مٹیاری، ڈسٹرکٹ ہیڈکوارٹر اسپتال کی نئی عمارت کا افتتاح ، میگا سرجیکل کیمپ کا قیام
اشاعت کی تاریخ: 14th, February 2025 GMT
مٹیاری(نمائندہ جسارت)سندھ حکومت کے ترجمان اور رکن صوبائی اسمبلی مخدوم فخر الزمان نے ڈسٹرکٹ ہیڈ کوارٹر اسپتال مٹیاری کی نئی تعمیر شدہ عمارت کا افتتاح کر دیا۔ اسپتال میں میگا سرجیکل کیمپ بھی قائم کیا گیا۔ اس موقع پر ڈپٹی کمشنر محمد یوسف شیخ، ڈسٹرکٹ ہیلتھ آفیسر ڈاکٹر پیر غلام حسین، اسسٹنٹ کمشنر عبدالستار شیخ، ایڈیشنل ڈائریکٹر سوشل ویلفیئر رفیق جمال، ایم ایس ڈاکٹر عبدالسلام میمن اور دیگر موجود تھے۔تقریب سے خطاب کرتے ہوئے مخدوم فخر الزمان نے دل کے مریضوں کے لیے چیسٹ پین یونٹ قائم کرنے کا اعلان کرتے ہوئے کہا کہ ڈی ایچ کیو اسپتال کے ذریعے ضلع کے عوام کو مثالی طبی سہولیات میسر آئیں گی۔ مزید سہولیات کے لیے وزیراعلیٰ اور وزیر صحت کو خط لکھا جائے گا۔ سندھ حکومت نے صوبے میں مثالی اسپتال اور طبی ادارے قائم کیے ہیں، جن کی حالیہ پنجاب میں منعقدہ ہیلتھ کانفرنس میں بھی تعریف کی گئی۔ اسپتال میں جدید مشینری اور مطلوبہ سہولیات جلد فراہم کی جائیں گی، جبکہ ڈاکٹروں اور عملے کی کمی پوری کرنے کے لیے محکمہ صحت سے رابطہ کر کے ایس این ای منظور کرائی جائے گی۔ڈپٹی کمشنر مٹیاری محمد یوسف شیخ نے افتتاحی تقریب میں کہا کہ ڈی ایچ کیو اسپتال تک سڑک جلد مکمل کی جائے گی۔ منتخب نمائندوں کی قیادت میں ضلع مٹیاری کے عوام کی بہتری کے لیے اقدامات کیے جا رہے ہیں۔ اسپتال کو سول اور ٹیچنگ اسپتال کا درجہ دیا جائے گا، جبکہ ریسکیو 1122 کی زیادہ سے زیادہ ایمبولینسز ضلع مٹیاری میں موجود ہیں، جو ہر ایمرجنسی میں اہم کردار ادا کرتی ہیں۔ڈسٹرکٹ ہیلتھ آفیسر ڈاکٹر پیر غلام حسین نے کہا کہ ضلع کے اسپتالوں میں طبی سہولیات کو مزید بہتر بنانے کے لیے سندھ حکومت کے محکمہ صحت کی جانب سے اقدامات کیے جا رہے ہیںاور صحت کے مسائل حل کرنے کی کوشش جاری ہے۔ایم ایس ڈاکٹر عبدالسلام میمن نے بتایا کہ ڈی ایچ کیو اسپتال میں ماہر ڈاکٹروں کی نگرانی میں جدید طبی سہولیات کے ساتھ مختلف بیماریوں کے ٹیسٹ مفت کیے جا رہے ہیں۔ او پی ڈی میں روزانہ 2000 مریضوں کا معائنہ ہوتا ہے، جبکہ روزانہ 4 سے 5 آپریشن کیے جاتے ہیں۔ اسپتال میں ہیپاٹائٹس، زنانہ بیماریوں کا علاج، زچگی کی خدمات، ٹی بی کا مکمل کورس، جلدی امراض سمیت دیگر بیماریوں کے ماہر ڈاکٹر اور تربیت یافتہ پیرا میڈیکل اسٹاف موجود ہے۔سندھ حکومت کے ترجمان مخدوم فخر الزمان نے نئی تعمیر شدہ اسپتال کی عمارت کے مختلف وارڈز کا تفصیلی دورہ بھی کیا۔
.ذریعہ: Jasarat News
کلیدی لفظ: سندھ حکومت اسپتال میں کے لیے
پڑھیں:
حاجی کیمپ میں حج تربیت کے دوسرے مرحلے کا آغاز،21اپریل تک جاری رہیگا
حاجی کیمپ میں حج تربیت کے دوسرے مرحلے کا آغاز،21اپریل تک جاری رہیگا WhatsAppFacebookTwitter 0 13 April, 2025 سب نیوز
کراچی(آئی پی ایس )حاجی کیمپ میں حج تربیت کے دوسرے مرحلے کا آغاز ہوگیا اور یہ عمل 21اپریل 2025 تک جاری رہے گا۔
ڈپٹی ڈائریکٹر حج گلزار سومرو نے بتایا کہ حج تربیت کے دوسرے مرحلے کے بعد 22 اپریل 2025 سے عازمین حج کے ویکسینیشن کا عمل شروع کیا جائے گا، اس کے ساتھ ساتھ سامان کی تقسیم بھی کی جائے گی، جس میں ٹرالی بیگز، ہینڈ کیری بیگز اور دیگر اشیا شامل ہیں۔ان کا کہنا تھا کہ آج کراچی ویسٹ کے ایک ہزار 751عازمین حج کو دو شفٹوں میں تربیت کے لیے مدعو کیا گیا، جن میں سے تقریبا ایک ہزار 675 عازمین نے تربیت میں شرکت کی۔
انہوں نے بتایا کہ کراچی ساتھ کے ایک ہزار 724 عازمین حج کو 14 اپریل 2025 کو تربیت کے لیے مدعو کیا گیا ہے، تمام عازمین نے تربیتی انتظامات اور فراہم کردہ معلومات پر اطمینان کا اظہار کیا۔ڈپٹی ڈائریکٹر حج گلزار سومرو نے بتایا کہ خاص طور پر ایس ایم ڈی اسکرینز اور اعلی معیار کے سانڈ سسٹم کے ذریعے دی جانے والی معلومات سے تمام عازمین نے بھرپور فائدہ اٹھایا۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا