بھارت کو جدید ٹیکنالوجیز کی منتقلی پر شدید تحفظات ہیں، پاکستان
اشاعت کی تاریخ: 14th, February 2025 GMT
اسلام آباد(نیوز ڈیسک) ترجمان دفتر خارجہ نے کہا ہے کہ بھارت کو جدید ٹیکنالوجیز کی منتقلی پر پاکستان کو شدید تحفظات ہیں۔ انڈو یو ایس کے مشترکہ بیان کو بے بنیاد اور غلط قرار دیتے ہیں۔
صحافیوں کو ہفتہ وار بریفنگ میں ترجمان دفتر خارجہ شفقت علی خان نے بتایا کہ وزیر اعظم کی دعوت پر ترکیہ کے صدر رجب طیب اردون نے 2روزہ سرکاری دورہ کیا ۔ ان کا صدر مملکت اور وزیراعظم نے پرتپاک استقبال کیا۔ سیشن کے اختتام پر ایم او یوز اور معاہدوں پر دستخط کیے گئے۔
انہوں نے کہا کہ دونوں ممالک نے اعلیٰ سطحی اسٹریٹجک تعاون کونسل کے ساتویں اجلاس میں شرکت کی۔ دونوں ممالک کے درمیان صدیوں پرانے گہرے مذہبی، تہذیبی، ثقافتی، لسانی اور تاریخی تعلقات کو مزید تقویت دینے پر بات چیت کی گئی۔ دورے کے دوران مشکل وقت میں دونوں ممالک کے عوام اور حکومتوں کے آزمائشی اور مثالی بھائی چارے و باہمی تعاون کو فروغ دینے پر اتفاق کیا گیا۔
ترجمان کے مطابق پاکستان اور ترکیہ کے درمیان تمام شعبوں میں موجودہ دوطرفہ تعاون کو مزید تقویت دینے کا اعادہ کیا گیا۔ دفاع، تجارت، سرمایہ کاری، بینکنگ، فنانس، تعلیم، صحت، توانائی، ثقافت، سیاحت، ٹرانسپورٹ و مواصلات، زراعت، پانی، سائنس و ٹیکنالوجی کو فروغ دینے پر اتفاق کیا گیا۔
شفقت علی خان نے بتایا کہ ہم لیبیا میں مارسہ دیلا میں کشتی حادثے کے متاثرین کے اہل خانہ سے اظہار افسوس کرتے ہیں۔ پاکستان کا دہشت گردی اور غیر ملکی قبضے پر مؤقف تبدیل نہیں ہوا۔ مقبوضہ کشمیر میں 2 کشمیریوں کو موت کے گھاٹ اتار دیا گیا، ہم ان کی موت کی آزادانہ تحقیقات کا مطالبہ کرتے ہیں۔ اسحاق ڈار جلد اقوام متحدہ سکیورٹی کونسل کے اجلاس میں شرکت کریں گے۔
انہوں نے بتایا کہ لیبیا کشتی حادثے میں 16 لاشوں کی شناخت کی جا چکی ہے۔ پاکستانی سفارتخانہ مزید نگرانی کرنے اور شناخت کرنے میں مصروف ہے۔ ایک زخمی اس وقت زاویہ کے اسپتال میں زیر علاج ہے۔
ترجمان کا کہنا تھا کہ پاکستان فلسطینی عوام کے حق خودارادیت کا خواہاں ہے۔ پاکستان اس بات پر یقین رکھتا ہے کہ فلسطین کا دارالحکومت القدس شریف ہو۔ کشمیر میں 2 نوجوان کو شہید کیا گیا ہے جس کی پاکستان مذمت کرتا ہے۔ کشمیری عوام کو اقوام متحدہ کے اصولوں کے مطابق حق خودارادیت ملنا چاہیے۔
ترجمان نے کہا کہ انڈو یو ایس کے مشترکہ بیان کو بے بنیاد اور غلط قرار دیتے ہیں۔ مشترکہ بیان میں بھارت عوامی حقوق کی پامالی کا جواب دینے میں ناکام رہا۔ دہشت گردی سے متاثرہ ملک کے طور پر پاکستان دنیا میں امن و استحکام کے فروغ کا خواہاں ہے۔ بھارت کو جدید ٹیکنالوجیز کی منتقلی پر پاکستان کو شدید تحفظات ہیں۔
