بھاری گاڑیاں رات گئے چلنی چاہییں‘‘آغاسراج درانی
اشاعت کی تاریخ: 14th, February 2025 GMT
کراچی ( اسٹاف رپورٹر) احتساب عدالت کراچی نے سابق اسپیکر سندھ اسمبلی آغا سراج درانی و دیگر کے خلاف آمدن سے زائد اثاثہ جات کا کیس کی سماعت 26 فروری تک ملتوی کردی۔احتساب عدالت میں غا سراج درانی و دیگر کی بریت کی درخواستوں پر وکیل صفائی نے دلائل دیتے ہوئے کہا کہ نیب نے بدنیتی کی بنیاد پر ریفرنس بنایا ہے، نیب ترامیم کے بعد ملزمان کے خلاف ریفرنس نہیں بنتا،عدالت نے ریفرنس کی مزید سماعت 26 فروری تک ملتوی کردی آئندہ سماعت پر نیب پراسیکیوٹر بریت کی درخواست پر دلائل دینگے سماعت کے بعد آ غا سراج درانی میڈیا سے بات چیت کرتے ہوئے کہا کہ بہت بڑا شہر ہے اس کو کنٹرول کرنے پولیس کی نفری ہونے چاہیے ہیوی ٹریفک رات 11 بجے سے چلنے چاہیے جس پر عمل ہونا چاہیے قانون بنا ہوا ہے اس پر عمل درآمد کرانے کی ضرورت ہے۔
.ذریعہ: Jasarat News
پڑھیں:
عمران خان کو مذاکرات کے لیے راضی کیا، بات چیت سود مند ہوگی، اعظم سواتی
پاکستان تحریک اںصاف کے سینئر رہنما اعظم خان سواتی نے کہا ہے کہ ہم نے بانی پی ٹی آئی عمران خان کو مذاکرات کے لیے راضی کیا، جب بھی نات چیت شروع ہوگی تو سود مند ہوگی۔
انسداد دہشت گردی عدالت لاہور کے باہر میڈیا سے گفتگو کرتے ہوئے انہوں نے کہا کہ بانی پی ٹی آئی کو ملک اور ملک کی نسلوں کی فکر ہے۔
ان کا کہنا تھا کہ ہ ہم نے بانی پی ٹی آئی عمران خان کو مذاکرات کے لیے راضی کیا، جب کوئی بات چیت شروع ہوگی تو بہت سود مند ہوگی۔
اعظم خان سواتی نے کہا کہ یہ ملک سب کا سانجھا ہے، اس سے ہماری نسلوں کی تقدیر جڑی ہوئی ہے، اب پورا پاکستان بانی پی ٹی آئی سے محبت کرتا ہے۔
انسداد دہشت گردی عدالت لاہور میں جناح ہاؤس سمیت چار جلاؤ گھیراؤ کے مقدمات میں پی ٹی آئی رہنما اعظم سواتی کی عبوری ضمانت کی درخواست پر سماعت ہوئی، اے ٹی سی عدالت کے جج منظر علی گل نے عبوری ضمانتوں پر سماعت کی۔
پراسکیوشن نے مقدمات کا ریکارڈ عدالت پیش نہ کیا اور مؤقف اپنایا کہ مقدمات کا ریکارڈ سپریم کورٹ میں ہے، ملزمان کی ضمانتیں سپریم کورٹ میں زیر سماعت ہیں۔
جج نے پراسکیوٹر سے استفسار کیا کہ وہ ریکارڈ کب آئے گا، پراسکیوٹر نے جواب دیا کہ ریکارڈ جلد جائے گا جج اے ٹی سی نے کہا کہ آئندہ سماعت پر ریکارڈ پیش کیا جائے، عدالت اعظم سواتی کی عبوری ضمانتوں میں 13 مئی تک توسیع کردی
پاکستان اور ڈنمارک کا بحری انفرااسٹرکچر کی ترقی پر اتفاق