کوئٹہ، امریکی نژاد لڑکی کے قتل میں ملوث ملزمان کو جیل بھیج دیا
اشاعت کی تاریخ: 14th, February 2025 GMT
کوئٹہ(نمائندہ جسارت)کوئٹہ میں امریکی نژاد لڑکی کے قتل میں ملوث ملزمان کو جیل بھیج دیا گیا، لڑکی کو 27 جنوری کی شب بلوچی اسٹریٹ میں قتل کیا تھا۔تفصیلات کے مطابق دونوں ملزمان کو کوئٹہ کے جوڈیشل مجسٹریٹ 9 نے جیل بھیجنے کے احکامات جاری کئے ، دوران سماعت عدالت نے استفسار کیا کہ مقدمے کا چالان اب تک کورٹ میں جمع نہیں ہوا ہے جبکہ ضمانت کے لئے بھی کوئی درخواست موصول نہیں ہوئی ، ڈی ایس پی قاعد آباد عبدالحق کے مطابق قتل میں ملوث لڑکے کے والد اور ماموں کو ڈسٹرکٹ جیل کوئٹہ منتقل کر دیا گیا ہے ، مقدمے کی تحقیقات سیریس کرائمز انویسٹیگیشن ونگ کررہی ہے، تحقیقات مکمل ہونے پر مکمل چلان کورٹ میں جمع کریں گے،14 سال کی حرا نامی لڑکی کو 27 جنوری کی شب بلوچی اسٹریٹ میں قتل کیا گیا تھا ، والد انوار الحق نے لڑکی کے ماموں طیب کے ساتھ مل کر حرا کو قتل کیا تھا دونون ملزمان نے تفتیش میں مؤقف اختیار کیا تھا کہ حرا کو غیر مناسب ویڈیوز بنانے پر قتل کیا تھا۔
.ذریعہ: Jasarat News
پڑھیں:
عمران خان غلط جگہ خط بھیج رہے ہیں،امید کی گھنٹی بجائیں وعدہ ہے جواب دوں گا ، گورنر سندھ
لندن(اردوپوائنٹ اخبار تازہ ترین۔18فروری 2025)گورنر سندھ کامران ٹیسوری کا کہنا ہے کہ بانی پی ٹی آئی عمران خان غلط جگہ خط بھیج رہے ہیں، گورنر سندھ نے بانی پی ٹی آئی کو اپنا ایڈوائزر بدلنے کا مشورہ دیدیا ، بانی پی ٹی آئی گورنر ہاوس میں لگی امید کی گھنٹی بجائیں تو وعدہ ہے جواب دوں گا،لندن میں صحافیوں سے گفتگو کرتے ہوئے انہوں نے صحافی کے سوال کے جواب میں کہا کہ گورنر ہاوس کے باہر امید کی گھنٹی بیل آف ہاپ لگی ہے اگربانی پی ٹی آئی عمران خان نے اپناخط وہاں بھجوایا تو اس کاضرور جواب دیا جائیگا۔اس وقت اوور سیز پاکستانیوں کے بھی اپنے ملک کے بارے میں اچھے خیالات ہونے چاہئیں۔ پاکستان کی معیشت اوپر جا رہی ہے۔اس موقع پر گورنر سندھ نے مطالبے کیا کہ ڈمپر اور ٹینکر مافیا کو لگام دی جائے ورنہ چیف جسٹس سپریم کورٹ کو خط لکھوں گا۔(جاری ہے)
سندھ حکومت بھی سمجھے کہ شہریوں کا غصہ قابو میں رکھنا اب مشکل ہو گیا ہے۔ ڈمپر مافیا کی بے جا طرفداری شہریوں کی مزید اموات کا سبب بن رہی ہے۔
بڑی گاڑیوں اور محافظوں کے ساتھ گھومنے والے عوام کے درد کو محسوس کریں۔ سمجھ سے بالاتر ہے کہ صوبائی وزراءڈمپر مافیا کے خلاف بولتے کیوں نہیں۔ ڈمپر مافیا کے خلاف احتجاج پر گرفتار افراد اور سیاسی رہنماوں کو ضمانت پر رہائی ملنی چاہیے۔گورنر سندھ کا یہ بھی کہنا تھا کہ شہری پرامن احتجاج کریں، ٹینکروں اور ڈمپروں کو جلانا درست نہیںہے۔یاد رہے کہ قبل ازیں کراچی میں تیز فتار واٹر ٹینکر کی ٹکر سے ایک اور موٹر سائیکل سوار شہری جاں بحق ہوگیا تھا۔ مشتعل افراد نے 5 واٹر ٹینکرز کو آگ لگا دی تھی جبکہ حادثے میں جاں بحق ہونے والے شخص کی شناخت رشید کے نام سے ہوئی تھی۔پولیس حکام کے مطابق جیل چورنگی سے حسن سکوائر جانے والے روڈ پر حادثہ تیز رفتاری کے باعث پیش آیا تھا۔ فائر بریگیڈ نے ٹینکرز میں لگنے والی آگ کو بجھا دیا۔واٹر ٹینکر ڈرائیورز مبینہ طور پر ریس لگا رہے تھے۔اس دوران موٹر سائیکل سوار زد میں آ گیاتھا۔ریسکیو حکام کے مطابق جاں بحق ہونے والے شخص کی نعش کو ہسپتال منتقل کر دیا گیا تھاجبکہ پولیس نے واقعے کی تفتیش شروع کر دی تھی۔واقعے کے بعد پولیس اور رینجرز کی بھاری نفری موقع پر پہنچ گئی تھی جب کہ فائر بریگیڈ کا عملہ آگ بجھانے کیلئے پہنچ گیا تھا۔دوسری جانب پولیس نے ایک ڈمپر کو تحویل میں لے کر ڈمپر ڈرائیور سمیت دو افراد کو حراست میں لے لیا تھا۔
دشمن نے 100 ایٹمی تنصیبات کو نشانہ بنایا تو ہم 1000 بنائیں گے، ایرانی صدر