.ذریعہ: Daily Mumtaz
کلیدی لفظ: کیا گیا
پڑھیں:
ای اسپورٹس کے فروغ کیلیے ٹاسک فورس تشکیل
کراچی (اسپورٹس ڈیسک )ہائر ایجوکیشن کمیشن (ایچ ای سی) کے اسپورٹس اور غیر نصابی سرگرمیوں کے انچارج جاوید علی میمن کو وزیراعظم پاکستان کی جانب سے نئی قائم کردہ ای-اسپورٹس ٹاسک فورس کا رکن مقرر کیا گیا ہے۔ اس ٹاسک فورس کی سربراہی پرائم منسٹرزیوتھ پروگرام کے چیئرمین رانا مشہود احمد خان کریں گے جبکہ اس میں دیگر اداروں بشمول وفاقی اور صوبائی اسپورٹس بورڈز سے بھی نمائندگی ہوگی۔ اس ٹاسک فورس کا مقصد پاکستان میں ای-اسپورٹس کے فروغ اور اسے ایک منظم شعبہ کے طور پر تسلیم کرانا ہے۔اس ٹاسک فورس کے اہم مقاصد میں قومی ای-اسپورٹس پالیسی کی تیاری، ای-اسپورٹس کو ایک پیشہ ورانہ کھیل کے طور پر تسلیم کرانا، سرمایہ کاری اور انفراسٹرکچر کی ترقی، نوجوانوں کی شمولیت اورٹیلنٹ ہنٹ پروگرامز اور بین الاقوامی سطح پر نمائندگی جیسے اہم امور ہیں۔ جاوید علی میمن کا اعلی تعلیمی اداروں میں اسپورٹس منیجمنٹ اورانفارمیشن ٹیکنالوجی میں وسیع تجربہ ہے، جو انہیں پاکستان میں ای-اسپورٹس کے فروغ کے لیے ایک موزوں انتخاب بناتا ہے۔ وہ پاکستان اولمپک ایسوسی ایشن (POA) کی ایجوکیشن کمیٹی کے چیئرمین کے طور پر بھی نامزد ہو چکے ہیں، جو ان کی کھیلوں کے فروغ کے لیے کی جانے والی نمایاں خدمات کا ثبوت ہے۔یہ ٹاسک فورس پاکستان میں ای-اسپورٹس کو ایک منظم اور عالمی سطح پر مسابقتی شعبے میں تبدیل کرنے کے لیے کام کرے گی، جو نوجوانوں کو ترقی کے مواقع فراہم کرے گی اور ملک میں ڈیجیٹل گیمز انڈسٹری کو فروغ دے۔
نگہت عمر T-20 کرکٹ ٹورنامنٹ
کراچی( اسپورٹس رپورٹر)ریجنل کرکٹ ایسوسی ایشن کراچی زون چھ کے زیر اہتمام پہلے نگہت عمر T-20 کرکٹ ٹورنامنٹ میں مزید چار میچوں کے فیصلے ہو گئے ینگ فائٹر گراونڈ پر پہلے میچ میں پاکستان کرکٹ کلب نے ایسٹرن اسٹار کرکٹ کلب کو195 رنز سے دوسرے میچ میں ناردرن جیمخانہ نے گولڈن جیمخانہ کو 6 وکٹوں سے تیسرے میچ میں میٹرو پولیٹن کرکٹ کلب نے سٹی جیمخانہ کو 79 رنز سے چوتھے میچ میں عالمگیر جیم خانہ نے تاج اسپورٹس کو 105 رنز سے شکست دیدی پاکستان کرکٹ کلب نے پہلے بیٹنگ کرتے ہوئے مقررہ 20 اوورز میں دو وکٹوں کے نقصان پر 251 رنز بنائے۔ جواب میں ایسٹرن اسٹار کرکٹ کلب 56 رنز 17،1 اوورز میں بنا کر آئوٹ ہو گئی ولید عظیم نے 3 رنز دیکر 3 وکٹیں رضاالحسن نے 11 رنز دیکر 2وکٹیں حاصل کیں ۔
مصر اورقطر کی ثالثی ،حماس کا قیدیوں کی رہائی کے معاہدے پر عمل کا اعلان