نیوزی لینڈ نے پاکستان کو 5 وکٹوں سے شکست دیکر سہ ملکی سیریز جیت لی
اشاعت کی تاریخ: 14th, February 2025 GMT
کراچی(سپورٹس ڈیسک)نیوزی لینڈ نے پاکستان کو 5 وکٹوں سے شکست دیکر سہ ملکی سیریز اپنے نام کرلی۔
پاکستان کے 243 رنز کا ہدف کیویز نے 46 ویں اوور میں 5 وکٹوں کے نقصان پر حاصل کرلیا۔
کراچی میں کھیلے گئے فائنل میں پاکستان نے ٹاس جیت کر بیٹنگ کا فیصلہ کیا۔ پاکستان کی جانب سے اننگز کا آغاز مایوس کن رہا اور فخر زمان 10 رنز بنا کر آؤٹ ہوگئے، اس کے بعد سعود شکیل 8 اور بابر اعظم 29 رنز بناکر پویلین لوٹے۔
رضوان اور سلمان نے ایک بار پھر ہاتھ دکھائے، رنز بڑھائے اور 88 رن کی شراکت لگائی تاہم کپتان 46 اور نائب کپتان 45 رنز بنا کر آؤٹ ہوئے۔
طیب طاہر نے بھی 38 رنز بنائے لیکن بعد میں آنے والے بھی اسکور کو 242 تک ہی پہنچا پائے۔
پوری ٹیم آخری اوور میں آؤٹ ہوگئی۔ نیوزی لینڈ کے ول او رو رک نے چار، بریس ویل اور سینٹنر کی دو دو وکٹیں حاصل کیں۔
نیوزی لینڈ کی اننگز
243 رنز کے ہدف کے تعاقب میں نیوزی لینڈ کا آغاز بھی اچھا نہ تھا اور دوسرے اوور میں ول ینگ 5 رنز بنا کر نسیم شاہ کا شکار بنے۔ اس کے بعد دوسری وکٹ پر کین ولیمسن اور کانوے نے ذم دارانہ بیٹنگ کی تاہم 76 کے مجموعی اسکور پر ولیمسن 34 رنز بناکر بولڈ ہوگئے۔ کانوے بھی 48 رنز بناکر یویلین لوٹ گئے۔
مچل اور لیتھم نے بھی شاندار اننگز کھیلیں اور ٹیم کی کامیابی میں اہم کردار ادا کیا۔
اس دوران ٹوم لیتھم کو دو اوورز میں دو چانس ملے، ابرار نے ٹوم لیتھم کو ایل بی ڈبلیو تو کیا لیکن ری ویو نہیں لیا، اس کے بعد اگلے ہی اوور میں شاہین لیتھم کا کیچ نہ کرسکے۔ مچل اور لیتھم بالترتیب 57 اور 56 رنز بنا کر آؤٹ ہوئے۔
نیوزی لینڈ نے 46 ویں اوور میں 5 وکٹوں کے نقصان پر ہدف حاصل کرلیا اور یوں سہ فریقی سیریز میں گرین شرٹس کو شکست دی۔
مزیدپڑھیں:سابق وزیر اعظم نواز شریف ترک صدر سے کیوں نہیں مل سکے؟
ذریعہ: Daily Ausaf
کلیدی لفظ: نیوزی لینڈ اوور میں
پڑھیں:
چیمپئنز ٹرافی :رنگا رنگ میلہ آج سے شروع‘ میدان سج گئے‘ فلائی پاسٹ پاکستان ‘ نیوزی لینڈ افتتاحی میچ میں مد مقابل
