کراچی میں ہونے والے حادثات کیلئے حکومت سمیت ہم سب قصور وار ہیں: شرجیل میمن
اشاعت کی تاریخ: 14th, February 2025 GMT
وزیرِ اطلاعات سندھ شرجیل انعام میمن کا کہا ہے کہ کراچی میں ہونے والے حادثات کے لیے حکومت سمیت ہم سب قصور وار ہیں۔
نجی ٹی وی سے گفتگو کرتے ہوئے وزیرِ اطلاعات سندھ شرجیل میمن کا کہنا تھا کہ بائیکس پر ہیلمٹس کا استعمال نہیں کیا جا رہا ہے، جب حکومت موٹر سائیکل سواروں پر سختی کرتی ہے تو لوگ ہیلمٹ پہننا شروع کر دیتے ہیں،لوگ ٹریفک لائٹس کی پابندی نہیں کرتے۔
انہوں نے کہا کہ حادثات کے لیے کسی ایک فرد یا ادارے کو قصور وار ٹھہرانا صحیح نہیں ہے، جو لوگ غلط انداز میں گاڑیاں چلاتے ہیں، بے احتیاطی کرتے ہیں اور ٹریفک قوانین کی خلاف ورزی کرتے ہیں ان کا بھی قصور ہے۔
ان کا کہنا تھا کہ تعمیراتی کاموں میں حکومت کی جانب سے کوئی تاخیر نہیں ہوئی، گاڑیوں کی فٹنس سے متعلق احکامات نئے نہیں ہیں بلکہ پہلے سے موجود ہیں،
شرجیل میمن نے مزید کہا کہ اگر کسی جگہ پر حکومت کی طرف سے تعمیراتی کام میں تاخیر ہے تو اس کی وجہ بتا سکتا ہوں، میں ذاتی طور پر گاڑیوں کی چارجڈ پارکنگ کے خلاف نہیں ہوں۔
.ذریعہ: Jasarat News
پڑھیں:
سندھ حکومت کا آج سے تمام چارجڈ پارکنگ ختم کرنے کا اعلان
فوٹو: فائلسندھ حکومت نے آج سے تمام چارجڈ پارکنگ ختم کرنے کا اعلان کردیا۔
وزیر ٹرانسپورٹ سندھ شرجیل میمن نے کہا ہے کہ آج سے تمام چارجڈ پارکنگز ختم کی جارہی ہیں، آج کے بعد کوئی چارجڈ پارکنگ جاری رہی تو وہ غیر قانونی ہوگی، اگر کوئی چارجڈ پارکنگ نظر آئے تو صحافی حکومت کو اطلاع دیں۔
اس سے قبل شرجیل انعام میمن کا کہنا تھا کہ سہیون اور حیدرآباد کی سڑکوں پر آئے روز حادثات ہوتے ہیں۔ یہ سڑکیں سندھ کی نہیں بلکہ وفاق کی ہیں اور ان کو بنانے کی ذمہ داری نیشنل ہائی وے اتھارٹی کی ہے۔
ان کا کہنا تھا کہ وزیر اطلاعات پنجاب بیان بیازی سے پہلے اپنا ہوم ورک کرلیں۔ سندھ حکومت نے وفاق کو اس روڈ کی تعمیر کیلئے ادائیگی بھی کی مگر اس سڑک کا نہ بننا ن لیگ کی ناکامی ہے۔
ٹرمپ مودی ملاقات! کیا اشوز اہم ہیں؟