آرمی چیف آج ’گرین پاکستان انیشیٹو‘ کی مختلف سہولیات کا دورہ کریں گے
اشاعت کی تاریخ: 14th, February 2025 GMT
آرمی چیف اور وفاقی و صوبائی حکومت کی اہم شخصیات آج ایس آئی ایف سی کے گرین پاکستان انیشیٹو( جی پی آئی) کی سہولیات کا دورہ کریں گے۔ آرمی چیف جنرل عاصم منیر، وزیر اعلیٰ پنجاب اور نیشنل کوآرڈینیٹر ایس آئی ایف سی کے دورے سے جی پی آئی کے زرعی ترقیاتی منصوبوں کو مزید فروغ ملے گا۔
جی پی آئی کے تحت جاری زرعی منصوبوں اور مختلف سہولیات کا جائزہ لیا جائے گا اور جی پی آئی کے ’سمارٹ ایگری فارم‘، ’گرین ایگری مال‘ اور ’تحقیقی سہولت مراکز‘ کا افتتاح کیا جائے گا۔ دورے کے دوران شرکا کو جی پی آئی کی زرعی ترقی سے متعلق اہم کامیابیوں کے بارے میں آگاہ کیا جائے گا۔
مزید پڑھیں: گرین پاکستان انیشیٹیو کی کامیابی کےلیے صدر آصف زرداری کا صوبائی تعاون پر اظہار اطمینان
جی پی آئی کی جانب سےکارپوریٹ فارمنگ میں استعمال ہونے والی زرعی مشینری اور جدید ٹیکنالوجی نمائش کے لیے پیش کی جائے گی۔ زرعی شعبے کی ترقی و جدت سے آگاہی کے لیے حکومتی شخصیات ماڈل فارمز کے دورے بھی کریں گی۔ پیرووال اور مظفرگڑھ میں تیار کیے گئے ماڈل فارمز کسانوں کو جدید زرعی تکنیکوں سے آگاہی فراہم کریں گے۔
ایس آئی ایف سی اور جی پی آئی کی کاوشوں کی بدولت ملکی معیشت کے استحکام کے لیے زرعی ترقی کا سفر جاری ہے۔ وفاقی وزیر برائے منصوبہ بندی و ترقی احسن اقبال، وفاقی وزیر پیٹرولیم مصدق ملک، وفاقی وزیر صنعت رانا تنویر سمیت دیگر اہم شخصیات بھی شرکت کریں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’گرین پاکستان انیشیٹو‘ آرمی چیف آرمی چیف جنرل عاصم منیر وزیر اعلیٰ پنجاب.ذریعہ: WE News
کلیدی لفظ: گرین پاکستان انیشیٹو ا رمی چیف ا رمی چیف جنرل عاصم منیر وزیر اعلی پنجاب گرین پاکستان پاکستان ا ا رمی چیف جی پی آئی کے لیے
پڑھیں:
جاپان کی عالمی امن اور بین الاقوامی تعاون کی کوششوں سے پوری دنیا کو فائدہ پہنچ رہا ہے، وفاقی وزیر تجارت جام کمال خان
اسلام آباد (اُردو پوائنٹ اخبارتازہ ترین - اے پی پی۔ 19 فروری2025ء) وفاقی وزیر تجارت جام کمال خان نے جاپان کے بادشاہ کی سالگرہ کی شاندار تقریب میں بطور مہمان خصوصی شرکت کی۔ وزارت تجارت کے جاری کردہ اعلامیے کے مطابق تقریب یہاں گزشتہ رات کو منعقد ہوئی۔تقریب سے خطاب کرتے ہوئے وزیر تجارت نے حکومت پاکستان اور عوام کی جانب سے جاپانی بادشاہ کو دلی مبارکباد پیش کی اور انہیں اتحاد، امن اور خوشحالی کی علامت قرار دیا۔اپنی تقریر میں وزیر تجارت نے جاپانی بادشاہ کے دور کو خراج تحسین پیش کرتے ہوئے کہا کہ ان کی قیادت نے جاپان کو ترقی، ٹیکنالوجی، ثقافت اور پائیدار ترقی میں عالمی سطح پر نمایاں مقام دلایا ہے۔ انہوں نے کہا کہ ان کی حکمتِ عملی، ہم آہنگی، استقامت اور جدت پسندی نے نہ صرف جاپان کو بے مثال ترقی کی راہ پر گامزن کیا بلکہ دنیا بھر کے لئے ایک مثال بھی قائم کی ہے۔(جاری ہے)
