بانی نے خط میں معاشرے کے خلیج ختم کرنے کی بات کی ہے : بیرسٹر گوہر
اشاعت کی تاریخ: 14th, February 2025 GMT
چیئر مین پی ٹی آئی بیرسٹر گوہر نے بانی کے آرمی چیف کو لکھے گئے خط کے حوالے سے کہا کہ عمران خان نے خط میں معاشرے میں موجود خلیج ختم کرنے کی بات کی ہے۔ تفصیلات کے مطابق چیئرمین پی ٹی آئی بیرسٹر گوہر اور محمود خان اچکزئی نے پارلیمنٹ ہاؤس کے باہر پریس کانفرنس کی ہے۔ قومی اسمبلی اجلاس میں معمول کا احتجاج کیا گیا ، اسمبلی ارکان کو اظہار خیال کا موقع نہیں دیا جا رہا، پاکستان تحریک انصاف جیسے ہمیشہ احتجاج کرتی ہے لیکن آج ہم نے بات کیلئے پوائنٹ آف آرڈر مانگا لیکن ہمیں بولنے نہیں دیا گیا ،یہ حکومت ہر طرح سے ناکام ہو چکی ہے ،یہ لوگ فیصلہ کر لیں کہ جمہوریت چلنی ہے یا نہیں ،ہم نے ہر دفعہ کوشش کی کہ یہ ایوان چلے ، ہم آج شدید الفاظ میں مذمت کرتے ہیں کہ ہمیں بولنے نہیں دیا گیا۔ انہوں نے کہا پاکستان تحریک انصاف پھر مجبور ہو گی کہ مسائل کا کوئی اور حل نکالے ، 18 ملین لوگ 2022 میں غربت کی لکیر سے نیچے آئے ہیں، ملکی معیشت ویتنام کی معیشت سے بھی کم تر حالات پر ہے ۔ بیرسٹر گوہر نے مزید کہا کہ بانی پی ٹی آئی کا خط اوپن لیٹر تھا، بانی چیئرمین نے معاشرے میں موجود خلیج ختم کرنے کی بات کی، خان صاحب نے خط لکھے عوام کے مسائل کی طرف توجہ دلائی ۔ محمود خان اچکزئی نے کہا میں تو پہلے دن سے کہہ رہا ہوں کہ یہ جعلی پارلیمنٹ ہے ،پی ٹی آئی کا مینڈیٹ چرایا گیا ہے ،تاریخ میں کبھی بھی آئی ایم ایف کا وفد عدالت میں نہیں گیا ،ترکی میں آرمی چیف کا بہت رول تھا اور اردگان کو عہدے سے ہٹایا لیکن وہاں کی عوام نکلی اور آئین کا ساتھ دیا اور طیب اردگان کو دوبارہ عہدے پر پہنچایا ۔ انہوں نے کہا میں تمام کمیٹیوں سے استعفی دیتا ہوں جن کا حکومت حصہ ہے ،میرا دوست ہے اسپیکر نما " حوالدار " اس کے دفتر میں نہیں کب گیا ،ہمیں اپنی پارلیمنٹ کے باہر اپنا ایوان لگانا چاہئے ، اسد قیصر اسپیکر ہوں ہمارے ممبر سو سے زائد ہیں وہ ہوں اور عوام کو بتائیں کہ یہ اصل نمائندہ جماعت ہے ،میں تحریک انصاف سے بھی کہتا ہوں کہ یہ بھی حکومتی کمیٹیاں چھوڑ دیں ۔
.ذریعہ: Nawaiwaqt
پڑھیں:
کسی کو بھی ریاستی رٹ چیلنج کرنے کی ہرگزاجازت نہیں دیں گے، بلاول بھٹو
بانی پی ٹی آئی سے جمہوری رویے کی کوئی امید نہیں، ملک کی سیاست ، معیشت کو تباہ کر دیا
نوجوانوں کی سیاست سے مایوسی میں سب سے بڑا کردار بانی پی ٹی آئی کا ہے، چیئرمین
پاکستان پیپلزپارٹی کے چیئرمین اور سابق وزیر خارجہ بلاول بھٹو زرداری نے کہا ہے کہ کسی کو بھی ریاست کو چیلنج کرنے کی اجازت نہیں دیں گے۔میونخ سکیورٹی کانفرنس میں شرکت کے موقع پر میڈیا کے نمائندے سے غیررسمی بات چیت کرتے ہوئے بلاول بھٹو زرداری کا کہنا تھا کہ چیلنجز ہیں اور ہم چیلنجز سے نمٹ رہے ہیں، ماضی میں بھی ہم دہشت گردی کا مقابلہ کرتے ہوئے کامیاب ہوئے ہیں۔انہوں نے کہا کہ کسی کو بھی ریاست کو چیلنج کرنے کی اجازت نہیں دیں گے۔بلاول بھٹو زرداری کا مزید کہنا تھا کہ ہر پاکستانی کی طرح میں بھی اپنے ملک کی بہتری چاہتا ہوں، ہم آئی ٹی اور ڈیجیٹل دور کیلئے تیار نہیں ہیں، ہم اپنے بچوں اور نوجوانوں کو اس دور کیلئے تیار نہیں کر رہے۔انہوں نے کہا ہے کہ بانی پی ٹی آئی سے جمہوری رویے کی کوئی امید نہیں، انہوں نے ملک کی سیاست اور معیشت کو تباہ کر دیا ہے۔ پاکستان کی سیاست سے نوجوان مایوس ہو چکے ہیں اور اس مایوسی میں سب سے بڑا کردار بانی پی ٹی آئی کا ہے۔بلاول بھٹو نے کہا کہ ملک کو درپیش چیلنجز سے نمٹنے کے لیے ہمیں سنجیدہ فیصلے کرنا ہوںگے ۔ دہشت گردی کے بڑھتے ہوئے واقعات پر بات کرتے ہوئے انہوں نے کہا کہ اس مسئلے پر قابو پانے کے لیے قومی اتفاق رائے ضروری ہے، کیونکہ ہم صرف اتحاد کے ذریعے ہی دہشت گردوں کا مقابلہ کر سکتے ہیں۔انہوں نے کہا کہ دنیا میں ٹیکنالوجی تیزی سے ترقی کر رہی ہے، لیکن پاکستان اپنے نوجوانوں کو ڈیجیٹل دور کے لیے تیار نہیں کر رہا۔
اسرائیل جلد ایرانی جوہری پروگرام پر حملہ کر سکتا ہے، امریکی اخبار کا دعویٰ