طالبان کا کارنامہ:جدید سہولیات سے آراستہ تجارتی عمارت کا افتتاح
اشاعت کی تاریخ: 15th, February 2025 GMT
کابل (مانیٹرنگ ڈیسک) طالبان حکومت نے کابل کے وسط میں9 منزلہ تجارتی مرکز کا افتتاح کردیا۔ افغان میڈیا کے مطابق دہائیوں سے جنگ زدہ کابل میں تجارتی، معاشی اور اقتصادی سرگرمیوں کا آغاز ہوگیا۔ طالبان حکومت نے 3 سال سے بھی کم وقت میں کثیر المنزلہ کمرشل بلڈنگ بنا کر سب کو حیران کردیا۔ 34 ملین ڈالر کی لاگت سے تیار کیے گئے تجارتی مرکز میں 1300 سے زاید دکانیں ہیں‘ 1,800 سے زاید گاڑیوں
کی پارکنگ کی گنجائش ہے اور ایک بڑی مسجد بھی ہے۔ طالبان حکام نے بتایا کہ اس منصوبے کے لیے زمین ریاست نے فراہم کی جب کہ اسے سن اسکائی گلوبل کمپنی نے تعمیر کیا۔ اس منصوبے سے حاصل ہونے والی آمدنی کا 30 فیصد طالبان حکام کو اور 70 فیصد سرمایہ کاروں کو دیا جائے گا۔طالبان وزیراعظم کے دفتر کے چیف آف اسٹاف عبدالوٰسی خادم نے کہا کہ اس تجارتی مرکز میں بینکوں، کرنسی ایکسچینج آفس اور دیگر کاروباری اداروں کے لیے مخصوص جگہیں بھی فراہم کی گئی ہیں۔
ذریعہ: Jasarat News
پڑھیں:
مکیش امبانی کے اس مہنگے ترین گھر کی خصوصیات آپ کو حیران کردیں گی!
ممبئی کی شاہراہ پر دور سے ہی نظر آنے والی فلک بوس 27 منزلہ شاندار عمارت ’’انٹیلیا‘‘ صرف ایک گھر نہیں بلکہ جدید تعمیراتی عجوبہ ہے جو مکیش امبانی کی دولت اور ذوق کی عکاسی کرتا ہے۔ 15,000 کروڑ بھارتی روپے سے زائد مالیت کی اس عمارت کی ہر ایک تفصیل حیرت انگیز ہے۔
انٹیلیا کی سب سے دلچسپ بات یہ ہے کہ اس میں ایک بھی عام ایئر کنڈیشنر نصب نہیں، پھر بھی ہر کمرہ برف کی طرح ٹھنڈا رہتا ہے۔ راز کیا ہے؟
دراصل یہاں جدید سینٹرل کولنگ سسٹم نصب ہے جو نہ صرف درجہ حرارت کو کنٹرول کرتا ہے بلکہ عمارت میں لگے قیمتی سنگ مرمر اور تازہ پھولوں کی حفاظت بھی کرتا ہے۔
اداکارہ شریا دھنونتری نے ایک بار اپنے انٹرویو میں بتایا تھا کہ جب انہوں نے کمرے کا درجہ حرارت بڑھانے کی درخواست کی تو انہیں بتایا گیا کہ یہ ممکن نہیں کیونکہ یہ سسٹم عمارت کے قیمتی مواد کےلیے مخصوص درجہ حرارت پر سیٹ ہے۔
اس شاہی گھر میں 3 ہیلی پیڈ، 6 منزلہ کار پارک، 50 سیٹوں والا پرائیویٹ سنیما، یوگا سینٹر، اسپا، مندر اور تو اور ایک ’’سنو روم‘‘ بھی موجود ہے جہاں دیواروں سے مصنوعی برف کے ذرات خارج ہوتے ہیں۔ ممبئی کی گرمی میں جب باہر درجہ حرارت 40 ڈگری ہو تو یہاں برف باری کا منظر دیکھ کر کوئی بھی حیران رہ جائے!
انٹیلیا کی تعمیر میں 6 سال لگے اور اس پر تقریباً 15,000 کروڑ بھارتی روپے کی لاگت آئی۔ اس کی دیکھ بھال کےلیے 600 ملازمین 24 گھنٹے کام کرتے ہیں۔ ماہانہ بجلی کا بل تقریباً 70 لاکھ بھارتی روپے آتا ہے جو پاکستانی روپوں میں سوا دو کروڑ روپے سے بھی زاید رقم ہے اور یہ ایک لگژری گاڑی کی قیمت سے بھی زیادہ ہے!
2010 میں تعمیر مکمل ہونے کے بعد امبانی خاندان نے ’واستو شاستر‘ کے اصولوں کے مطابق تبدیلیاں کرانے کے بعد 2011 میں اس میں رہائش اختیار کی۔ آج انٹیلیا نہ صرف ایک گھر بلکہ جدید ٹیکنالوجی اور شاہانہ طرز زندگی کی ایک جیتی جاگتی مثال ہے۔
نائب تحصیل دار کی گاڑی پر بارودی مواد کا دھماکہ