انہوں نے جاپان کے عالمی امن، انسانی امداد اور ماحولیاتی تحفظ کے اقدامات کو سراہتے ہوئے کہا کہ یہ اصول پاکستان کے اہداف سے مکمل مطابقت رکھتے ہیں۔ جام کمال نے کہا کہ جاپان کی عالمی امن اور بین الاقوامی تعاون کے فروغ کے لئے کوششیں امید اور ترقی کا نشان ہیں، جس سے پوری دنیا کو فائدہ پہنچ رہا ہے۔ جام کمال خان نے کہا کہ پاکستان اور جاپان کے درمیان دیرینہ تعلقات باہمی احترام، مشترکہ اقدار اور اقتصادی و ثقافتی تعاون پر مبنی ہیں۔ انہوں نے کہا کہ پاکستان جاپان کے ساتھ تعلقات کو انتہائی اہمیت دیتا ہے اور تجارتی، سرمایہ کاری اور انسانی وسائل کی ترقی میں مزید بہتری کا خواہاں ہے۔انہوں نے اس بات پر روشنی ڈالی کہ پاکستان اور جاپان کے درمیان دو طرفہ تجارت کا حجم 1.27 ارب ڈالر ہے، لیکن اس میں مزید اضافے کی بہت زیادہ گنجائش موجود ہے۔ انہوں نے کہا کہ جاپان کی ٹیکنالوجی، بنیادی ڈھانچے اور اختراعات میں مہارت پاکستان کے معاشی ترقی کے وژن سے مکمل ہم آہنگ ہے، اور ہم کاروباری برادری کے لئے مزید مواقع پیدا کرنے کے لئے پرعزم ہیں۔وفاقی وزیر نے جاپانی حکومت اور کمپنیوں کی پاکستان میں مسلسل سرمایہ کاری کو سراہتے ہوئے کہا کہ 80 سے زائد جاپانی کمپنیاں آٹو، فارماسیوٹیکل، سٹیل اور مشینری جیسے اہم شعبوں میں کام کر رہی ہیں۔ انہوں نے کہا کہ پاکستان اپنی اسٹریٹجک لوکیشن کی بدولت تجارت اور سرمایہ کاری کے لئے ایک مثالی مرکز ہے، جو جاپانی کاروباری اداروں کے لئے بے شمار مواقع فراہم کرتا ہے۔انہوں نے جاپان انٹر نیشنل کوآپریشن ایجنسی (JICA) اور جاپان ایکسٹرنل ٹریڈ آرگنائزیشن (JETRO) کی پاکستان کی اقتصادی ترقی میں معاونت کو بھی سراہا اور ان کے مثبت کردار کو اجاگر کیا۔تقریب میں جاپانی بادشاہ کی سالگرہ کا کیک کاٹا گیا ، جس میں وفاقی وزیر تجارت جام کمال خان نے جاپانی حکام اور معززین کے ساتھ شرکت کی۔اس موقع پر وزیر تجارت نے جاپانی مصنوعات کی نمائش کا بھی دورہ کیا، جہاں انہیں پاکستان میں کام کرنے والی جاپانی کمپنیوں کی جدید ٹیکنالوجی اور اختراعات کے بارے میں تفصیلی بریفنگ دی گئی۔ انہوں نے جاپانی مصنوعات کے معیار اور مہارت کو سراہتے ہوئے کہا کہ اس طرح کی نمائشیں دونوں ممالک کے درمیان تجارتی تعلقات کو مزید مستحکم کرنے میں مددگار ثابت ہوں گی۔ انہوں نے کہا کہ ایسی تقریبات نہ صرف ہماری دوستی کو مزید فروغ دیتی ہیں بلکہ کاروباری اور سرمایہ کاری کے نئے مواقع بھی پیدا کرتی ہیں۔وزیر تجارت نے تقریب کے اختتام پر پاکستان اور جاپان کے درمیان مضبوط تعلقات کی اہمیت پر زور دیتے ہوئے کہا کہ جاپانی بادشاہ کی سالگرہ منانے کے ساتھ ساتھ ہمیں ان کے ان اصولوں کو بھی اپنانا چاہیے جو سرحدوں سے ماورا ہیں اور عالمی سطح پر امن، ترقی اور خوشحالی کے لیے ہماری رہنمائی کرتے ہیں۔ ہمیں مل کر ایک ایسا مستقبل تعمیر کرنا ہے جو باہمی ترقی اور کامیابی کی علامت ہو۔تقریب میں سفارتی شخصیات، کاروباری رہنما اور دونوں ممالک کے معززین نے شرکت کی، جس سے پاک۔جاپان تعلقات کو مزید فروغ دینے کا عزم مزید مستحکم ہوا۔
نجی اسکولوں کے اساتذہ کیلیے لائسنس جاری ہوگا