بھارت کا اڈانی گروپ سری لنکامیں توانائی کے منصوبے سے دستبردار
اشاعت کی تاریخ: 14th, February 2025 GMT
نئی دہلی (انٹرنیشنل ڈیسک) بھارت کے کاروباری گروپ اڈانی نے سری لنکا میں ہوا سے بجلی بنانے کے 2مجوزہ منصوبوں سے دست بردار ہونے کا فیصلہ کرلیا۔ سری لنکن حکومت کو بذریعہ خط فیصلے سے آگاہ کردیا گیاہے۔ اڈانی گروپ کے مطابق جب تک اس کی خودمختاری کا احترام نہیں کیا جاتا اس وقت تک وہ ونڈ پاور پروجیکٹ پر کام نہیں کرے گا۔
.ذریعہ: Jasarat News
پڑھیں:
وزیراعلیٰ پنجاب مریم نواز کے اچھے کاموں کو سراہتے ہیں، ناصر حسین شاہ
ایک بیان میں صوبائی وزیر توانائی نے کہا کہ جامشورو سیہون روڈ کی عدم تکمیل کے باعث ہزاروں قیمتی جانیں ضائع ہو چکی ہیں، اگر سندھ حکومت وفاق سے کسی منصوبے پر عملدرآمد کا مطالبہ کرتی ہے تو یہ صوبے کا آئینی حق ہے، پنجاب میں وفاقی منصوبے جاری ہیں، جن پر سندھ حکومت نے کبھی اعتراض نہیں کیا۔ اسلام ٹائمز۔ صوبائی وزیر برائے توانائی سید ناصر حسین شاہ نے سندھ اور پنجاب حکومتوں کے ترجمانوں کے بیانات پر ردِعمل کا اظہار کیا ہے۔ ناصر حسین شاہ نے کہا ہے کہ سندھ اور پنجاب کی حکومتیں اپنی اپنی قیادت کی رہنمائی میں عوامی فلاح و بہبود کے لیے بہتر کام کر رہی ہیں، صوبائی حکومتوں کے درمیان کوئی مقابلہ نہیں بلکہ عوامی ضروریات کے مطابق منصوبے شروع کیے جاتے ہیں۔ ناصر حسین شاہ نے کہا کہ اگر وزیرِاعلی سندھ جامشورو اور سیہون روڈ کی تکمیل چاہتے ہیں تو اس میں کیا برائی ہے؟ سندھ حکومت نے اس منصوبے کے لئے 2017ء میں نیشنل ہائی وے اتھارٹی (این ایچ اے) کو سات ارب روپے فراہم کیے تھے لیکن این ایچ اے نے اپریل 2017ء سے اب تک جامشور سہیون روڈ منصوبہ مکمل نہیں کیا۔
سید ناصر حسین شاہ نے کہا کہ سندھ حکومت چاہتی ہے کہ جیسے دیگر صوبوں کو وفاقی منصوبے دیئے جاتے ہیں، اسی طرح سندھ کو بھی اس کا جائز حق ملے، اگر کوئی صوبہ اپنا حق مانگتا ہے تو کسی دوسرے صوبے کو اس پر اعتراض نہیں ہونا چاہیئے، ہم نہیں چاہتے کہ غیر ضروری بیانات سے صوبوں کے درمیان بے جا تنازعات پیدا کئے جائیں اور ملکی ماحول خراب ہو۔ ناصر حسین شاہ نے کہا کہ ہم وزیراعلی پنجاب مریم نواز کو عزت اور قدر کی نگاہ سے دیکھتے ہیں، وزیراعلی پنجاب بہترین کام کر رہی ہیں اور ہم ان کے اچھے کاموں کو سراہتے ہیں۔ انہوں نے کہا کہ کچھ منصوبوں اور اسکیموں کو پنجاب کے وزرا اور ترجمان پہلی بار پاکستان میں متعارف کرانے کا جھوٹا دعویٰ کرتے ہیں حالانکہ وہ کئی سال سے سندھ حکومت کے تحت جاری ہیں تو ہمارے لیے مؤقف پیش کرنا ضروری ہو جاتا ہے۔
بھارتی کھلاڑی رشبھ پنت کی جان بچانے والے شخص نے زہر کیوں کھا لیا؟