لاہور (سپورٹس رپورٹر) 8 سال بعد چیمپئنز ٹرافی کے نویں ایڈیشن کا میدان آج سے پاکستان میں سجے گا جو کہ 9مارچ تک جاری رہے گا۔ غیر ملکی ٹیمیں پاکستان پہنچ چکی ہیں۔ یہ 1996ء کے بعد پاکستان میں ہونے والا پہلا آئی سی سی ایونٹ ہوگا جبکہ یہ پہلا موقع ہے کہ پاکستان اس میگا ایونٹ کی میزبانی کررہا ہے۔ کراچی میں رنگا رنگ افتتاحی تقریب کی تیاریاں مکمل کر لی گئیں۔ نیشنل سٹیڈیم میں چیمپئنز ٹرافی کی افتتاحی تقریب کے دوران پاک فضائیہ کا شیردل سکوارڈن 5سال بعد کراچی کی فضائوں میں پیشہ ورانہ مہارت کا شاندارمظاہرہ پیش کرے گا۔ افتتاحی میچ میں میزبان گرین شرٹس اور نیوزی لینڈ کی ٹیمیں کراچی میں مد مقابل ہوں گی۔ میچ دن دو بجے شروع ہوگا۔ ٹیموں کو 2 گروپوں میں تقسیم کیا گیا ہے، ہر گروپ سے ٹاپ 2 ٹیمیں سیمی فائنل میں پہنچیں گی۔ گروپ اے میں پاکستان (میزبان)، بھارت، نیوزی لینڈ، بنگلہ دیش جبکہ گروپ بی میںآسٹریلیا، انگلینڈ، جنوبی افریقہ، افغانستان شامل ہیں۔ نیشنل سٹیڈیم میں چیمپئنز ٹرافی کی افتتاحی تقریب کے دوران پاک فضائیہ کا شیردل سکوارڈن 5سال بعد کراچی کی فضائوں میں پیشہ ورانہ تربیت کا شاندار مظاہرہ پیش کرے گا۔ قراقرم 8ساختہ طیاروں پر مشتمل ایروبیٹکس سکوارڈن شیردل پیچیدہ ترین منوورز (پیشہ ورانہ تربیت کے شاندار مظاہروں)کے دوران طیارے انتہائی خطرناک حد تک ایک دوسرے کے قریب سے گزریں گے۔ شیردل سکوارڈن افقی، عمودی، انتہائی نچلی سطح، تیز رفتاری سے بیک وقت کئی طیاروں کی متوازی سمت اڑان، الٹی پرواز سمیت کئی تربیتی مظاہرے پیش کریں گے۔ نیشنل سٹیڈیم میں چیمپئنز ٹرافی کی افتتاحی تقریب میں شیردل سکوارڈن کے علاوہ پاک فضائیہ کے جنگی بیڑے میں شامل پاکستانی ساختہ جے ایف 17تھنڈر کے اور ایف 16جنگی طیارے بھی پیشہ ورانہ تربیت کا مظاہرہ پیش کریں گے۔ قراقرم 8بیسک کم ایڈوانس پاکستانی ساختہ جیٹ ٹرینر ایئرکرافٹس ہیں، جو پی اے ایف اکیڈمی رسالپور میں نئے شامل ہونے والے پائلٹس کو بنیادی اورآپریشنل جیٹ ٹریننگ دینے کیلئے استعمال کیا جا رہا ہے۔ صدر مملکت آصف علی زرداری مہمان خصوصی ہوں گے۔ چیئرمین پی سی بی محسن نقوی کی زیر صدارت قذافی سٹیڈیم میں اجلاس ہوا جس میں چیمپئنز ٹرافی ٹورنامنٹ کی تیاریوں اور انتظامات کا تفصیلی جائزہ لیا گیا۔ محسن نقوی نے کہا کہ پاکستان چیمپئنز ٹرافی ٹورنامنٹ کیلئے پوری طرح تیار ہے۔ تمام ٹیموں کو بین الاقوامی معیار کی سہولتیں فراہم کی جائیں گی۔ سٹیڈیمز میں شائقین کیلئے ہر ممکن سہولتیں دیں گے۔ 29 برس بعد آئی سی سی ٹورنامنٹ کا انعقاد پاکستان کیلئے باعث افتخار ہے۔ ٹورنامنٹ کا شاندار انعقاد یقینی بنا کر پاکستان کی عزت بڑھائیں گے۔
کراچی: مبینہ مقابلے میں ایک ڈاکو زخمی حالت میں گرفتار