صدر مملکت آصف علی زرداری کی شاہرگ دھماکے کی مذمت، دہشتگردی کے خاتمے کے عزم کا اعادہ
اشاعت کی تاریخ: 14th, February 2025 GMT
اسلام آباد(نیوز ڈیسک) صدر مملکت آصف علی زرداری نے بلوچستان کے علاقے شاہرگ میں ہونے والے دھماکے کی شدید مذمت کی ہے۔ دھماکے کے نتیجے میں 9 مزدور جاں بحق ہو گئے، جس پر صدر مملکت نے گہرے دکھ اور افسوس کا اظہار کیا۔
صدر مملکت نے جاں بحق افراد کے لواحقین سے اظہار تعزیت کرتے ہوئے انہیں صبر کی تلقین کی اور دہشتگردی کے مکمل خاتمے کے عزم کا اعادہ کیا۔ انہوں نے متعلقہ اداروں کو ہدایت دی کہ ملک دشمن عناصر کے خلاف سخت کارروائی عمل میں لائی جائے۔
صدر آصف علی زرداری نے دھماکے میں زخمی ہونے والے افراد کی جلد صحتیابی کے لیے دعا کی اور حکام سے زخمیوں کو بہترین طبی سہولیات فراہم کرنے کی ہدایت بھی کی۔
.ذریعہ: Daily Mumtaz
کلیدی لفظ: صدر مملکت
پڑھیں:
بلوچستان: آئل ٹینکر میں آگ لگنے کے سبب دو افراد ہلاک، 56 زخمی
اسلام آباد (اُردو پوائنٹ ۔ DW اردو۔ 29 اپریل 2025ء) بلوچستان کے دارالحکومت کوئٹہ سے موصولہ رپورٹوں کے مطابق ایک مقامی پولیس افسر عطا اللہ نے منگل کے روز بتایا کہ بلوچستان کے ضلع نوشکی میں پیر کو ایک آئل ٹینکر میں آگ لگ گئی اور دھماکہ اس وقت ہوا جب فائر فائٹرز آگ بجھانے کی کوشش کر رہے تھے۔ جائے وقوعہ پر موجود افراد اور فائر فائٹرز بھی زخمیوں میں شامل ہیں۔
بہاولپور، آئل ٹینکر میں دھماکے سے کم از کم 148 افراد ہلاک
ہلاک ہونے والے دو افراد میں سے ایک اس آئل ٹینکر کا ڈرائیور اور دوسرا ایک راہ گیر تھا۔ زخمیوں میں سے قریب ایک درجن کی حالت تشویشناک بتائی جاتی ہے۔ کوئٹہ کے سول ہسپتال کے ترجمان وسیم بیگ نے بتایا کہ چند شدید زخمی افراد کو ہوائی جہاز کے ذریعے پاکستان کے جنوبی شہر کراچی لے جایا جا رہا ہے، جہاں بہتر طبی سہولیات دستیاب ہیں۔
(جاری ہے)
افغان ایران سرحد کے قریب سو آئل، گیس ٹینکر آتش زدگی میں تباہ
دریں اثنا بلوچستان کے وزیر اعلیٰ سرفراز بگٹی نے صوبائی دارالحکومت کوئٹہ میں سول ہسپتال کا دورہ کیا اور ڈاکٹروں کو متاثرین کو ہر ممکنہ طبی سہولت فراہم کرنے کی ہدایات دیں۔
پاکستان میں آئل ٹینکرز کی وجہ سے ہونے والے ہلاکت خیز حادثات کوئی غیر معمولی بات نہیں ہیں۔
افغان صوبے ہلمند میں مسافر بس اور آئل ٹینکر میں تصادم، اکیس افراد ہلاک
2017ء میں صوبہ پنجاب کے علاقے احمد پور شرقیہ میں 200 سے زائد افراد اس وقت لقمہ اجل بن گئے تھے جب ایک آئل ٹینکر سے لیک ہونے والے ایندھن کو جمع کرنے کے لیے وہاں بہت سے مقامی باشندے جمع تھے کہ اس ٹینکر کو آگ لگ گئی تھی اور ایک بہت خوفناک دھماکہ ہوا تھا۔
ادارت مقبول ملک
مزدور کا چھٹی کرنا جرم؛ مِل مالک کی ساتھیوں سے وحشیانہ تشدد کروانے کی ویڈیو سامنے آگئی