت قدم سمجھ رہے ہیں، جبکہ کچھ مداح ان کے اس غیر متوقع فیصلے پر حیران ہیں۔
دلچسپ بات یہ ہے کہ فیروز خان نے باکسنگ میں دلچسپی کافی پہلے ظاہر کی تھی۔ 2021 کے ایک انٹرویو میں انہوں نے بتایا تھا کہ جب انہوں نے اداکاری شروع کی تھی تو ان کے دوستوں نے ان کا مذاق اڑایا تھا، اور اب باکسنگ کے خواب پر بھی ایسا ہی کر رہے ہیں۔
اب وہ ثابت کر رہے ہیں کہ وہ باکسنگ کو سنجیدگی سے لے رہے ہیں اور پروفیشنل لیول پر اس میں کامیابی حاصل کرنا چاہتے ہیں۔
اب دیکھنا یہ ہے کہ کیا فیروز خان کا باکسنگ کیریئر بھی ان کی اداکاری کی طرح کامیاب ہوتا ہے یا نہیں، لیکن ایک بات طے ہے: وہ اس نئے چیلنج کا سامنا کرنے کے لیے پوری طرح تیار ہیں۔
آصف علی زرداری اور وزیراعظم شہباز شریف کیلئے صدر اردوان کے تحائف