سپریم کورٹ کے 6 مستقل اور 1 قائم مقام جج نے حلف اٹھالیا
اشاعت کی تاریخ: 14th, February 2025 GMT
سپریم کورٹ کے 6 مستقل اور 1 قائم مقام جج نے حلف اٹھالیا، حلف برداری کی تقریب پہلی مرتبہ سپریم کورٹ کے احاطہ کے لان میں منعقد ہوئی، چیف جسٹس یحییٰ آفریدی نے تمام ججوں سے حلف لیا۔
جسٹس عامر فاروق، جسٹس اشتیاق ابراہیم، جسٹس شکیل احمد، جسٹس شفیع صدیقی، جسٹس صلاح الدین پنہور اور جسٹس ہاشم کاکڑ نے مستقل جج کی حیثیت سےحلف اٹھایا۔
یہ بھی پڑھیں:
مذکورہ 6 ججوں کے علاوہ اسلام آباد ہائیکورٹ کے جسٹس میاں گل حسن اورنگزیب نے سپریم کورٹ کے عارضی جج کے عہدے کا حلف اٹھایا۔
حلف برداری کی تقریب میں سپریم کورٹ اور ہائیکورٹ کے ججز اور اٹارنی جنرل سمیت ججز کے اہلخانہ، پاکستان اور سپریم کورٹ بار کے عہدیداران نے بھی شرکت کی۔
مزید پڑھیں:
تقریب کے موقع پر صحافیوں سے گفتگو میں صدر سپریم کورٹ بار ایسوسی ایشن میاں رؤف عطا کا کہنا تھا کہ آئین کے دستور کے مطابق حلف برداری کی تقریب منعقد کی گئی، انہوں نے دارالحکومت اسلام آباد میں راستوں کی بندش کی مذمت کرتے ہوئے کہا کہ انتظامیہ نے راستوں کی غیر ضروری بندش کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس میاں گل حسن اورنگزیب حلف برداری سپریم کورٹ قائمقام جج مستقل جج.ذریعہ: WE News
کلیدی لفظ: جسٹس میاں گل حسن اورنگزیب حلف برداری سپریم کورٹ سپریم کورٹ کے حلف برداری
پڑھیں:
جوڈیشل کمیشن اجلاس: جسٹس باقر نجفی کو سپریم کورٹ کا جج بنانے کی منظوری
چیف جسٹس آف پاکستان جسٹس یحییٰ آفریدی کی زیرصدارت جوڈیشل کمیشن کا اجلاس اسلام آباد میں ہوا، جس میں لاہور ہائیکورٹ کے جسٹس باقر نجفی کو سپریم کورٹ کا جج بنانے کی منظوری دی گئی۔
ذرائع کے مطابق جسٹس باقر نجفی کو سپریم کورٹ کا جج بنانے کی منظوری اکثریتی رائے سے ہوئی۔ تحریک انصاف کے ارکان بیرسٹر گوہر اور علی ظفر نے بھی جسٹس باقرنجفی کے حق میں ووٹ دیا۔
ذرائع کے مطابق جسٹس شجاعت علی خان اور جسٹس باقر نجفی کے خلاف کمیشن کی مخالفانہ رائے متفقہ طور پر حذف کرنے کی منظوری دی گئی۔
ذرائع کا کہنا ہے کہ چار ریٹائرڈ ججز کو بطور رکن جوڈیشل کمیشن تعینات کرنے کی متفقہ طور پر منظوری دی گئی۔
سندھ ہائیکورٹ کے جسٹس ریٹائرڈ مقبول باقر، اسلام آباد ہائیکورٹ کے جسٹس ریٹائرڈ شوکت صدیقی، پشاور ہائیکورٹ کے جسٹس ریٹائرڈ شاکر اللّٰہ جان اور بلوچستان ہائیکورٹ کے جسٹس ریٹائرڈ نذیر لانگو کو جوڈیشل کمیشن کا رکن مقرر کرنے کی منظوری دی گئی۔
چیئرمین پی پی بلاول بھٹو زرداری دبئی روانہ